Romani, Sinti - Romanes Arbeit Marburg (Drama NT)

<div class="version vid3082 iso6393rmo" data-vid="3082" data-iso6393="rmo">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="s1">O Nikodemus well pash o Jesuseste</div><div class="p"> 1Koi his i Farisari. Leskro lab his Nikodemus. Job his i pralstuno biboldo.</div><div class="p"> 2Kowa was an i rat pash o Jesuseste, un penas: &#8220;Rai, mer djinah, kai tu hal i sikepaskro. O Dewel bitchras tut pash mende. Kek nai krell kowa, hoi tu kreh an o Debleskri soor. Ap kowa dikah mer, kai hi o Dewel tuha.&#8221;</div><div class="p"> 3Penas o Jesus ap leste: &#8220;Tchatchepah, me penau tuke: Kowa, kai well gar o Deblestar newes boldo, nai djiwell gar leha khetne.&#8221;</div><div class="p"> 4Putchas o Nikodemus lestar: &#8220;Har nai well jek pale newes boldo, te hi lo phuro? Nai djal lo pale an peskro dakro per, un well o duito kopo boldo?&#8221;</div><div class="p"> 5Penas o Jesus ap leste: &#8220;Tchatchepah, me penau tuke: Te well jek gar newes boldo dran o pani un dran o Debleskro Ducho, nai djiwell lo gar khetne o Debleha. 6Koon i menshestar boldo wella, hi i mensheskro tchawo. Koon dran o Debleskro Ducho boldo wella, hi i Debleskro tchawo. 7Kre kek bare jaka, te penau tuke: Tumer hunte wenn o Deblestar newes boldo! 8O sorelo ducho#3:8 sorelo ducho winta , hoi phurdell pral i phub, djal, kai kamell lo. Tu shuneh les. Kai job wella, un kai job djala, djineh tu gar. Jaake hi pash koleste, kai wella dran Debleskro Ducho boldo.&#8221;</div><div class="p"> 9&#8220;Har djal kowa nai?&#8221; putchas o Nikodemus. 10O Jesus putchas lestar: &#8220;Tu hal i sikepaskro an o them Israel un djineh kowa gar? 11Tchatchepah, me penau tuke: Mer rakrah pral kowa, hoi prindjrah. Hoi mer dikam, kowa penah mer nai ninna. Tumer patsenn gar, hoi mer tumenge penah. 12Te rakrau pral i phubjakro koowa, un tumer patsenn man gar, har nai patsenn tumer man, te rakrau pral o Debleskro koowa? 13Me, o Mensheskro Tchawo kokres, nai penau, hoi an o bolepen hi. Me wom dran o bolepen.</div><div class="p"> 14Tu djineh, kai o Mose an o mulo them i sap ap i kasht pre bladas#3:14a pre bladas, ap gadjkenes: hat aufgeh&#228;ngt . Hakeno, koon dikas ap ko sap, atchas djido. Jaake hunte well o Mensheskro Tchawo ap o kasht bladedo#3:14b bladedo, ap gadjkenes: geh&#228;ngt , 15te lell hakeno, kai patsell ap leste, ko djipen, hoi gar pre-herella.#3:15 Kowa hi o Debleskro djipen</div><div class="p"> 16O Dewel kamas i menshen jaake bud, te das lo lenge peskro jek tchawes. Les his kek wawar. Hakeno, koon patsell ap leste, djal gar nashedo. Job lell ko djipen, hoi gar pre-herella.</div><div class="p"> 17O Dewel bitchras peskro tchawes gar ap i phub, te anell job o Debleskri choli pral i menshende. Job was, te lell lo len dran o tchilatchepen un o merepen win. 18Koon ap leste patsella, pral koleste well kek phagi#3:18 phagi, ap gadjkenes: Strafe wi-rakedo. Koon gar ap leste patsella, pral koleste hi i phagi wi-rakedo doleske, kai patsas lo gar ap o Debleskro tchaweste. 19O Debleskri bari momeli was ap kai phub. Un kol menshe, kai krenn o tchilatchepen, kaman o tamlepen#3:19 tamlepen, ap gadjkenes: Dunkelheit budeder har koi momeli. Doleske hi i phagi pral lende wi-rakedo. 20Kolla, kai o tchilatcho koowa krenna, kamenna gar koi momeli. Jon atchenn penge an o tamlepen, jaake kai dikenn i wawar gar, hawo tchilatcho koowa jon krenna. 21Koon o tchatchepen krella, kowa well pash i momeli. Ap koleste dikenn le, kai job djiwella, har o Dewel kamella.&#8221;</div><div class="s1">O Johanni sharell o Jesuses</div><div class="p"> 22Pal kowa djas o Jesus peskre malentsa an ko them Judea, un atchas i tsiro kote, un taufras i menshen. 23Ninna o Johanni taufras i menshen pash o gab Ainon, hoi his pash o foro Salim tchiddo. Koi his bud pani. I menshe wan pash leste, un mukan pen lestar te taufrell. 24Ap ko tsiro his o Johanni gar stildo.</div><div class="p"> 25Jek diwes tchingras i biboldo kolentsa, kai djan o Johanneske palla, pral kowa, har kolla, kai pal o biboldengro tchatchepen pale-tchiddo hi, nai wenn pale erligo. 26Un jon djan pash o Johanneste, un penan leske: &#8220;Sikepaskro, ko mursh, kai his pash tute ap o wawar panjeskri rig, pral koleste rakral, un bud menshe shunan kowa, kowa hi kate, un taufrell i menshen. Un hakeno djal pash leste.&#8221;</div><div class="p"> 27Koi penas o Johanni ap lende: &#8220;Kek nai lell tchomone, te das les o Dewel kowa gar. 28Tumer halauter shunan, kai penom, kai hom me gar ko baro rai, kolestar o Dewel penas, te well job. O Dewel bitchras man glan koleste.</div><div class="p"> 29Koles, kai i pirni hi, ko hi ninna o pirno. Un o maal ko pirnestar, kai pashel tardo hi, un shunell o pirneskro gole, hi bachtelo pral kowa. Kai bacht hi man kanna. 30Me hunte wap tikno un tikneder. Un job hunte well baro un bareder. 31Kowa, kai was o Deblestar, hi o rai pral lauter. Kowa, kai well i phubjatar, rakrell pral kowa, hoi ap i phub djala. Kowa, kai was dran o bolepen, hi o rai pral halauter, 32un rakrell nai pral kowa, hoi job dikas un shunas. Kek patsell leske. 33Koon patsell ap leste, kowa sikrell jaake, kai halauter tchatcho hi, hoi o Dewel penella.</div><div class="p"> 34Koles, kai o Dewel pash mende bitchras, kowa rakrell o Debleskre laba. O Dewel dell an leste peskro tselo Debleskro Ducho, un rikrell tchi pale. 35O dad kamell o tchawes, un das halauter an leskro wast.</div><div class="p"> 36Koon ap o tchaweste patsella, koles hi ko djipen, hoi gar pre-herella. Koon ap o tchaweste gar patsella, koles well ko tchatcho djipen gar. O Debleskri choli atchell pral leste.&#8221;</div>
 </div>
 </div>
</div>

© 2021 Romanes-Arbeit-Marburg e.V. Erste Auflage Alle Rechte vorbehalten Die Lizenzvereinbarung erlaubt eine nicht-kommerzielle Nutzung des Textes. Änderungen des Textes sind jedoch untersagt. Der Rechteinhaber, Romanes-Arbeit-Marburg e.V., muss bei jeder Veröffentlichung erwähnt werden. Für jegliche kommerzielle Verbreitung muss ein Herausgeber beim Rechteinhaber eine schriftliche Genehmigung beantragen. Herausgeber und Vertrieb: Romanes-Arbeit-Marburg e.V., Germany info@romanes-arbeit-marburg.de ISBN: 978-3-00-068366-4 Illustrationen von Louise Bass und Horace Knowles © The British amp Foreign Bible Society, 1954, 1967, 1972, 1994, 1995 Farbige Illustrationen mit Erlaubnis von Louise Bass Kartenmaterial generiert mit Bible Mapper © 2005-2010 von David P. Barret Alle Rechte an den Karten © 2021, Wycliffe Bible Translators, Inc.

Koi his i Farisari. Leskro lab his Nikodemus. Job his i pralstuno biboldo.
Kowa was an i rat pash o Jesuseste, un penas: “Rai, mer djinah, kai tu hal i sikepaskro. O Dewel bitchras tut pash mende. Kek nai krell kowa, hoi tu kreh an o Debleskri soor. Ap kowa dikah mer, kai hi o Dewel tuha.”
Penas o Jesus ap leste: “Tchatchepah, me penau tuke: Kowa, kai well gar o Deblestar newes boldo, nai djiwell gar leha khetne.”
Putchas o Nikodemus lestar: “Har nai well jek pale newes boldo, te hi lo phuro? Nai djal lo pale an peskro dakro per, un well o duito kopo boldo?”
Penas o Jesus ap leste: “Tchatchepah, me penau tuke: Te well jek gar newes boldo dran o pani un dran o Debleskro Ducho, nai djiwell lo gar khetne o Debleha. Koon i menshestar boldo wella, hi i mensheskro tchawo. Koon dran o Debleskro Ducho boldo wella, hi i Debleskro tchawo. Kre kek bare jaka, te penau tuke: Tumer hunte wenn o Deblestar newes boldo! O sorelo ducho, hoi phurdell pral i phub, djal, kai kamell lo. Tu shuneh les. Kai job wella, un kai job djala, djineh tu gar. Jaake hi pash koleste, kai wella dran Debleskro Ducho boldo.”
“Har djal kowa nai?” putchas o Nikodemus. O Jesus putchas lestar: “Tu hal i sikepaskro an o them Israel un djineh kowa gar? Tchatchepah, me penau tuke: Mer rakrah pral kowa, hoi prindjrah. Hoi mer dikam, kowa penah mer nai ninna. Tumer patsenn gar, hoi mer tumenge penah. Te rakrau pral i phubjakro koowa, un tumer patsenn man gar, har nai patsenn tumer man, te rakrau pral o Debleskro koowa? Me, o Mensheskro Tchawo kokres, nai penau, hoi an o bolepen hi. Me wom dran o bolepen.
Tu djineh, kai o Mose an o mulo them i sap ap i kasht pre bladas. Hakeno, koon dikas ap ko sap, atchas djido. Jaake hunte well o Mensheskro Tchawo ap o kasht bladedo, te lell hakeno, kai patsell ap leste, ko djipen, hoi gar pre-herella.
O Dewel kamas i menshen jaake bud, te das lo lenge peskro jek tchawes. Les his kek wawar. Hakeno, koon patsell ap leste, djal gar nashedo. Job lell ko djipen, hoi gar pre-herella.
O Dewel bitchras peskro tchawes gar ap i phub, te anell job o Debleskri choli pral i menshende. Job was, te lell lo len dran o tchilatchepen un o merepen win. Koon ap leste patsella, pral koleste well kek phagi wi-rakedo. Koon gar ap leste patsella, pral koleste hi i phagi wi-rakedo doleske, kai patsas lo gar ap o Debleskro tchaweste. O Debleskri bari momeli was ap kai phub. Un kol menshe, kai krenn o tchilatchepen, kaman o tamlepen budeder har koi momeli. Doleske hi i phagi pral lende wi-rakedo. Kolla, kai o tchilatcho koowa krenna, kamenna gar koi momeli. Jon atchenn penge an o tamlepen, jaake kai dikenn i wawar gar, hawo tchilatcho koowa jon krenna. Koon o tchatchepen krella, kowa well pash i momeli. Ap koleste dikenn le, kai job djiwella, har o Dewel kamella.”

Pal kowa djas o Jesus peskre malentsa an ko them Judea, un atchas i tsiro kote, un taufras i menshen. Ninna o Johanni taufras i menshen pash o gab Ainon, hoi his pash o foro Salim tchiddo. Koi his bud pani. I menshe wan pash leste, un mukan pen lestar te taufrell. Ap ko tsiro his o Johanni gar stildo.
Jek diwes tchingras i biboldo kolentsa, kai djan o Johanneske palla, pral kowa, har kolla, kai pal o biboldengro tchatchepen pale-tchiddo hi, nai wenn pale erligo. Un jon djan pash o Johanneste, un penan leske: “Sikepaskro, ko mursh, kai his pash tute ap o wawar panjeskri rig, pral koleste rakral, un bud menshe shunan kowa, kowa hi kate, un taufrell i menshen. Un hakeno djal pash leste.”
Koi penas o Johanni ap lende: “Kek nai lell tchomone, te das les o Dewel kowa gar. Tumer halauter shunan, kai penom, kai hom me gar ko baro rai, kolestar o Dewel penas, te well job. O Dewel bitchras man glan koleste.
Koles, kai i pirni hi, ko hi ninna o pirno. Un o maal ko pirnestar, kai pashel tardo hi, un shunell o pirneskro gole, hi bachtelo pral kowa. Kai bacht hi man kanna. Me hunte wap tikno un tikneder. Un job hunte well baro un bareder. Kowa, kai was o Deblestar, hi o rai pral lauter. Kowa, kai well i phubjatar, rakrell pral kowa, hoi ap i phub djala. Kowa, kai was dran o bolepen, hi o rai pral halauter, un rakrell nai pral kowa, hoi job dikas un shunas. Kek patsell leske. Koon patsell ap leste, kowa sikrell jaake, kai halauter tchatcho hi, hoi o Dewel penella.
Koles, kai o Dewel pash mende bitchras, kowa rakrell o Debleskre laba. O Dewel dell an leste peskro tselo Debleskro Ducho, un rikrell tchi pale. O dad kamell o tchawes, un das halauter an leskro wast.
Koon ap o tchaweste patsella, koles hi ko djipen, hoi gar pre-herella. Koon ap o tchaweste gar patsella, koles well ko tchatcho djipen gar. O Debleskri choli atchell pral leste.”

سنیں Johanni 3