JOHN 2 سے مشہور بائبلی آیات

شئیر

Díidí ts'ídá áłtséedi Jesus bibee adziilii bee béédahózinii áyiilaii át'é, éí kéyah Gálilii biyi' Kéína kin sinilígi yaa naayá, áko yee ayóó át'éii ííshją́ą́ áyiilaago bídahooł'aahii daboosdląądgo baa dadzoozlíí'.

Áko Jesus bimá áyidííniid, Asdzání, shíísh haa shidíílíiłgo shaa nánít'į́? Baa nideeshaałígíí t'ah doo shá baa hoolzhíish da.

Nít'éé' Jesus áhodííniid, Tóshjeeh bii' tó hadadołbin. Áko t'áá dabidáa'jį' hadazhdééłbįįd. Áádóó ánááhodoo'niid, K'ad ła' haohkaahgo bik'ehgo áda'azįįdii baa nohkaah. Áko baa dadzizką́.

Jesus ánáábidoo'niid, Díí kin bii' sohodizin atídaahłééh, áádóó táá' yiską́ąjį' ninádeesh'ááł.

Áko tł'óół ts'ósí bee atsxis ájiilaago kin bii' sohodizin bił haz'ání biyi'dóó diné áádóó dibé índa béégashii t'áá ałtso ch'ínizhníłkaad, áádóó béeso ałghááda'a'nilii bibéeso yajiyiiką́, áádóó bikáa'gi ałghááda'a'nil naa'adziistł'ííd. Hasbídí nidayiiłniihii ábizhdííniid, Díidí ch'ídahohjááh; shiTaa' bikin biyi' góne' t'áadoo na'iiniih bá haz'ą́ągo ádaał'íní.