Genesa 17 سے مشہور بائبلی آیات

شئیر

Loko Abrama a ri ni malembe ya 99, HOSI Xikwembu xi humelela eka yena, xi ku: “Hi mina Xikwembu-xa-matimba-hinkwawo; u fanele ku hanya emahlweni ka mina, u ndzi yingisa hi ku hetiseka.

Vito ra wena a ri nga ha vi Abrama, kambe ri ta va Abrahama, hikuva ndzi ku endla tata wa vanhu va matiko layo tala.

Ndzi ta endla ntwanano exikarhi ka mina na wena, ni vatukulu va wena lava nga ta sala va hanya endzhaku ka wena; ntwanano lowu wu ta va kona hilaha ku nga heriki, kutani ndzi ta va Xikwembu xa wena ni xa vatukulu va wena.

“Vona, ndzi ta endla ntwanano na wena: Hi wena u nga ta va tata wa vanhu va matiko layo tala.

Xikwembu xi hlamula xi ku: “E-e, Sara nsati wa wena ú ta ku velekela n'wana wa mufana, kutani wena u ta n'wi thya vito ra Isaka. Ndzi ta endla ntwanano na yena, wu va ntwanano lowu nga ta va kona hilaha ku nga heriki exikarhi ka mina ni vatukulu va yena lava nga ta velekiwa.

Tiko leri u luveleke eka rona, ri nga tiko ra Kanana, ndzi ta ku nyika rona hinkwaro, ri va ra wena ni vatukulu va wena hilaha ku nga heriki, kutani mina ndzi ta va Xikwembu xa vona.”

Kutani Abrahama a wela hansi hi mombo, a ri karhi a hleka, a tivutisa a ku: “Xana wanuna loyi a nga ni malembe ya 100, a nga ha tswala n'wana xana? Leswi Sara a nga ni malembe ya 90, a nga ha kuma n'wana xana?”

Kutani Xikwembu xi ku ka Abrahama: “Sarayi nsati wa wena a nge he vitaniwi hi vito ra Sarayi, kambe ú ta va Sara.

Mi ta yimbisiwa hi ku tsemiwa minsuvu, kutani xi ta va xikombiso xa ntwanano exikarhi ka mina na n'wina.

Kambe ndzi ta endla ntwanano na Isaka, a nga n'wana loyi a nga ta velekiwa hi Sara lembe leri taka hi nguva leyi.”

Mi ta hamba mi yimbisa vana va n'wina va xinuna loko va ri ni masiku ya 8; mi ta yimbisa hinkwavo lava nga ta velekiwa, hambi ri ri hlonga leri nga lo velekeriwa exikarhi ka n'wina ntsena, kumbe leri mi nga lo ri xava eka vanhu vambe. Mahlonga hinkwawo lama velekeriweke emitini ya n'wina kumbe lawa mi ma xaveke hi mali, ma fanele ku yimbisiwa. Hi ndlela leyi, mfungho wa ntwanano wa mina lowu nga heriki, wu ta va enyameni ya n'wina.