 If you would like a copy of this version please contact info@davaraudiobibles.org

Text: Kusaal Bible ©, Ghana Institute Of Linguistics, Literacy and Bible Translation (GILLBT). Audio: Kusaal Old Testament Audio Bible ℗ 2023, Davar Partners International.

Kusaal Old Testament

<div class="version vid3752 iso6393kus" data-vid="3752" data-iso6393="kus">
 <div class="book bkGEN">
 <div class="chapter ch14" data-usfm="GEN.14">
 <div class="label">14</div><div class="s">Na'anam zaba y&#603;la</div><div class="p"> 1Sa&#331;kan la ka Amrafel da an Sinar na'ab, ka Ariok an Elasar na'ab ka Kedolma an Elam na'ab ka Tidal an Goyim na'ab. 2Ka ba da yi tanpi t&#651;'&#651;s Bera, on&#603; da an Sodom na'ab, n&#603; Birsea on&#603; da an Gomora na'ab, n&#603; Sinab on&#603; da an Adma na'ab, n&#603; Semeb&#603;r on&#603; da an Zeboim na'ab, n&#603; Bela te&#331; (lin&#603; buon Zoar la) na'ab. 3Na'abama zabzabidib la w&#651;sa da la'as n&#603; Sidim B&#596;n'&#596;g la ni. Din&#603; an Yaarim T&#603;uk la. 4Ba da b&#603;n&#603; Kedolma nu'usin y&#651;ma pii n&#603; ayi' amaa y&#651;ma pii n&#603; atan' la ni ba zan'as ye ba k&#651; l&#603;m b&#603;&#603; o nu'usin&#603;. 5Ka y&#651;ma pii n&#603; anaasi la ni ka Kedolma n&#603; na'anam ban&#603; la'as o san'an la da duoe ye ba ke&#331; zab. Ka ban da b&#603; suor la, ba da zabi nya&#331; Refa dim ban&#603; b&#603; Asiterof Karinam la, n&#603; Zuz dim ban&#603; b&#603; Ham s&#651;'&#651;limin la, n&#603; Emi dim ban&#603; b&#603; Seave Kiriafaim te&#331;in la, 6n&#603; Hor dim ban&#603; b&#603; zuoya te&#331;in, Seir s&#651;'&#651;limin la hali ti paae Elparan din&#603; p&#651; lal n&#603; pipirig la. 7Ka ba tuligi l&#603;bid na n ti paae En Misipat te&#331;in, lin&#603; an Kades, ka nya&#331; Amalek dim s&#651;'&#651;lim w&#651;sa, hali n&#603; Amor dim sieba ban&#603; da b&#603; Hazaz&#596;n Tamar te&#331;in, ka nyaan paae Sodom Na'ab n&#603; o taaba la.</div><div class="p"> 8Ka Sodom na'ab n&#603; Gomora na'ab n&#603; Adma na'ab n&#603; Zeboim na'ab n&#603; Bela te&#331; kan&#603; ka ba buon Zoar la na'ab, yi tanp na zi'e Sidim B&#596;n'&#596;gin. 9Ka Kedolma on&#603; an Elam na'ab la n&#603; Tidal on&#603; an Goyim na'ab n&#603; Amrafel on&#603; an Sinar na'ab n&#603; Ariok on&#603; an Elasar na'ab m&#603; yina t&#651;'&#651;si ba n&#603; tanp. Na'anam anaasi da t&#651;'&#651;si babanu n&#603; tanp. 10Sidim B&#596;n'&#596;g kan&#603; ka ba da t&#651;'&#651;s tanp la da p&#603;'&#603;l n&#603; b&#651;mbu'azulima ka kotaal b&#603; li p&#651;&#651;gin, ka Sodom n&#603; Gomora na'anam la da z&#596;t la, ba nidib sieba da lu n&#603; b&#651;mbu'ad la ni, ka ban&#603; kp&#603;lim la z&#596;&#596; d&#651; zuoya la zug. 11Na'anama anaasi la da faa&#603;n Sodom n&#603; Gomora la'ad n&#603; ba dis&#651;ma w&#651;sa m&#596;ri ke&#331;. 12Ba da la'am n&#596;k Abram pit&#651; biig Lot n&#603; o la'ad w&#651;sa m&#596;ri ke&#331;, b&#596;zug&#596; o da b&#603;n&#603; Sodom te&#331;in.</div><div class="p"> 13Ka dau s&#596;' yi tanpin la z&#596;&#596; m&#596;r labaari kena tis Abram on&#603; an Hibiru nid la. Abram yir da kpi'en&#603; Mamir on&#603; an Ammon nid la tititada. Mamir n&#603; o pitib ban&#603; an An&#603;r n&#603; Esikol da m&#596;ri n&#596;naar n&#603; Abram. 14Abram n da w&#651;m ye ba gban'e Lot n ke&#331; la, o da buol o yidim ka ba la'as k&#596;bistan' n&#603; pii n&#603; anii (318). Ba da kadi ba dataas la bugir hali ti paae ba Dan te&#331;in. 15Y&#651;'&#651;&#331; kan la ka Abram p&#651;dig o dap la ka ba zab n&#603; ba ka kadi ba m&#596;ri paae Hoba din&#603; b&#603; Damaskus temp&#651;&#651;g datiu&#331; baba la. 16O da paam la'ad la w&#651;sa faa&#603;n ka m&#596;r o pit&#651; biig Lot n&#603; o la'ad w&#651;sa, n&#603; pu'ab w&#651;sa n&#603; nidib la w&#651;sa l&#603;b na.</div><div class="s">Melkizedek ni&#331; Abram zug albareka</div><div class="p"> 17Abram n da zabi nya&#331; Kedolma na'ab n&#603; na'aban&#603; w&#651;sa da la'as n&#603; o ka l&#603;bid na la, Sodom Na'ab da yina sia'al o Seave B&#596;n'&#596;g (din&#603; an Na'ab B&#596;n'&#596;g) zin'igin. 18Ka Melkizedek on&#603; an Salem Na'ab la m&#596;r diib n&#603; daam yina. O da an&#603; Wina'am On&#603; Gaad Si'el W&#651;sa la maanmaan. 19Ka o ni&#331; Abram bareka y&#603;t ye,</div><div class="q1">&#8220;Wina'am On&#603; Gaad Si'el W&#651;sa,</div><div class="q2">ka maal ag&#596;l n&#603; te&#331; la</div><div class="q1">ni&#331;im Abram zug albareka.</div><div class="q1"> 20Ka bareka m&#603; b&#603; n&#603; Wina'am On&#603; Gaad Si'el W&#651;sa la,</div><div class="q2">b&#596;zug&#596; o n&#596;ki f&#651; dataasi ni&#331;i f&#651; nu'usin.&#8221;</div><div class="m">Ka Abram da yis la'aban&#603; ka o fan' la w&#651;sa yinne piiga p&#651;&#651;gin tis o.</div><div class="p"> 21Ka Sodom Na'ab y&#603;l Abram ye, &#8220;Za&#331;im nidib la tisim ka s&#651;'oe la'ad la.&#8221; 22Amaa Abram y&#603;l Sodom Na'ab la ye, &#8220;Mam &#651;ki m nu'usi tis Zugs&#596;b Wina'am On&#603; Gaad Si'el W&#651;sa ka maal ag&#596;l n&#603; te&#331; la, p&#596;&#596; zi'el 23ye m k&#651; di'e si'eli yii f&#651; san'an&#603;, baa li ya'a an&#603; gum b&#603;&#603; ta'adir nwiiga. M p&#651; b&#596;&#596;d ye f&#651; ti y&#603;l b&#603;og daar ye f&#651;n&#603; k&#603; ka mam Abram lieb b&#651;mm&#596;ra. 24Ayei, mam k&#651; di'e si'ela, ya'a ka' dikan&#603; ka m nidib la di laa. Amaa k&#603;l ka An&#603;r n&#603; Esikol n&#603; Mamir ban&#603; d&#596;llimi ke&#331; zaba la paami ba p&#651;&#651;r.&#8221;</div>
 </div>
 </div>
</div>

Saŋkan la ka Amrafel da an Sinar na'ab, ka Ariok an Elasar na'ab ka Kedolma an Elam na'ab ka Tidal an Goyim na'ab. Ka ba da yi tanpi tʋ'ʋs Bera, onɛ da an Sodom na'ab, nɛ Birsea onɛ da an Gomora na'ab, nɛ Sinab onɛ da an Adma na'ab, nɛ Semebɛr onɛ da an Zeboim na'ab, nɛ Bela teŋ (linɛ buon Zoar la) na'ab. Na'abama zabzabidib la wʋsa da la'as nɛ Sidim Bɔn'ɔg la ni. Dinɛ an Yaarim Tɛuk la. Ba da bɛnɛ Kedolma nu'usin yʋma pii nɛ ayi' amaa yʋma pii nɛ atan' la ni ba zan'as ye ba kʋ lɛm bɛɛ o nu'usinɛ. Ka yʋma pii nɛ anaasi la ni ka Kedolma nɛ na'anam banɛ la'as o san'an la da duoe ye ba keŋ zab. Ka ban da bɛ suor la, ba da zabi nyaŋ Refa dim banɛ bɛ Asiterof Karinam la, nɛ Zuz dim banɛ bɛ Ham sʋ'ʋlimin la, nɛ Emi dim banɛ bɛ Seave Kiriafaim teŋin la, nɛ Hor dim banɛ bɛ zuoya teŋin, Seir sʋ'ʋlimin la hali ti paae Elparan dinɛ pʋ lal nɛ pipirig la. Ka ba tuligi lɛbid na n ti paae En Misipat teŋin, linɛ an Kades, ka nyaŋ Amalek dim sʋ'ʋlim wʋsa, hali nɛ Amor dim sieba banɛ da bɛ Hazazɔn Tamar teŋin, ka nyaan paae Sodom Na'ab nɛ o taaba la.
Ka Sodom na'ab nɛ Gomora na'ab nɛ Adma na'ab nɛ Zeboim na'ab nɛ Bela teŋ kanɛ ka ba buon Zoar la na'ab, yi tanp na zi'e Sidim Bɔn'ɔgin. Ka Kedolma onɛ an Elam na'ab la nɛ Tidal onɛ an Goyim na'ab nɛ Amrafel onɛ an Sinar na'ab nɛ Ariok onɛ an Elasar na'ab mɛ yina tʋ'ʋsi ba nɛ tanp. Na'anam anaasi da tʋ'ʋsi babanu nɛ tanp. Sidim Bɔn'ɔg kanɛ ka ba da tʋ'ʋs tanp la da pɛ'ɛl nɛ bʋmbu'azulima ka kotaal bɛ li pʋʋgin, ka Sodom nɛ Gomora na'anam la da zɔt la, ba nidib sieba da lu nɛ bʋmbu'ad la ni, ka banɛ kpɛlim la zɔɔ dʋ zuoya la zug. Na'anama anaasi la da faaɛn Sodom nɛ Gomora la'ad nɛ ba disʋma wʋsa mɔri keŋ. Ba da la'am nɔk Abram pitʋ biig Lot nɛ o la'ad wʋsa mɔri keŋ, bɔzugɔ o da bɛnɛ Sodom teŋin.
Ka dau sɔ' yi tanpin la zɔɔ mɔr labaari kena tis Abram onɛ an Hibiru nid la. Abram yir da kpi'enɛ Mamir onɛ an Ammon nid la tititada. Mamir nɛ o pitib banɛ an Anɛr nɛ Esikol da mɔri nɔnaar nɛ Abram. Abram n da wʋm ye ba gban'e Lot n keŋ la, o da buol o yidim ka ba la'as kɔbistan' nɛ pii nɛ anii (318). Ba da kadi ba dataas la bugir hali ti paae ba Dan teŋin. Yʋ'ʋŋ kan la ka Abram pʋdig o dap la ka ba zab nɛ ba ka kadi ba mɔri paae Hoba dinɛ bɛ Damaskus tempʋʋg datiuŋ baba la. O da paam la'ad la wʋsa faaɛn ka mɔr o pitʋ biig Lot nɛ o la'ad wʋsa, nɛ pu'ab wʋsa nɛ nidib la wʋsa lɛb na.

Abram n da zabi nyaŋ Kedolma na'ab nɛ na'abanɛ wʋsa da la'as nɛ o ka lɛbid na la, Sodom Na'ab da yina sia'al o Seave Bɔn'ɔg (dinɛ an Na'ab Bɔn'ɔg) zin'igin. Ka Melkizedek onɛ an Salem Na'ab la mɔr diib nɛ daam yina. O da anɛ Wina'am Onɛ Gaad Si'el Wʋsa la maanmaan. Ka o niŋ Abram bareka yɛt ye,
“Wina'am Onɛ Gaad Si'el Wʋsa,
ka maal agɔl nɛ teŋ la
niŋim Abram zug albareka.
Ka bareka mɛ bɛ nɛ Wina'am Onɛ Gaad Si'el Wʋsa la,
bɔzugɔ o nɔki fʋ dataasi niŋi fʋ nu'usin.”
Ka Abram da yis la'abanɛ ka o fan' la wʋsa yinne piiga pʋʋgin tis o.
Ka Sodom Na'ab yɛl Abram ye, “Zaŋim nidib la tisim ka sʋ'oe la'ad la.” Amaa Abram yɛl Sodom Na'ab la ye, “Mam ʋki m nu'usi tis Zugsɔb Wina'am Onɛ Gaad Si'el Wʋsa ka maal agɔl nɛ teŋ la, pɔɔ zi'el ye m kʋ di'e si'eli yii fʋ san'anɛ, baa li ya'a anɛ gum bɛɛ ta'adir nwiiga. M pʋ bɔɔd ye fʋ ti yɛl bɛog daar ye fʋnɛ kɛ ka mam Abram lieb bʋmmɔra. Ayei, mam kʋ di'e si'ela, ya'a ka' dikanɛ ka m nidib la di laa. Amaa kɛl ka Anɛr nɛ Esikol nɛ Mamir banɛ dɔllimi keŋ zaba la paami ba pʋʋr.”

سنیں Pin'ilʋg 14