Maatiuꞌ 7 سے مشہور بائبلی آیات

شئیر

“Eentarariai aruriaina'. Besi'eriai daa'eriaina'. Kopikopi'eriai karanaang daate'deruriaina'.

Ai' ookara nantoonge eentavarimainge tee nkavaamaung, ee'noko besi'aamainge tee daa'aamaunge, ee'noko karanaang kopikopi'aamaing teinge daate'evurimaunge.

“Tee'koo ookara nantoong aung nkaang kara taaravaama nkoaakoo' teing teing tee-pina' naning norukasi' tee bakaang pava boia'koo dau kanivuu'nung.

Tee' nantoonge dii' tampa' nkoraarii'naang piarorimana' tee' nari' nkovererimaatoaing teing dii'ke, ai' teie aunge aarumoi tee boto Moosesi-nung ee'noko nakaro-nupoong urikupoong biikaang naro'ka dupeantavuri otong.”

Teka tevarong ito-navarong kaponavunge danto tee domaang isikung-anta-aape bei otong, ee'noko mmau' nantoonge dekopi'aamaung tevung.”

“Muu' paninung-koo tuntoma te' ito-navarong. Teke tevaronge tuntariaing avutevu'daria', ai' tee karanaang pankaing, ee'noko taung tee beeta'nii' tee mosianung-aape bei otong, ee'noko mmau' tevaronge tumparimaung.

Tee tee dii'ke orenge diurukaa' tampa' averererimaung deeko' noru'eriaing teie Diumai paning-koo otomaunge bakei tampa' masika' avuriaing teing tee-koo eentavarimaing.

“Nantoong koong-anta-koo oioi'daria' otoai Kumponinge nari' koong-antaru'neenga. Ai' dii'ke koong-antavererimaung-koo tee' nari' Kumponinge dii' koong-antaruriaing. Tee paaranang kompei nantoong koong-antaverimanarong Kumponinge kompui da' koong-antaruu'naang.

Teka teing ookara nantoong nkaang kara tamung taaravaama siompaavarukoo' teing teing tee-pina' naning kanu' tee bakaang pava tamung piisi'koo dau kanivuu'nung-pina', e'mang-antavua'.

Aming-koo dake nanki' daara'ma'nung-koo duta-koo oovemaunge teka daka noru'darava' da'koo duta-koo konkinarong otoing? Arekee' dake aa'pepeu' tee daara'ma'nung, ‘Io' nanki' moo'dampai da'koo duta-koo otoing,’ tenang daka oorarava' tee konking da'koo duta-koo otoing.

“Tanatarariaing teing-koo nakaro-nupoong daang Kumponing-etaning tamparimaing-koo. Teing teing dii'anko sipisipi'koong dopa' kurumpariri poroaing, teka kuunoo' teing teing nkaunanka makosi-nanka tairo'nanka. Teka tee-koo biikaang sinananka-koo dii'ke tasi'pereriaing. Ai' nantoonge ee karikau' too'murintaa'po'navari-koo kavaapeu'? Ai' kiring ee nantong-koo kavaapeu'? Otoa'!

Tee' nari' ookara koi' tampenanka-koo tee sinang tamparananka bi'umaung. Ee'noko tee-koo koi' orara-koo sinang orara bi'umaung.

Tee-koo koi' tampara-koo orara sinang bi'uarupeu', ee'noko orara koi'koo sinang tampara bi'uarupeu'.

Ee'noko ookara koi'nanka sinang tampara bi'uauka'ning teing nokiaarima nta'koo dua'aariaining.