Jenesis 9 سے مشہور بائبلی آیات

شئیر

Anutunoŋ toroqeŋ qaa kokaeŋ jero: “Niinoŋ mono soomoŋgo areŋ koi ii neenaa ano oŋo ano ilawoila laaligogiawo kuuya oŋowo laligojuti, ananaa batunananoŋ ambe tetegoya qaa kotiiŋ eŋ ubaa. Soomoŋgo areŋ iikawaa aiweseya ii kokaeŋ: Niinoŋ marilolona ii koosunoŋ ambe ewaa. Niinoŋ neena ano namonoŋ laligojuti, ananaa batunananoŋ soomoŋgo areŋ anjeŋi, mariloloŋ kanoŋ mono iikawaa aiweseya kolooŋ ewaa.

Kambaŋ moŋnoŋ marilolonanoŋ koosunoŋ asugiwaati, niinoŋ ii iima iikanondeeŋ soomoŋgo arena ii romoŋgomaŋa. Ii tetegoya qaa neena ano ilawoila laaligogiawo kuuya tanigia kania kania namo qaganoŋ laligojuti, ananaa batunananoŋ ama meŋ kotiiwe ewaa.”

Anutunoŋ ejemba iyaŋaa kaitania kaaŋa merotiwaajoŋ ama moŋ moronoŋ ejemba moŋ qero komuwaati, moŋnoŋ mono ii kaaŋiadeeŋ qero komuwaa.

Kaeŋ jeŋ Anutunoŋ Nooa ano merauruta kokaeŋ jeŋ kotuegoŋ oŋono: “Oŋo mono kolooŋ seisei ama gomaŋ sokoma laligowu.

Iwoi kuuya isiŋosoŋgiawo kema kaŋ laligojuti, ii oŋoo nenega kolooŋ ewaa. Wala logoya iwoi toŋgoŋa nenegiaga oŋombeta kete iwoi kuuya koi kaaŋagadeeŋ oŋonjeŋ.

Kaeŋ aŋgi balombaa oroya kuuya, kanakeewambaa kooŋa kuuya, iwoi kuuya bagianoŋ namo koma kondondoŋgoŋkejuti ano kowewaa soraya kuuya ii mono oŋoo borogianoŋ oŋoombe oŋonoŋ ii galeŋ koma oŋoma laligogi yoŋonoŋ oŋoojoŋ keegia moma jeneŋgia ororo laligowuya.

Oŋo mono kolooŋ seiŋ laligowu. Kaeŋ namo qaganoŋ kolooŋ seigi jaŋgogianoŋ somariiŋ ubaa.”