Lukahtar 18 سے مشہور بائبلی آیات

شئیر

Vov sikadah lengje jekh paramiči sar trubuj te molin pe e Devlehće tha te na ćhinjon, te na ačhadon.

A zar o Del niči arakhela e Dušmanohtar gole manušen save paćan ande lehte thaj save molin pe lehće o djive tha e jrat. Phenav tumee kaj vov sigende kam arakhel len. A kana avela pale e manušehko čhavo, da li vov kam arakhel paćape pe gaja phuv.

A o Isuso lengje phendah: So našti ćeren e manuša, šaj o Del ćerel.

Maj anglal niči kamlah te ašunel la. A maj palal vov vaćardah peha: Me e Devlehtar niči darav, a e manušendar niči ladžav. A gaja phivli niči mukel ma thaj h̄oljarel ma djive po djive. Thaj te na avel mae maj but, me kam arakhav la e dušmanohtar, te na del ma h̄oli.

Thaj mothovav tumengje čače: Gova savo niči dikhel e Devlehko thagaripe sar dikhen le e cinone čhavor̄e, gova našti del ande lehte andre.

A o Isuso akhardah len, dijah len muj, tha vaćardah: Muken e čhavor̄en te aven mande, na h̄an tumen lenca, kaj pala gasave si e Devlehko thagaripe.

A o Isuso phendah lehće: Nek ćire jakha dikhen, ćiro paćavipe sastardah tu.

A o Isuso mothodah lehće: Sostar tu mae pheneh: lačheja? Niko inaj lačho, jekh Del korkor̄e si lačho.