Traducción bíblica: Toba © Sociedad Bíblica de Argentina, 2012 Grabación de Toba ℗ 2017 Hosanna

Toba Qom - 2012 Edition (NT) Non Drama

Toba Qom - 2012 Edition (NT) Drama

<div class="version vid574 iso6393tob" data-vid="574" data-iso6393="tob">
 <div class="book bkJHN">
 <div class="chapter ch15" data-usfm="JHN.15">
 <div class="label">15</div><div class="s1">Aca na&#241;iguishe uva qataq ana lcouepi</div><div class="p"> 1So Jes&#250;s queto'ot da da'aqtaxaatapeguema soua lapaxaguenataqa 'eeta':</div><div class="p">A&#7929;em Nacha&#7929;em#15.1 Nacha&#7929;em: Qaimeten ye 8.24. maye sheeta'am aca 'eesa na&#241;iguishe uva, qaq &#209;im Ita'a, qalaq &#209;imaye 'eeta'am cam ilotague' aca'aca na&#241;iguishe. 2Qaq da huo'o aca 'oonole ana icouepi da saishet da huo'o ana ala, nache &#209;i Ita'a iquesoxouec; qalaxaye nqat ana llaxataxa ana lcouepi maye huo'o ana ala, da yaqto' nquictec da ala&#7929;axac. 3Qaq qami' sogote da qami' qui'itte', souaxat naua &#7929;apaxaguenataxanaxaco maye qami' sanema. 4Qaq qami' da qoquiito'ot da A&#7929;em qana'ayeetaua'a, nache A&#7929;em nataqa'en shecto'ot da qami' &#241;a'atta'agueta. Cha'aye acam lcoue, saishet da maiche huo'o ana ala da saishet da &#7929;oqta na'attaua'a acam lamo. Qaq nache 'eetec nataqa'en da saishet da maiche huo'o ca ala&#7929;axac da qo&#241;iita, da huo'otaq saishet da A&#7929;em qana'ayeetaua'a.</div><div class="p"> 5Qaq A&#7929;em maye sheeta'am aca 'eesa na&#241;iguishe, qaq qami' nacheqami' icoue. Qaq cam nache 'eetai' da A&#7929;em na'attaua'a qataq &#241;a'atta'ai', nache camaye &#7929;ataqta qalota da ala&#7929;axac, cha'aye saishet da huo'o ca 'eneque qami' da huo'otaq saishet da A&#7929;em qana'ayeetaua'a. 6Qaq cam saishet da A&#7929;em na'attaua'a, nache camaye 'eeta'am aca lcoue da saishet da huo'o aca ala, nache qaicheguec qataq qa&#7929;asaxauec, qaq da deqaqa, nache qa&#7929;avigaxat.</div><div class="p"> 7Qaq qami' da nache 'eetai' da A&#7929;em qana'ayeetaua'a, qaltaq qaualaqaiguet 'enauac nam qami' sapaxagueneque, nache &#209;im Ita'a qami' &#7929;anema 'enauac cam qau&#7929;axa&#241;i&#7929;aique. 8&#209;im Ita'a huo'o da ntonaxac da huo'otaq &#7929;ataqta qalota da ala&#7929;axac da qo&#241;iita, qaltaq qanachacheetaigui da &#7929;ataqta qami' &#7929;apaxaguenataqa. 9Qaq da 'eetec &#209;im Ita'a da &#7929;ataqta A&#7929;em &#7929;auotec, qaq nache sheetec nataqa'en da &#7929;ataqta qami' sauoteque. Qaq qami' qome &#7929;ataqta qoquiitegue da 'eetec de'era &#7929;auotaxanaqtaic. 10Qataq da qaualaqaiguet 'enauac na &#7929;amaxasoxonaxacpi; nache, A&#7929;em nache 'eetai' da qami' sauoteque, 'eeta'am &#209;im Ita'a da A&#7929;em &#7929;auotec, cha'aye A&#7929;em &#7929;ataqta salaxaguet.</div><div class="p"> 11Qami' sa'aqtaxanema de'era, yaqto' qami' &#7929;ataqta qauamaichigui&#241;i, qo&#241;iita'am A&#7929;em. 12Qaq dam &#7929;amaxasoxonaxac maye qami' sanema 'eeta': &#209;i 'oonolec da qo&#241;iita &#7929;ataqta &#7929;auotec ca l&#7929;a, 'eeta'am da 'eetec da &#7929;ataqta qami' sauoteque. 13Qaica ca napacalec da lauotaxanaqtaic cam &#7929;an da nachaalataxac da &#7929;aalec na nauochaxauapi. 14Qaq qami' nacheqami' &#241;auochaxau', da qauo'oche dam qami' samaxaleguete. 15Nagui saishet da qami' samata'aque da qami' nlataqa, cha'aye ca choche nlatac saishet da &#7929;a&#7929;aten cam &#7929;o'ot ca na'aco'. Qaq nagui qami' samata'aque da qami' &#241;auochaxau', cha'aye qami' sa'aqtaxaatema 'enauac nam la'aqtacpi &#209;im Ita'a maye A&#7929;em &#7929;ami'. 16Qami' saishet co'ollaxa da A&#7929;em qarca'aguishiqui, A&#7929;em maye qami' ica'agui'she. Nache qami' shenapegalo da yaqto' &#7929;ataqta qalota da ala&#7929;axac da qanachaalataxaqui, qaq de'era ala&#7929;axac da qanachaalataxaqui, damaye nache 'eetai'. Yaqto' &#209;im Ita'a qami' &#7929;anema 'enauac nam qau&#7929;axa&#241;i&#7929;aique da qoviilec da &#7929;e'enaxat. 17Qaq 'era da qami' samaxaleguete, 'eeta': &#209;i 'oonolec da qo&#241;iita &#7929;ataqta &#7929;auotec ca l&#7929;a.</div><div class="s1">Nam shi&#7929;axauapi nqui&#7929;a So Jes&#250;s</div><div class="p"> 18Nam shi&#7929;axauapi maye imatalec da lqopitaxanaqtaic na huetalec ana 'alhua,#15.18 'Alhua: Ana lere so Juan de'era na'aqtac 'alhua, huo'o da naigui qanqa'en na shi&#7929;axauapi maye quetague' da &#7929;alaxaguet so pa'aguenataxanaxaic. Qaq &#7929;oqo'oye ipa'agueetac namayepi &#209;im Lo'onatac 'Enauacna. da qami' nqui&#7929;alo, nache qaua&#7929;aa&#241;i da A&#7929;em maye A&#7929;em nqui&#7929;atega. 19Na shi&#7929;axauapi qami' &#7929;auoteque da qo&#241;iita'am namayepi da lataxac. Qalaxaye qami' saishet da qo&#241;iita'am namayepi, cha'aye qami' lleca'aua'alo da yaqto' saishet da qo&#241;iita'am da lataxac namayepi, &#7929;oqo'oye &#7929;ataqta saishet da qami' iuote'n. 20Qaq qauennachi&#7929;a'a da &#7929;a'aqtac maye qami' sanema quiye da sheeta': &#171;Qaica ca nlatac da huo'otaq ishet da napacalec ca na'aco'.&#187; Qaq da huo'otaq A&#7929;em qaicaatac, qaq nataqa'en da qo&#241;iita huo'o da qancanaguiiqui. Qaq da &#7929;ataqta &#7929;alaxalec da &#7929;apaxaguenataxanaxac na shi&#7929;axauapi, qaq nataqa'en &#7929;ataqta &#7929;alaxaguet da qarapaxaguenataxanaxaqui. 21Qaq 'enauac qome ne'ena qami' qa&#7929;o'oteque souaxat da qami' &#7929;apaxaguenataqa, cha'aye na shi&#7929;axauapi saishet da &#7929;auatton &#209;im Lo'onatac 'Enauacna maye A&#7929;em namaq.</div><div class="p"> 22Na shi&#7929;axauapi saishettaxa da huo'o ca lasouaxashet, da huo'otaq sa &#241;anac da setaxa&#7929;ot. Qalaxaye namayepi nagui saishet da iqoleguet da huo'o da lasouaxashet, 23cha'aye ca A&#7929;em nqui&#7929;a, camaye nataqa'en nqui&#7929;a &#209;im Ita'a. 24Qataq namayepi saishettaxa da huo'o ca lasouaxashet, da saishet da huangui &#241;aqa'en namayepi da so'ot nam saishet da huo'o ca &#7929;a&#241;oxot da &#7929;o'ot; qaq namayepi sogote da &#7929;auaachigui ne'ena so'otpi, qalaxaye &#241;aqaiyeta A&#7929;em nqui&#7929;a, qataq &#209;im Ita'a. 25Qalaxaye damaye iuen da yo'oq, da yaqto' ipacchigui dam nanettalec ana nere maye huetalec na la'aqtacpi &#209;im Lo'onatac 'Enauacna maye 'eeta': &#171;A&#7929;em nqui&#7929;a namayepi, qamaq qaica ca sasouaxat.&#187;</div><div class="p"> 26Qalaxaye qom ivita da anac cam qami' itaua'n#15.26 Qami' itaua'n: Qaimeten ye 14.16. qataq qami' &#7929;a'a&#241;aqche't, Cam Saqcha'a Na'a&#241;axac maye &#7929;oqta 'eesa, cam qami' &#241;amaxalo maye chegoqo'ot &#209;im Ita'a, camaye qome A&#7929;em &#7929;a'axat. 27Qataq qami' nataqa'en A&#7929;em qaua'axache, cha'aye nache 'eetai' da A&#7929;em qoviita'aguet co'ollaq cheta'ague da so'onataxan.</div>
 </div>
 </div>
</div>

So Jesús queto'ot da da'aqtaxaatapeguema soua lapaxaguenataqa 'eeta':
Aỹem Nachaỹem maye sheeta'am aca 'eesa nañiguishe uva, qaq Ñim Ita'a, qalaq Ñimaye 'eeta'am cam ilotague' aca'aca nañiguishe. Qaq da huo'o aca 'oonole ana icouepi da saishet da huo'o ana ala, nache Ñi Ita'a iquesoxouec; qalaxaye nqat ana llaxataxa ana lcouepi maye huo'o ana ala, da yaqto' nquictec da alaỹaxac. Qaq qami' sogote da qami' qui'itte', souaxat naua ỹapaxaguenataxanaxaco maye qami' sanema. Qaq qami' da qoquiito'ot da Aỹem qana'ayeetaua'a, nache Aỹem nataqa'en shecto'ot da qami' ña'atta'agueta. Cha'aye acam lcoue, saishet da maiche huo'o ana ala da saishet da ỹoqta na'attaua'a acam lamo. Qaq nache 'eetec nataqa'en da saishet da maiche huo'o ca alaỹaxac da qoñiita, da huo'otaq saishet da Aỹem qana'ayeetaua'a.
Qaq Aỹem maye sheeta'am aca 'eesa nañiguishe, qaq qami' nacheqami' icoue. Qaq cam nache 'eetai' da Aỹem na'attaua'a qataq ña'atta'ai', nache camaye ỹataqta qalota da alaỹaxac, cha'aye saishet da huo'o ca 'eneque qami' da huo'otaq saishet da Aỹem qana'ayeetaua'a. Qaq cam saishet da Aỹem na'attaua'a, nache camaye 'eeta'am aca lcoue da saishet da huo'o aca ala, nache qaicheguec qataq qaỹasaxauec, qaq da deqaqa, nache qaỹavigaxat.
Qaq qami' da nache 'eetai' da Aỹem qana'ayeetaua'a, qaltaq qaualaqaiguet 'enauac nam qami' sapaxagueneque, nache Ñim Ita'a qami' ỹanema 'enauac cam qauỹaxañiỹaique. Ñim Ita'a huo'o da ntonaxac da huo'otaq ỹataqta qalota da alaỹaxac da qoñiita, qaltaq qanachacheetaigui da ỹataqta qami' ỹapaxaguenataqa. Qaq da 'eetec Ñim Ita'a da ỹataqta Aỹem ỹauotec, qaq nache sheetec nataqa'en da ỹataqta qami' sauoteque. Qaq qami' qome ỹataqta qoquiitegue da 'eetec de'era ỹauotaxanaqtaic. Qataq da qaualaqaiguet 'enauac na ỹamaxasoxonaxacpi; nache, Aỹem nache 'eetai' da qami' sauoteque, 'eeta'am Ñim Ita'a da Aỹem ỹauotec, cha'aye Aỹem ỹataqta salaxaguet.
Qami' sa'aqtaxanema de'era, yaqto' qami' ỹataqta qauamaichiguiñi, qoñiita'am Aỹem. Qaq dam ỹamaxasoxonaxac maye qami' sanema 'eeta': Ñi 'oonolec da qoñiita ỹataqta ỹauotec ca lỹa, 'eeta'am da 'eetec da ỹataqta qami' sauoteque. Qaica ca napacalec da lauotaxanaqtaic cam ỹan da nachaalataxac da ỹaalec na nauochaxauapi. Qaq qami' nacheqami' ñauochaxau', da qauo'oche dam qami' samaxaleguete. Nagui saishet da qami' samata'aque da qami' nlataqa, cha'aye ca choche nlatac saishet da ỹaỹaten cam ỹo'ot ca na'aco'. Qaq nagui qami' samata'aque da qami' ñauochaxau', cha'aye qami' sa'aqtaxaatema 'enauac nam la'aqtacpi Ñim Ita'a maye Aỹem ỹami'. Qami' saishet co'ollaxa da Aỹem qarca'aguishiqui, Aỹem maye qami' ica'agui'she. Nache qami' shenapegalo da yaqto' ỹataqta qalota da alaỹaxac da qanachaalataxaqui, qaq de'era alaỹaxac da qanachaalataxaqui, damaye nache 'eetai'. Yaqto' Ñim Ita'a qami' ỹanema 'enauac nam qauỹaxañiỹaique da qoviilec da ỹe'enaxat. Qaq 'era da qami' samaxaleguete, 'eeta': Ñi 'oonolec da qoñiita ỹataqta ỹauotec ca lỹa.

Nam shiỹaxauapi maye imatalec da lqopitaxanaqtaic na huetalec ana 'alhua, da qami' nquiỹalo, nache qauaỹaañi da Aỹem maye Aỹem nquiỹatega. Na shiỹaxauapi qami' ỹauoteque da qoñiita'am namayepi da lataxac. Qalaxaye qami' saishet da qoñiita'am namayepi, cha'aye qami' lleca'aua'alo da yaqto' saishet da qoñiita'am da lataxac namayepi, ỹoqo'oye ỹataqta saishet da qami' iuote'n. Qaq qauennachiỹa'a da ỹa'aqtac maye qami' sanema quiye da sheeta': «Qaica ca nlatac da huo'otaq ishet da napacalec ca na'aco'.» Qaq da huo'otaq Aỹem qaicaatac, qaq nataqa'en da qoñiita huo'o da qancanaguiiqui. Qaq da ỹataqta ỹalaxalec da ỹapaxaguenataxanaxac na shiỹaxauapi, qaq nataqa'en ỹataqta ỹalaxaguet da qarapaxaguenataxanaxaqui. Qaq 'enauac qome ne'ena qami' qaỹo'oteque souaxat da qami' ỹapaxaguenataqa, cha'aye na shiỹaxauapi saishet da ỹauatton Ñim Lo'onatac 'Enauacna maye Aỹem namaq.
Na shiỹaxauapi saishettaxa da huo'o ca lasouaxashet, da huo'otaq sa ñanac da setaxaỹot. Qalaxaye namayepi nagui saishet da iqoleguet da huo'o da lasouaxashet, cha'aye ca Aỹem nquiỹa, camaye nataqa'en nquiỹa Ñim Ita'a. Qataq namayepi saishettaxa da huo'o ca lasouaxashet, da saishet da huangui ñaqa'en namayepi da so'ot nam saishet da huo'o ca ỹañoxot da ỹo'ot; qaq namayepi sogote da ỹauaachigui ne'ena so'otpi, qalaxaye ñaqaiyeta Aỹem nquiỹa, qataq Ñim Ita'a. Qalaxaye damaye iuen da yo'oq, da yaqto' ipacchigui dam nanettalec ana nere maye huetalec na la'aqtacpi Ñim Lo'onatac 'Enauacna maye 'eeta': «Aỹem nquiỹa namayepi, qamaq qaica ca sasouaxat.»
Qalaxaye qom ivita da anac cam qami' itaua'n qataq qami' ỹa'añaqche't, Cam Saqcha'a Na'añaxac maye ỹoqta 'eesa, cam qami' ñamaxalo maye chegoqo'ot Ñim Ita'a, camaye qome Aỹem ỹa'axat. Qataq qami' nataqa'en Aỹem qaua'axache, cha'aye nache 'eetai' da Aỹem qoviita'aguet co'ollaq cheta'ague da so'onataxan.

سنیں Juan 15