MAKI 13 سے مشہور بائبلی آیات

شئیر

Nu pɛ ka zili ga wiɛ nà daa‐zeigi mazaƃu ma. Kɛ̀ nui yá yii lɔ gá é yɛsu é ziiti gaa ƃela su towaa valo.”

A wũ maazu vɛtɛ wiɛ ná maa ƃɛɛ, ƃɔvɛlaale wɛ lɛ kui ziili ʋolo wɛ̃ni.

Ta li na ga wiɛ faa‐wo‐bo bea wɔ te wo yee la te ya, a mɛ lɛ leve na luo wɔ zii‐zɛlɛ pili ƃɔɔ ma ga nii wa bo. Kɛ̀ nii nɛpɛ yá loo wo wuu zu siɛgi na zu, a bo. Ƃɔvɛlaale wa lei wa ɣɛ bosu, kɛ̀ Gala baa ŋinɛgi ɣa ɣɛ le.

Gee wɔlɔgi ƃɔga zui te maʋaa ɣa ƃea gá, kɛ̀ gòitiɛ laa‐zu ɣa ga daa‐zu.”

Ziizɛ ɣɛni tea, “Kɛ̀ foloi ƃɔga ɣalavai nii fai na vaazu ɣɛɛzu ma foloi ʋaa va, nu ta lɛ kwɛ̃ni. Gala ta ɣeelaitiɛ ƃalaa te gee‐zuvɛ tɛ lɛ kwɛ̃ni ɔ́ nɔ ɣɛ ga Gala dui. Kɛni nɔ kèea Gala tɔ ɣilekpu.

Ani wa kɔɔni maazu woo mɛni na wiɛ kɔɔ‐wɔɔ ʋaa mahũ‐hũ goo mɛni, a mɛ lɛ ƃɔ ba duo ɔ́ vili wo wɔlɔ ga. Kɛni dɛ nii ɣa wulo ba. Tɔwɔ nà lɛ dɛ ɣɛɛ ga ŋeteai mawɛ̃ɛ‐pele‐ma.

Na ʋaa ma, a ná maa ƃɛɛ. Ƃɔvɛlaale wɛ lɛ kwɛ̃ni ga ʋoloi pɛlɛ keea nui vaazu la. Towaa ɣɛ ga kpɔkɔ ƃaa kpidi zaama ƃaa tɛɛ zine maa wũ kɔkwɛlɛ‐su yɔɔzu ɔɔ subu, wɛ lɛ kwɛ̃ni. A ná maa ƃɛɛ kɛɛ ʋaa ma é mɛ lɛ wulo ga wiɛ kpusɛ ɔ́ wo vɛtɛ ŋiizu. Nii gè bosu wiɛ, nui pɛ faa ve. Na ɣa ga, a ná maa ƃɛɛ.”

Ƃɔvɛlaale zuu ɣa wu ziɣi é vɛɛ bɔɔ yuu va ga kɔɔ, ɣalaso zuu yiɛ vɛɛ bɔɔ ɣalaso zuu va ga kɔɔ. Zui ɣa ƃeli yíɛ wu su ŋada ɣile‐giledaitiɛ zu, pulu yìɛ loo. Na ɣa ɣɛ dɛ nɔ ga daa‐nɔwɔ‐wogi lɔɔ‐zei‐zuvɛ.

Tɔwɔ kɛni dɛ woo niinɛ vagɔi ɣa wo zii ƃɔgɔpɛ ma ga maa wũ pa.

Nu lamaa ɣa va nà daa‐zeigi zu tiɛ ɣɛ tea, ‘Nà vee de!’ Tɔwɔ ta nu lamaa ziɣi pele va.

Kɛ̀ a ƃɔɔ wũ maazu vɛtɛ, ƃɔvɛlaale ta wo yee la faa‐wo‐bo kpɔ zeea tiɛ wo ƃooʋɛ Gala‐feli wɔtaitiɛ wu. Na ɣa ɣɛɛ na wa lo gɔmɛti vea ƃaaza daa wu ta ɣalasoga ga wo seele woo ʋe te laa wu màzaƃu ma.

Numaa ta vaazu wu ziɣizu tiɛ ƃɔɔ wulo ga Kolai ga zɛɛ vele, zɛɛ ʋaa Ɣala daa woo‐wo bea tiɛ wu ziɣi tiɛ faa maa‐wɔlɔ‐wɔlɔga ɣɛ tiɛ faaniga ɣɛ ga seelea, kɛɛ ʋaa ma ani yá ɣɛ na ga solowo faa, niitiɛ Gala ge yee ƃadoga te va te natiɛ ziɣi pele va.

“Kɛ̀ siɛgi na zu, ani faa ƃoei na maʋaa ɣa wulo na ba, foloi maa ɣa ƃibi, ɣalogi wɔ gɛ lɛ ʋoloa. Na ɣa ɣɛɛ na sɔmɔ dekaitiɛ te wulo gee‐zuvɛ te wu. Gee‐zuvɛ ɣaa‐ƃaitiɛ ta sa ta ƃeli.