:Jororn' 15 سے مشہور بائبلی آیات

شئیر

'Mor-: 'o, :or no tu. :Yee' a :mor 'dhu tu-a' 'gabuh⧾-'. :Mor nyor :ne 'on-', 'de 'on 'ye-or' :ne, :yee' or mu 'bi :dhulu' :tlo. :Mor a se 'on-' :ne, a se 'beh-dih: a 'ye deh no.

A :ne 'on-', :yee' 'an mu a-uh :ne :ke. Tu-a' 'gabuh se 'beh-dih: on 'ye 'bi :tlo, 'do an-a' 'jeh bo, :mor on se 'o tu 'bhun tba. 'De :ka :ne-a :due' 'di, a se 'beh-dih: a 'ye 'bi :tlo 'do a-a' 'jeh bo, :mor a se 'on-' :ne.

:Mor a :ne 'on-', 'de 'an wlu 'ye a-' :ne, :yee' deh a 'bhorn-a, a 'yba-dih-eh 'on, :yee' a mu-eh 'ye-:.

A :se 'on gan. Jorwor: 'mor gan a-uh, 'de :or tba a-uh :jii-eh, a 'ye mu, a 'ye 'kmo :sie-bi :tlo. :Yee' deh⧾-a' klehkpeh a mu-a 'yba-: 'de 'an 'nyne 'di, me-: 'On-ba-a mu a 'nyi-:.

:Ybeh-dih-eh-a' klehkpeh-a' 'dlu :wor 'dhu, nyor 'ye or-a' :febeh' 'kwla :za, or 'ye 'meh, 'do or 'bei'-a' dhih bo.

'Gabuh⧾-a' klehkpeh :en tba-a 'o 'on 'bhun, 'de :en :se-a' 'bi :tlo i, me-: or mu 'o :chehn. Jorwor: :yih :en tlo-a 'bi, me-: or 'gbabo 'de dih, 'de en 'ye dih van-dih:, en 'ye 'bi :dhulu' :tlo.

'An 'tele' :wor :dhe dih, a :ybeh-dih:, :ka 'on no-a a-a' :ybeh-a' :ke.

:Mor a :tlo 'bi :dhulu', :yee' eh mu 'On-ba-a' 'nyne dhih-a' 'i 'beh-a' 'nyi-:, :yee' eh mu-eh nyor⧾ 'i :to-dih:, :ka a 'dhu-a 'an-a: bo :na-nyor⧾-'.

:Yee' :Yusu' :wlu-' :neheh', or 'dae:, 'Mor-: no tu 'jeh :no :an tlo-a 'bi. 'De 'On-ba no tu :dao', an-a' :kororn-nyor.

:Mor nyor se 'on-' :ne, :yee' or gweh tu-a' 'gabuh: :on :po-eh 'kwla, 'de :on :klor-a. 'Gabuh: :dao' :on :ne :ao', nyor⧾-a mu-uh' 'duo:, on 'ye-uh' 'yli 'dhu, 'de on 'ye sin.

'On :za dhih :daa-' 'weh 'de a bo, 'de 'mona: :or 'yi-dih:-a 'on-' dih, or 'ye a-' dih 'yi-dih: :ke, or 'ye 'zorn 'wla.

:Mor a dhe 'o 'an 'tele' dih, :yee' 'an mu a-' :ybeh :chio'lo:, :ka 'on no-a 'o 'On-ba-a' 'tele'-a' dih :dhe-eh, 'de or :ybeh-a 'on-' 'gabaa.

'An 'tele' :wor :dhe dih, a :ybeh-dih:.

:Mor a :korn 'de 'kmo bo :dee', :yee' an mu a-' :ybeh :ka on no-a an-a'a: nyor⧾-a' :ybeh-a'. :Ka eh :ne-a :naa, a se 'de 'kmo bo :korn. Jorwor: 'on :za 'de a nyor⧾ :on :korn-a 'de 'kmo bo 'klu-' 'weh. Eh-: :korn dhih, 'de 'kmo bo-nyor⧾ 'nyeh a-uh'.