1 Corinth-te 15 سے مشہور بائبلی آیات

شئیر

Tua ahi manin kong it sanggamte aw, kiptakin ding un. Bangmah kilokzosak kei un. Topa sungah na nasepna uh a mawkna ahi loh lam thei na hi uh ciangin Topa nasem dingin nomau mahmah na kipum piak tawntung un.

Ahi hangin Pasian tungah lungdamna om ta hen! Amah in eite Topa Jesu Christ tungtawnin gualzawhna hong pia hi.

Mi khemsa-in om kei un: Kikholhpih hoih lo in tatzia hoih siasak hi."

Ahi hangin Pasian hehpihna hangin ka hi bangbang ka hi-a, kei tungah ama hehpihna a mawkna-in a bei kei hi. A bei kei takpi hi, amaute khempeuh sangin na ka nak sepzaw a, tua nangawn kei sep hi loin kei tawh a omkhawm Pasian hehpihna sep ahi hi.

"Sihna aw, na gualzawhna koi-ah om hiam! Sihna aw, na gu koi-ah om hiam?" f ci-a kigelh thu a tung ding hi. Sihna gu in mawhna hi-a mawhna vangliatna in thukham ahi hi.

Ngai un, thuthuk khat kong gen ding hi: Eite khempeuh i ihmu kim kei ding hi. Ahi hangin a nunung pengkul a mut ciangin thakhat thu mitphiat khat sungin i vekpi-in i kikhel ding hi. Ahang in, pengkul hong ging dinga, misite a sia thei lo dingin kithosak dinga eite i kikhel ding hi.

Ahang in, mi khat tungtawnin sihna hong tun mah bangin misi thawhkikna zong mi khat mah tungtawnin hong tung hi. Ahang in, Adam sungah mi khempeuh a sih bangin Christ sungah mi khempeuh a kinungtasak ding hi.

Ahang in, a siatheite in siat theihlohna silhin, a si theite in sihtheihlohna a silh ding hi.

Ahang in, amah in a galte khempeuh a khepek nuai-ah a koih mateng a uk ding hi. A kisusia ding gal nunung pen sihna ahi hi.