℗ 2008 Hosanna Grabado por Asociacion Vina

Maya, Mopan - 2004 Edition (NT)

<div class="version vid630 iso6393mop" data-vid="630" data-iso6393="mop">
 <div class="book bkMAT">
 <div class="chapter ch17" data-usfm="MAT.17">
 <div class="label">17</div><div class="s1">Jeeli u cha'an a Jesusu.</div><div class="p"> 1Pues te'i. Seis q'uin man&#252;c a t'an abe' u yadaj a Jesusu, naq'ui tuwich a witz a top ca'nala. U bensajoo' aj Pedro, aj Jacob, y aj Juan tu pacha. Aj Juan y aj Jacobo, u sucu'un u yitz'inoo' u bajil. Que'enoo' tu junal.#Mr 9:2; Lc 9:28 2Jeeli u cha'an a Jesus tu taanoo'. Sasilaji u wich jabix q'uini. S&#252;c s&#252;caji u noc' jabix u sac a q'uini. 3Chiclajoo' aj Moises etel aj Elias ti'ijoo' a ox tuulu. Aj Moises etel aj Eliasa, tanoo' u t'an etel a Jesusu.#Ro 3:21 4&#8212;Noochil, qui' ti que'eno'on wa'ye'. Wa qui' ta wichi, bel ti ca'a ti bete' ox cuul a tz'i' naj ti'i bo'oy. Jun cuulu, tech. Jun cuul ti'i aj Moises, y jun cuul ti'i aj Eliasa,&#8212; cu t'an aj Pedro ti'i a Jesusu. 5Le'ec ti tan to u yadic abe' aj Pedrojo, emi a muyal a top sasil yoc'oloo' tac ti lu'um. Que'enoo' ich muyal ala'oo'. Uchi a t'an ichil a muyala. &#8212;Le'ec ada' in Mejen. Yaj in wu'yi. Top qui' in wool etel. U'ye'ex u t'an,&#8212; cu t'an a t'an ichil a muyala.#2 P 1:17; Mr 1:11; Lc 9:35; Is 42:1; Dt 18:15; Hch 3:22 6Le'ec ca' u yubajoo' a t'an abe'e, xonlajoo'. Top saacajoo'.#2 P 1:18 7C'ochi a Jesus tu tzeeloo'. U t&#252;lajoo'. &#8212;Liq'uene'ex. Ma' a saactale'ex,&#8212; cu t'an a Jesusu. 8Le'ec ca' u lic'sajoo' u polo, u yilajoo' ti jadi' a Jesus a yan te'iji, ma'ax mac ulaac'.</div><div class="p"> 9Pues te'i. Tanoo' u yemel tuwich a witzi. &#8212;Ma' a wadique'ex ti'i ma'ax mac le'ec a c'u' a wilaje'ex asto ti ca' cuxlaquen tu yaamoo' a quimen a yanajeen ti cristianojili,&#8212; cu t'an a Jesus ti'ijoo'o.</div><div class="p"> 10Pues te'i. Le'ecoo' u yaj cambala, u c'aatajoo' ti'i. &#8212;Le'ecoo' u yaj ca'ansajil u ley aj Moisese, &#191;c'u' ca'a walacoo' u yadic ti yan u yudel payanbej aj Eliasa?&#8212; cu t'anoo' ti'i.#Mal 4:5; Mt 11:14; Mt 27:47-49; Mr 9:11; Jn 1:21,25 11&#8212;Jajoo' u t'an ti yan u yudel payanbej aj Elias u tojquinte tulacal,&#8212; cu t'an a Jesusu.#Mal 4:6; Lc 1:16; Hch 3:21 12&#8212;Tan in wadic te'ex. Ac udi tun aj Eliasa. Ma' eeltabi wa le'ec. U betajoo' a ca'ax c'u'ac a qui'oo' tu wich u betoo' ti'iji. Baalo' ilic xan inene. Beloo' ilic u cu bete' a yaj ten a yanajeen ti cristianojili,&#8212; cu t'an a Jesus ti'ijoo'o.#Mr 9:13; Mt 14:3 13Le'ecoo' u yaj cambal a Jesusu, u ch'a'ajoo' u tojil u t'an. U yeeltajoo' ti le'ec aj Elias a tan u tzicbalb&#252;l&#252;, le'ec ilic aj Juan aj tz'aj ocja'a.</div><div class="s1">Ch'anesabi a ch'ajom a yan a c'ac'asba'al tu yoolo.</div><div class="p"> 14Pues te'i. Le'ec ti emoo' tuwich witz, c'ochoo' tuba que'enoo' u yaabil a cristianojo. C'ochi jun tuul a winiqui. Xonlaji tu taan a Jesusu.#Mr 9:14; Lc 9:37 15&#8212;Noochwinic,&#8212; cu t'an ti'i a Jesusu. &#8212;Ch'a'a u yotzilil in mejen. Walac u tz'ab&#252;l ti'i ca' s&#252;cquimic. Top tan u c'&#252;mic a yaj tu jajil. Walac u boch c'ax&#252;l ich c'aac' wa ich ja',&#8212; cu t'an ti'i a Jesusu. 16&#8212;In talesaj eteloo' a waj cambal y ma' paatajoo' u ch'anes,&#8212; cu t'an ti'i a Jesusu. 17A Jesusu, u nuuctajoo' etel u muc' u t'an. &#8212;Top ma' que'ene'ex a wool tu jajil tu pach a Dioso. Top que'en to a woole'ex tu pach a uchbene,&#8212; cu t'an a Jesus ti'ijoo'o. &#8212;&#191;Boon q'uin to yan in cuntal ta yaame'ex y muc'yajtique'ex,&#8212; cu t'an a Jesus ti'ijoo'o. &#8212;Tales a mejen,&#8212; cu t'an a Jesus ti'i a winiqui. 18Le'ec a Jesusu, u yadaj ti'i a c'ac'asba'al ca' joc'oc. Joq'ui tu yool a tz'ubu. Tu seebal ch'ani.</div><div class="p"> 19Pues te'i. Le'ec ti que'en a Jesus tu junal, c'ochoo' u yaj cambal etel. &#8212;&#191;C'u' ca'a ma' paatajo'on ti joq'ues a c'ac'asba'al abe'e?&#8212; cu t'anoo' ti'i. 20&#8212;Top ma' que'ene'ex a wool tu pach a Dios tu jajil, ment&#252;c&#252;, ma' paataje'ex a joq'ues,&#8212; cu t'an a Jesus ti'ijoo'o. &#8212;Tan in wadic te'ex u jajil. Wa cuchi jabix jun cuul u nec' ix mostazaja, que'ene'ex a wool pach a Dioso, qui' cuchi. Jede'ec cuchi u paatal a wadic ti'i a witz ada'a: &#8220;Jiisen tacan,&#8221; que'ex cuchi ti'i. Bel u ca'a ti jiisil. Ma'ax c'u' cuchi a ma' tu paatale'ex a betiqui,&#8212; cu t'an a Jesus ti'ijoo'o.#Mt 21:21; Mr 11:23; Lc 17:6; 1 Co 12:9; 1 Co 13:2 21&#8212;C'u' betiqui, a c'ac'asba'al a jabix abe'e, ch&#252;cyajil u joc'sab&#252;l. Jadi' cuchi wa tane'ex a boch c'ajsic a Dios yoc'ol u joc'ol etel a p'&#252;tique'ex a janal ti suq'uini, jede'ec cuchi u joc'ol,&#8212; cu t'an a Jesus ti'ijoo'o.</div><div class="s1">A Jesusu, u ca' adaj u pectzil u quimil.</div><div class="p"> 22Pues te'i. Que'en to a Jesus ich cuenta Galilea u yet'ocoo' u yaj cambal. &#8212;Inene, yanajeen ti cristianojil. Bel in ca'a c'ubbul tu c'&#252;'oo' a cristianojo,&#8212; cu t'an a Jesus ti'ijoo'o.#Mt 16:21; Mr 8:31; Mr 9:30,31; Lc 9:22; Lc 18:31; Lc 24:6,7 23&#8212;Beloo' u cu quimseen. Bel in ca'a ca' cuxquinbil tu yox p'eel q'uin,&#8212; cu t'an ti'ijoo'. U men a t'an abe'e, top yajajoo' u yool.#Sal 22:15,22; Is 53:7,10-12; Dn 9:26; Mr 9:33; 1 Co 15:3,4</div><div class="s1">Le'ec a taq'uin a walac u molbol ti'i u yotoch a Dioso.</div><div class="p"> 24Pues te'i. C'ochoo' ich caj Capernaum a Jesus u yet'ocoo' u yaj cambala. Chiitbi aj Pedro u menoo' a winic a walacoo' u molic a taq'uin ti'i u yotoch a Dioso. &#8212;&#191;Walac wa u bo'tic a taq'uin a tan u molbol ti'i u yotoch a Dios a maestroje'exe?&#8212; cu t'anoo' ti'i.#Ex 30:13; Ex 38:26 25&#8212;Walac,&#8212; cu t'an aj Pedro ti'ijoo'o. Le'ec ti c'ochi aj Pedro ich naj, c'aatbi ti'i u men a Jesusu. &#8212;Simon, biqui'il a tucul?&#8212; cu t'an a Jesus ti'iji. &#8212;&#191;Mac etel walac u molic a taq'uin a reye, eteloo' u yet'oc tu bajil, wa eteloo' ulaac' mac?&#8212; cu t'an a Jesus ti'iji. 26&#8212;Eteloo' ulaac' mac,&#8212; cu t'an aj Pedro ti uchi u nuuc. &#8212;Ti baalo' u yet'ocoo'o, ma' tzaj u bo'ticoo' a taq'uini,&#8212; cu t'an a Jesus ich mucult'an yoc'ol tanil u bo'tic a tan u molbol ti'i u yotoch a Dioso. 27&#8212;C'u' betiqui, ma' ti c'ati ti p'ujesoo', ment&#252;c&#252;, ca' xiquech chi' a ja'a. Tz&#252;m&#252; a jooc te'i. Le'ec aj ch'ilam a ca' paye' joocteje, te'i a c&#252;xtic a taq'uin ichil u chi' a chucul u bo'tic a c'u' a tanoo' u c'aatic to'ono. Tz'a a taq'uin abe' ti'ijoo' ti'i a bo'tic a tene, y a teche,&#8212; cu t'an a Jesus ti'i aj Pedrojo.#Mr 12:17; 1 Co 10:32</div>
 </div>
 </div>
</div>

Pues te'i. Seis q'uin manüc a t'an abe' u yadaj a Jesusu, naq'ui tuwich a witz a top ca'nala. U bensajoo' aj Pedro, aj Jacob, y aj Juan tu pacha. Aj Juan y aj Jacobo, u sucu'un u yitz'inoo' u bajil. Que'enoo' tu junal. Jeeli u cha'an a Jesus tu taanoo'. Sasilaji u wich jabix q'uini. Süc sücaji u noc' jabix u sac a q'uini. Chiclajoo' aj Moises etel aj Elias ti'ijoo' a ox tuulu. Aj Moises etel aj Eliasa, tanoo' u t'an etel a Jesusu.—Noochil, qui' ti que'eno'on wa'ye'. Wa qui' ta wichi, bel ti ca'a ti bete' ox cuul a tz'i' naj ti'i bo'oy. Jun cuulu, tech. Jun cuul ti'i aj Moises, y jun cuul ti'i aj Eliasa,— cu t'an aj Pedro ti'i a Jesusu. Le'ec ti tan to u yadic abe' aj Pedrojo, emi a muyal a top sasil yoc'oloo' tac ti lu'um. Que'enoo' ich muyal ala'oo'. Uchi a t'an ichil a muyala. —Le'ec ada' in Mejen. Yaj in wu'yi. Top qui' in wool etel. U'ye'ex u t'an,— cu t'an a t'an ichil a muyala. Le'ec ca' u yubajoo' a t'an abe'e, xonlajoo'. Top saacajoo'. C'ochi a Jesus tu tzeeloo'. U tülajoo'. —Liq'uene'ex. Ma' a saactale'ex,— cu t'an a Jesusu. Le'ec ca' u lic'sajoo' u polo, u yilajoo' ti jadi' a Jesus a yan te'iji, ma'ax mac ulaac'.
Pues te'i. Tanoo' u yemel tuwich a witzi. —Ma' a wadique'ex ti'i ma'ax mac le'ec a c'u' a wilaje'ex asto ti ca' cuxlaquen tu yaamoo' a quimen a yanajeen ti cristianojili,— cu t'an a Jesus ti'ijoo'o.
Pues te'i. Le'ecoo' u yaj cambala, u c'aatajoo' ti'i. —Le'ecoo' u yaj ca'ansajil u ley aj Moisese, ¿c'u' ca'a walacoo' u yadic ti yan u yudel payanbej aj Eliasa?— cu t'anoo' ti'i.—Jajoo' u t'an ti yan u yudel payanbej aj Elias u tojquinte tulacal,— cu t'an a Jesusu.—Tan in wadic te'ex. Ac udi tun aj Eliasa. Ma' eeltabi wa le'ec. U betajoo' a ca'ax c'u'ac a qui'oo' tu wich u betoo' ti'iji. Baalo' ilic xan inene. Beloo' ilic u cu bete' a yaj ten a yanajeen ti cristianojili,— cu t'an a Jesus ti'ijoo'o. Le'ecoo' u yaj cambal a Jesusu, u ch'a'ajoo' u tojil u t'an. U yeeltajoo' ti le'ec aj Elias a tan u tzicbalbülü, le'ec ilic aj Juan aj tz'aj ocja'a.

Pues te'i. Le'ec ti emoo' tuwich witz, c'ochoo' tuba que'enoo' u yaabil a cristianojo. C'ochi jun tuul a winiqui. Xonlaji tu taan a Jesusu.—Noochwinic,— cu t'an ti'i a Jesusu. —Ch'a'a u yotzilil in mejen. Walac u tz'abül ti'i ca' sücquimic. Top tan u c'ümic a yaj tu jajil. Walac u boch c'axül ich c'aac' wa ich ja',— cu t'an ti'i a Jesusu. —In talesaj eteloo' a waj cambal y ma' paatajoo' u ch'anes,— cu t'an ti'i a Jesusu. A Jesusu, u nuuctajoo' etel u muc' u t'an. —Top ma' que'ene'ex a wool tu jajil tu pach a Dioso. Top que'en to a woole'ex tu pach a uchbene,— cu t'an a Jesus ti'ijoo'o. —¿Boon q'uin to yan in cuntal ta yaame'ex y muc'yajtique'ex,— cu t'an a Jesus ti'ijoo'o. —Tales a mejen,— cu t'an a Jesus ti'i a winiqui. Le'ec a Jesusu, u yadaj ti'i a c'ac'asba'al ca' joc'oc. Joq'ui tu yool a tz'ubu. Tu seebal ch'ani.
Pues te'i. Le'ec ti que'en a Jesus tu junal, c'ochoo' u yaj cambal etel. —¿C'u' ca'a ma' paatajo'on ti joq'ues a c'ac'asba'al abe'e?— cu t'anoo' ti'i. —Top ma' que'ene'ex a wool tu pach a Dios tu jajil, mentücü, ma' paataje'ex a joq'ues,— cu t'an a Jesus ti'ijoo'o. —Tan in wadic te'ex u jajil. Wa cuchi jabix jun cuul u nec' ix mostazaja, que'ene'ex a wool pach a Dioso, qui' cuchi. Jede'ec cuchi u paatal a wadic ti'i a witz ada'a: “Jiisen tacan,” que'ex cuchi ti'i. Bel u ca'a ti jiisil. Ma'ax c'u' cuchi a ma' tu paatale'ex a betiqui,— cu t'an a Jesus ti'ijoo'o.—C'u' betiqui, a c'ac'asba'al a jabix abe'e, chücyajil u joc'sabül. Jadi' cuchi wa tane'ex a boch c'ajsic a Dios yoc'ol u joc'ol etel a p'ütique'ex a janal ti suq'uini, jede'ec cuchi u joc'ol,— cu t'an a Jesus ti'ijoo'o.

Pues te'i. Que'en to a Jesus ich cuenta Galilea u yet'ocoo' u yaj cambal. —Inene, yanajeen ti cristianojil. Bel in ca'a c'ubbul tu c'ü'oo' a cristianojo,— cu t'an a Jesus ti'ijoo'o.—Beloo' u cu quimseen. Bel in ca'a ca' cuxquinbil tu yox p'eel q'uin,— cu t'an ti'ijoo'. U men a t'an abe'e, top yajajoo' u yool.

Pues te'i. C'ochoo' ich caj Capernaum a Jesus u yet'ocoo' u yaj cambala. Chiitbi aj Pedro u menoo' a winic a walacoo' u molic a taq'uin ti'i u yotoch a Dioso. —¿Walac wa u bo'tic a taq'uin a tan u molbol ti'i u yotoch a Dios a maestroje'exe?— cu t'anoo' ti'i.—Walac,— cu t'an aj Pedro ti'ijoo'o. Le'ec ti c'ochi aj Pedro ich naj, c'aatbi ti'i u men a Jesusu. —Simon, biqui'il a tucul?— cu t'an a Jesus ti'iji. —¿Mac etel walac u molic a taq'uin a reye, eteloo' u yet'oc tu bajil, wa eteloo' ulaac' mac?— cu t'an a Jesus ti'iji. —Eteloo' ulaac' mac,— cu t'an aj Pedro ti uchi u nuuc. —Ti baalo' u yet'ocoo'o, ma' tzaj u bo'ticoo' a taq'uini,— cu t'an a Jesus ich mucult'an yoc'ol tanil u bo'tic a tan u molbol ti'i u yotoch a Dioso. —C'u' betiqui, ma' ti c'ati ti p'ujesoo', mentücü, ca' xiquech chi' a ja'a. Tzümü a jooc te'i. Le'ec aj ch'ilam a ca' paye' joocteje, te'i a cüxtic a taq'uin ichil u chi' a chucul u bo'tic a c'u' a tanoo' u c'aatic to'ono. Tz'a a taq'uin abe' ti'ijoo' ti'i a bo'tic a tene, y a teche,— cu t'an a Jesus ti'i aj Pedrojo.

سنیں San Mateo 17