Luke 17 سے مشہور بائبلی آیات

شئیر

Tavra Jesus uqallautiŋagaa, Makillutin aullaġiñ. Ukpiġurvich iłuaqsipkaġaatin.

Aasii piḷuksikpan ilivsiññun tallimat malġuiqsuaġlugu uvluq, aasii isumalitqikpan tallimat malġuiqsuaġluni uqallautilusi, Isumalitqiksuŋa. Suliqutigiŋaigaksraġigiksi.

Tavra iḷaŋat, iḷitchuġikami iłuaqsirautilaamiñik, utiqsaŋaruq, nanġaqługu God nipatuvluni. Tavra punŋaruq sivuġaanun Jesus, quyyavigivlugu. Taamna iñuk Samaria-ġmiu.

Qaunagisitchi. Aniqatiksi piḷuksikpan, suaksiuŋ. Aasii isumalitqikpan, suliqutigiŋaiqsiuŋ itqaumayumiñaiġḷugich.

Tavra Jesus uqallaŋaruq, quliguŋitpat ipkua mamittuat? Nauŋ ipkua quliŋŋuġutaiḷat?

Tavra Ataniq uqallaŋaruq, Ukpiġutiqaġuvsi nautchiaksratun mustard-tun, mikipiaġaluaqłuni naullaruatun napaaqtuqpaġuqłuni, uqallautiyumiñaġiksi manna napaaqtuq, Maŋŋupkun nusugiñ aasii nautchirriutaulutin taġiumi. Tavra kamagiyumiñaġaluaġaasi.

Kialiqaa annautiniaqsaagumigich iñuuniutini tammaiñiaġaa iñuggutini, aglaan kialiqaa tammaigumigich iñuuniutini annautiniaġaa iñuggutini.

Tavra Jesus uqallautiŋagai iḷitchitqurani, Nalupqinaitchuq, ikł̣igutchaktinniutit piḷuksiñiksramun qaiyumaaqtut, aglaan qanutun naglignaqtigiruq taamna iñuk patchisauruaq tamatkunuŋa. Kialiqaa ukpiġutaiqsitpagu iḷaŋat makua miqłiqtuuratun iḷivḷutiŋ ukpiqtuat uvamnun, iłuałhaaġayaqtuq uyaġagruaġmik quŋusiġutchiġḷugu aasii ipipkaġlugu taġiumun.

Taimani Noah iñuumman iñuuruatitun, tainnatuttauq iñuusiqaġniaġmiut qaiyasikpan Iġñiŋa iñuum. Iñuich niġigayuktut, imiqłutiglu katirrusiqivlutiglu Noah isiġataqtillugu umiaqpaŋmiñun, aasii uliqpaum tuqunŋagai iluqaisa.