Mātiu 2 سے مشہور بائبلی آیات

شئیر

Pea naʻa nau hū atu ki he falé ʻo sio ki he tamasiʻi̇́ mo ʻene faʻeé ko Mele, pea nau tūʻulutui ʻo fai ʻenau hū kiate iá, pea nau toki ʻai hake ʻenau ngaahi tukuʻanga koloá, ʻo tuku atu ʻenau ngaahi meʻaʻofá, ko e koula, mo e laipeno, pea mo e mula.

Pea naʻe ʻaloʻi ʻa Si̇̄sū ʻi he kolo ko Pētelihema ʻi Siuteá ʻi he kuonga ʻo e Tuʻi ko Hēlotá, pea tā naʻe aʻu hake ki Selusalema ha kau tangata poto mei he Hahaké; Pea naʻa nau pehē: ‟Ko e fē ʻa e tama kuo ʻaloʻi ko e tuʻi ʻo e kakai Siú? He naʻa mau mamata ki hono fetuʻú ʻi Hahake, pea kuo mau omi ke mau punou ʻo hū kiate ia.”

Pea ʻi heʻenau mamata leva ki he tuʻu ʻa e fetuʻú, naʻa nau fiefia lahi ʻaupito, ʻaupito.

Ka naʻe fakatokanga ʻe he ʻOtuá kiate kinautolu ʻi ha misi ke ʻoua te nau toe foki kia Hēlota, ka nau ʻalu ʻi ha hala kehe ʻo foki ai ki honau fonua ʻonautolú. Pea hili ʻenau foki̇́, ʻiloangē ko ha ʻāngelo ʻa e ʻEiki̇́ naʻe hāmai ʻi ha misi kia Siosifa ʻo ne pehē ange, ‟Tuʻu ʻo toʻo ʻa e tamasiʻi̇́ mo ʻene faʻeé pea mou hola ki ʻIsipite ʻo mou nofo ai kaeʻoua ke u toki fakahā atu kiate koe ke mou foki mai. He ʻoku teu kumi ‘e Hēlota ʻa e tamasiʻi̇́ ke tāmateʻi.”