<div class="version vid2898 iso6393tld" data-vid="2898" data-iso6393="tld">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Ne nuddusse pandariaddi ahewallu ul&#7626;il&#7626;in pati'uppa. 2Su allo appitune Ruata suete nanginsue manara-Ne udde, ana see i Tou nangillol&#7626;ote. 3Ne i Tou nangal&#7626;amatta allo appitune udde, wu&#7771;&#7771;u niolang-Nge sambau allo apan ahewal&#7626;anne, ana waugu su allo udde Ruata nangillol&#7626;o napawe i Tou buatte nanginsue manara. 4Eteudde watti'u pandariaddi ul&#7626;il&#7626;im pati'uppa.</div><div class="s">Wawail&#7626;annu Eden</div><div class="p">Su tempo Ruata na'ola'a ul&#7626;il&#7626;in pati'uppa, 5taambe bualanna apan tinumuwo wu&#7771;&#7771;u taambe manga sinuananna su runia, ana waugu Ruata taambe napaasossokku uranna wu&#7771;&#7771;u taambe taumata mammanara leta'a udde. 6Arawe ua'e u'al&#7626;iwombonga wuassu wantan leta'a wu&#7771;&#7771;u wowon dunia masabbute.</div><div class="p"> 7Wua'udde Ruata nanganu leta'a sangkompenga, niola'a nabbal&#7626;i sangkatou taumata, ana see napaasabangu singangu apan mangngonggollu wiakka sulal&#7626;ummu lo&#7771;&#7771;angu ngirunne; ne nabbiakke taumata udde.</div><div class="p"> 8Nanansunna udde Ruata na'ola'a wailla su Eden, su samba'an da'i, wu&#7771;&#7771;u niapaatana'e isudde taumata apan buatte niolang-Nge. 9Ruata napatuwon al&#7626;awa'u hatin aaluanna apan ma&#7771;&#7771;ansanga wu&#7771;&#7771;u maggessi manga wua apan mapia. Su pattangngannu wailla udde tinumuwote alu apan mangngonggollu wiakka, wu&#7771;&#7771;u alu apan mangngonggollu asingkatta su ola'u apapia wu&#7771;&#7771;u al&#7626;al&#7626;eo.</div><div class="p"> 10Sambua sal&#7626;ukka mangngelekka wuassu Eden, ma&#7771;&#7771;olo wailla udde; wu&#7771;&#7771;u su liuddu Eden sal&#7626;ukka natahia nappenga appata. 11Iapa paarorone aranne Pison; sal&#7626;ukka udde mangngelekka mammal&#7626;iwutta leta'u Hawila. 12Isudde niasombanganna wul&#7626;awanna tutune wu&#7771;&#7771;u manga saranapa hal&#7626;urune mawangngi apan masahadda paddeaanne, ana see lai manga watu permata. 13Sal&#7626;ukka aruane aranne Gihon; ua'ene mangngelekka mammal&#7626;iwutta leta'u Kus. 14Sal&#7626;ukka atallune aranne Tigris wu&#7771;&#7771;u mangngelekka su samba'an da'i leta'u Asyur. Sal&#7626;ukka aiappanne aranne Efrat.</div><div class="p"> 15Wua'udde Ruata napatana'u taumata udde su waillu Eden iapamanara wu&#7771;&#7771;u iapapaddul&#7626;i wailla udde. 16Ruata nabbisara taumata udde, &#8220;I'o wotongnge umanna manga wuan aaluanna sulal&#7626;ummu wailla indi, 17tumba'u wuassu wuan kalu apan mangonggollu asingkatta su ola'u apapia wu&#7771;&#7771;u al&#7626;al&#7626;eo. Imba&#7771;&#7771;angnga i'o umanna wuane, amungkangngu i'o umana; i'o sarun mate su allo udde lai.&#8221;</div><div class="p"> 18Ana see Ruata nabbisara, &#8220;Dal&#7626;eo taumata mabbiakka sassane. I ya'u sarun ma'ola'a hawene apan botongnge massumbala si tou.&#8221; 19Ne i Tou nanganute leta'a sangkangkumma wu&#7771;&#7771;u na'ola'e al&#7626;awo'u lihiddu winatangngu ammaranne wu&#7771;&#7771;u winatangngu winalanganna. Sarangkanambone niapiddu Ruata ringannu taumata udde niapaasilo su taumata udde, tadea'u i tou mangonggollu aranne su manga winatangnga udde. Eteudde al&#7626;amonan binatangngu ammaranne wu&#7771;&#7771;u winalanganna naasomba aranne sambau-sambau. 20Etearoddi taumata nangonggollu aranna su anambon binatangngu ammaranne wu&#7771;&#7771;u winalanganna. Arawe tawe saran sambau wuassu wallatti mangitou apan botongnge maola'a hawe apan maatul&#7626;ungnge.</div><div class="p"> 21Ana see Ruata napaatiillu taumata udde mal&#7626;angnga-l&#7626;angnga, wu&#7771;&#7771;u tantal&#7626;anna i tou mattiilla, Ruata napaasabangngu sambua rusu'a wuassu wadangngu taumata udde, ana see lannangnge sinoopannu &#7771;emessa. 22Wuassu rusu'a udde Ruata na'ola'a sangkatou wawine, ana see niapidda ringannu taumata udde. 23Ne taumata udde nabbisarate,</div><div class="q1">&#8220;Ete indi i tou, taumata apan uasul&#7626;ungku du&#7771;&#7771;i wuassu du&#7771;&#7771;i'u, wu&#7771;&#7771;u &#7771;emessa wuassu &#7771;eme'u.</div><div class="q1">I tou ta'u isaggo wawine, ana waugu i tou nianu wuassu esakka.&#8221;</div><div class="m"> 24Ana waugu udde taumata esakka manantangngu iamangnge wu&#7771;&#7771;u inangnge, wu&#7771;&#7771;u maaukke ringannu awingnge, ana see itarua nabbal&#7626;ite sambau.</div><div class="p"> 25Esakka wu&#7771;&#7771;u wawine udde tantol&#7626;e, arawe itarua tawe apendamma massili.</div>
 </div>
 </div>
</div>

Ne nuddusse pandariaddi ahewallu ul᷊il᷊in pati'uppa. Su allo appitune Ruata suete nanginsue manara-Ne udde, ana see i Tou nangillol᷊ote. Ne i Tou nangal᷊amatta allo appitune udde, wuṛṛu niolang-Nge sambau allo apan ahewal᷊anne, ana waugu su allo udde Ruata nangillol᷊o napawe i Tou buatte nanginsue manara. Eteudde watti'u pandariaddi ul᷊il᷊im pati'uppa.

Su tempo Ruata na'ola'a ul᷊il᷊in pati'uppa, taambe bualanna apan tinumuwo wuṛṛu taambe manga sinuananna su runia, ana waugu Ruata taambe napaasossokku uranna wuṛṛu taambe taumata mammanara leta'a udde. Arawe ua'e u'al᷊iwombonga wuassu wantan leta'a wuṛṛu wowon dunia masabbute.
Wua'udde Ruata nanganu leta'a sangkompenga, niola'a nabbal᷊i sangkatou taumata, ana see napaasabangu singangu apan mangngonggollu wiakka sulal᷊ummu loṛṛangu ngirunne; ne nabbiakke taumata udde.
Nanansunna udde Ruata na'ola'a wailla su Eden, su samba'an da'i, wuṛṛu niapaatana'e isudde taumata apan buatte niolang-Nge. Ruata napatuwon al᷊awa'u hatin aaluanna apan maṛṛansanga wuṛṛu maggessi manga wua apan mapia. Su pattangngannu wailla udde tinumuwote alu apan mangngonggollu wiakka, wuṛṛu alu apan mangngonggollu asingkatta su ola'u apapia wuṛṛu al᷊al᷊eo.
Sambua sal᷊ukka mangngelekka wuassu Eden, maṛṛolo wailla udde; wuṛṛu su liuddu Eden sal᷊ukka natahia nappenga appata. Iapa paarorone aranne Pison; sal᷊ukka udde mangngelekka mammal᷊iwutta leta'u Hawila. Isudde niasombanganna wul᷊awanna tutune wuṛṛu manga saranapa hal᷊urune mawangngi apan masahadda paddeaanne, ana see lai manga watu permata. Sal᷊ukka aruane aranne Gihon; ua'ene mangngelekka mammal᷊iwutta leta'u Kus. Sal᷊ukka atallune aranne Tigris wuṛṛu mangngelekka su samba'an da'i leta'u Asyur. Sal᷊ukka aiappanne aranne Efrat.
Wua'udde Ruata napatana'u taumata udde su waillu Eden iapamanara wuṛṛu iapapaddul᷊i wailla udde. Ruata nabbisara taumata udde, “I'o wotongnge umanna manga wuan aaluanna sulal᷊ummu wailla indi, tumba'u wuassu wuan kalu apan mangonggollu asingkatta su ola'u apapia wuṛṛu al᷊al᷊eo. Imbaṛṛangnga i'o umanna wuane, amungkangngu i'o umana; i'o sarun mate su allo udde lai.”
Ana see Ruata nabbisara, “Dal᷊eo taumata mabbiakka sassane. I ya'u sarun ma'ola'a hawene apan botongnge massumbala si tou.” Ne i Tou nanganute leta'a sangkangkumma wuṛṛu na'ola'e al᷊awo'u lihiddu winatangngu ammaranne wuṛṛu winatangngu winalanganna. Sarangkanambone niapiddu Ruata ringannu taumata udde niapaasilo su taumata udde, tadea'u i tou mangonggollu aranne su manga winatangnga udde. Eteudde al᷊amonan binatangngu ammaranne wuṛṛu winalanganna naasomba aranne sambau-sambau. Etearoddi taumata nangonggollu aranna su anambon binatangngu ammaranne wuṛṛu winalanganna. Arawe tawe saran sambau wuassu wallatti mangitou apan botongnge maola'a hawe apan maatul᷊ungnge.
Ana see Ruata napaatiillu taumata udde mal᷊angnga-l᷊angnga, wuṛṛu tantal᷊anna i tou mattiilla, Ruata napaasabangngu sambua rusu'a wuassu wadangngu taumata udde, ana see lannangnge sinoopannu ṛemessa. Wuassu rusu'a udde Ruata na'ola'a sangkatou wawine, ana see niapidda ringannu taumata udde. Ne taumata udde nabbisarate,
“Ete indi i tou, taumata apan uasul᷊ungku duṛṛi wuassu duṛṛi'u, wuṛṛu ṛemessa wuassu ṛeme'u.
I tou ta'u isaggo wawine, ana waugu i tou nianu wuassu esakka.”
Ana waugu udde taumata esakka manantangngu iamangnge wuṛṛu inangnge, wuṛṛu maaukke ringannu awingnge, ana see itarua nabbal᷊ite sambau.
Esakka wuṛṛu wawine udde tantol᷊e, arawe itarua tawe apendamma massili.

سنیں PANDARIADDI 2