KO SĒNESI 3 سے مشہور بائبلی آیات

شئیر

Pea na‘e vakai ‘e he fefine ko e ‘akau ia ‘oku lelei ki he kai, pea matamatalelei ki he mata, kae‘uma‘ā ko e ‘akau ke fai ki ai ha vēlevele ko ‘ene fakapoto‘i, pea ne hanga ‘o toli hono fua, ‘o kai, pea ne ‘ange foki ki hono husepāniti na‘e ‘iate ia; pea kai mo ia.

PEA ko e Ngata na‘e olopoto lahi ‘i he manu kotoa pē ‘o e fonua, ‘a ia ne ngaohi ‘e Sihova ‘Elohimi. Pea ne huhū ange ki he fefine, ‘Oku mo‘oni koā kuo folofola ‘e he ‘Otua ke ‘oua te mo kai mei he ‘akau kehekehe ‘o e ngouetapu?

te u ‘ai ke mo fetāufehi‘a‘aki, ‘a koe mo e fefine, pea ko ho hako mo hono hako; ‘e laiki ‘e ia ho ‘ulu, pea te ke laiki ‘e koe ‘a hono muiva‘e.

Pea ki he fefine na‘a ne folofola, Te u mātu‘aki fakalahi ho‘o mamahi, kae‘uma‘ā ho‘o feitama; pea te ke fā‘ele‘i mamahi ‘a e fānau; kae tō ho‘o holi ki ho husepāniti, pea ‘e ‘a‘ana ‘a e pule kiate koe.

te ke kai ho‘o me‘akai ‘i he kakava ‘o ho mata, kae‘oua ke ke foki ki he kelekele ‘a ia na‘e to‘o koe mei ai: he ko e efu koe, pea ko e efu te ke foki ki ai.

Pea kia ‘Ātama na‘a ne folofola, Ko e me‘a ‘i ho‘o fakaongo ki he lea ‘a ho uaifi, mo ke kai mei he ‘akau, ‘a ia na‘a ku tu‘utu‘uni ai ‘o pehē, ‘E ‘ikai te ke kai mei ai: kuo mala‘ia ‘a e kelekele koe‘uhi ko koe; te ke kai mei ai ‘i he mamahi ‘i he ‘aho kotoa pē ‘o ho‘o mo‘ui

Pea ne folofola mai, Ko hai na‘e fakahā kiate koe ‘oku ke telefua? Kuo ke kai koā mei he ‘akau na‘a ku tapui ho‘o kai mei ai, ‘ō?

‘Io, ne kapusi ‘a e tangata; pea ne fakanofo ‘i hahake ‘i he ngouetapu ‘i ‘Īteni, ‘a e Selupimi, mo ha heletā ulo na‘e tavilovilo, mo le‘ohi ‘a e hala ki he ‘Akau ‘o e Mo‘ui.

Pea fakahingoa ‘e he tangata hono uaifi ko ‘Ivi [ko Mo‘ui‘anga]; koe‘uhi ko e fa‘ē ia ‘a e kakai kotoa pē.