Yuhanis 21 سے مشہور بائبلی آیات

شئیر

Nikit oen kaa hidi kon, Yesus ketan Simun Petrus noan, “Simun, Yuhanis ana, elola la? Ku namnau Auk dui deng ku tapam mias, in namnau Au kia le?” Kon un siut noan, “Baktebes Papa! Paap taan auk in namnau Papa ka son.” Ti Yesus hid un noan, “Etan ela lam, lolo-poa Auk lae-blai las babanan le halin nam oen haup in kaa-ninu.” Kon Yesus keket un pait noan, “Simun, Yuhanis ana. Elola? Ku namnau Au, tam lo ka?” Un siut noan, “Auk namnau Paap baktebes! Paap taan auk in namnau ka son.” Kon Yesus hid un noan, “Etan ela lam, papa-paiduil Auk lae-blai las nol babanan.” Hidi kon Yesus keket un pait noan, “Simun, Yuhanis ana. Elola? Ku namnau Auk el ku tapam tam lo ka?” Kon nam, Petrus dalen na ili, undeng Yesus keket un oe tiul noan, “Ku namnau Au tam lo ka?” Hidim un siut noan, “Paap man taan totoang dasi lias. Tiata Paap taan son noan, auk niam Paap tapa, tamlom lo ka.” Kon Yesus hid un pait noan, “Etan ela lam, lolo-poa Auk lae-blai las babanan, le halin oen haup in kaa-ninu.

Ku nangan taan Auk in koma ka son ta lo? Auk kon le tek elia: hmunan nu, oras ku muda bii kam, taom ku pake kado nol kes bota, hidim ku laok elol tuun muid ku in koma. Mo mam eta ku blalan son nam, ku doong ku imam mas, le atuli butus nini ku bota la esa. Hidim oen pel nol ku lako se mana mesa, man ku kom in laok se la lo.”

Kon Un haman tekas pait noan, “Olan nahu pukat ta laok se lui la blapas kanan na. Tiam mi nala.” Tiata oen tao mudin. Tukun nam, oen haup ikan mamo. Mo ikan nas mamo isi, didiin oen pel sakeng nal pukat ta lako lui la dapa lo.

Simun Petrus tek noan, “Auk le laok nahu pukat.” Kon oen siut noan, “Hao! Kaim kon lako.” Tukun nam oen lakos se tubu ka suut ta, le saek lui lakos nuting ikan. Mo duman na oen pukat nal ikan mes lo kon.