Borôro: Pao Kurireu Bataru Kurireu; O Novo Testamento (New Testament)

Pao Kurireu Bataru Kurireu; O Novo Testamento

<div class="version vid2518 iso6393bor" data-vid="2518" data-iso6393="bor">
 <div class="book bkMAT">
 <div class="chapter ch11" data-usfm="MAT.11">
 <div class="label">11</div><div class="s">Jo&#227;o Batista Ure Jorduwadowuge Ero Reo</div><div class="p"> 1Jesus ure tumago akedudo nou ture jorduwadowugei dukeje uture pugeje. Nou ure jorduwadowuge enodo padure doze. &#268;a uture Galil&#233;ia moto kejewu boe eda jamedu boe ka tuwo boe erduwado. Makore Pao Kurireu bataruji boe ewiagai tu tu je. 2Jo&#227;o Batista rakojere bai&#269;oreu tada. Boe ere Jo&#227;o Batista bie nou Jesus rore jiboeji makore jiboeji. Dukodire Jo&#227;o Batista ure ia ture jorduwadowuge etudo toro Jesus bagai. 3Makore ei enarawo Jesusji Pao Kurireu umoduie maku boe etaiwu boe ekinorudowu nure ema rugadu kana? Enarawo Jesusji boe epagaiago ia bagai kimo kana? Dukodire eture Jesus ae rugadu. Enarare Jesusji nono tugimijera makore pudui dumogadure rugadu.</div><div class="p"> 4Nono Jesus makore ewadaru jipagi. Akore: &#8211; Tagirimi tawo Jo&#227;o biedu pemegado rugadu tardure jiwu irore jiboeji tameardure jiwu imagore jiboeji. 5Ire joku bokwareuge epemegago etaiwowo pugeje. Ire pogora pegareuge epemegago emeruwo pugeje. Ire kogodureuge ewiri pegareuge epemegago ewiri pemegawo pugeje. Ire bija bokwareuge epemegago emearduwo pugeje. Ire bireuge eewodudo pugeje. Ire marenarue doge ewie nou umode boe ekinorudowu aregoduie rugadu. 6Boe pemegamode nou meartorure iwu boei. Emodukare tugera ra tumeartorure i dupiji nono egaremode pudui rugadu.</div><div class="p"> 7-9Nou Jo&#227;o Batista ure jorduwadowuge eture pugeje Jesus piji. Dukeje Jesus makore Jo&#227;o Batista rore jiboeji nou rakojere pudabowuge boe ewiagai. Akore: &#8211; Marigudu tadure ji&#269;e boe akurugudu maereu ka mare tarduwo bakuru jeture boebutu jitu bagai karega. Tarduwo ukudau areia motureu jiwu boe ewagai karega. Tarduwo oe kurireuge ewagai karega. Nou ukudau areia motureu jiwu boe emugure bai kurireu tada. Oe kurireuge emugure bai kurireu tada. Tadumode bai kurireu ka nouge ewagai. Mare tadure boe maereu ka. Tadure toro tarduwo Jo&#227;o Batistaji. Tarduware Jo&#227;o Batista makore Pao Kurireu bataru jituji. Dukodire tadure toro boe maereu ka Jo&#227;o Batista bagai. Aino &#269;a imode tawie. Jo&#227;o Batista makore Pao Kurireu bataruji rugadu. Mare imode tawie iaboeji pugeje. Jo&#227;o Batista rore nono Pao Kurireu meardae mogadure rugadu. 10Dujire Pao Kurireu ure boe ewie marigudu. Nou bataru padure bapera keje. Akore: &#8220;Imode itugare arego uwo boe pemegado nou umode boe ekinorudowu togi.&#8221;#11.10 Awu bataru padure Malaquias 3.1 keje. Ainore Pao Kurireu akore marigudu. Jo&#227;o Batista jire akoino. Dukodire &#269;are awu bataru jeture pudui rugadu.</div><div class="p"> 11Jesus mako kimore. Akore: &#8211; Iwo tawie boe remawuji rugadu. Jo&#227;o Batista kurire boe eiamedu boe ekori. Mare aino ia boe etugare umode tugimijerado Pao Kurireu&#269;e dukeje kurimode Jo&#227;o Batista kori Pao Kurireu jakai. 12Jo&#227;o Batista aregodure dukeje ure boe ewie Pao Kurireu ure maku aiwu tuwadaru pemegareuji. Ainore rore jii aino. Akore Pao Kurireu umoduie boe eimijera kurireudo pudumi kuri aino. Dukodire nou aidukare nou bataru pemegareu jiwuge ere turokogado nou ure tugimijerado Pao Kurireu &#269;ewugei emeartorukawo ji pugeje. 13Mois&#233;s ure maku Judeu doge etaiwu bakaru ure boe ewie nuba Pao Kurireu romode. Makore Pao Kurireu bataru jiwuge ere Pao Kurireu bataru bu bapera keje jamedu boe erduwawo Pao Kurireu meardaeji. Ainore Pao Kurireu rore tuwo boe ewie tumeardaere jiboeji jii toro Jo&#227;o Batista aregodure du ka. 14Marigudu Pao Kurireu ure boe ewie tumoduie Elias arego mato boe etae. Mare Elias ji karega akoino. Nou aregodumodewu romode nono Elias ro mogadure. Dujire akoino. Aino &#269;a imode tawie. Awu Jo&#227;o Batista nure ema rugadu. Jo&#227;o Batista jire Pao Kurireu akoino. Rore nono Elias ro mogadure. Tameartorumode nou inoduji dukeje tameartorumode iwadaruji jamedu. 15Tawiapaga pemegado iwadaruji. 16Imode tarduwado nuba meartorukare Jo&#227;o Batista jiwuge emeardaere. Ere nono boe etore ewadure puapo nono bawadu keje dumogadure. Ewadure puapo mare etokire pui. 17Egore: &#8220;&#268;ere bapo akodo. Nono &#269;emagore tai tareruwo mare tarerukare. Nono &#269;emagore tai tagraguduwo &#269;edabo mare tagragudukare.&#8221;</div><div class="p">&#8211; Ainore boe etore egore pui. Epemegakare pui rugadu. &#268;a nou meartorukare Jo&#227;o Batista jiwuge ere nono nou boe etore emogadure. Mare boe etore ei karega inagoino. Jo&#227;o Batista makore boe ewiagai ewo tugimijerado Pao Kurireu&#269;e mare erokare aino. Dujire inagoino. 18Jo&#227;o Batista ure tugera ra tuge piji jao tumagowo baruto nono boe ero mogadure. Jo&#227;o Batista kudukare vinho kuru&#269;e nono ro pemegareu ro mogadure. Mare boe emago pegare ji. Egore bope uwari metuie tada. 19Imedu Onaregedu nure imi. Pao Kurireu ure itarego mato boe etae. Inogwagere boebo. Ikudure boebo. Mare du inodu tabo boe emago pegare i jamedu. Egore inogwage ierikaie. Mare pagare egoino. Egore ikudu kigoduie vinho kuru&#269;e. Mare pagare egoino. Egore itaiduie ro pegareugei, nou ure tugeragu boe enoe mori jiwugei, marenarue dogei jamedu. Ainore egore. Mare tumago pegawo i dubagaire egoino. Mare ia boe emeartorumode i. Dukodire boe erduwagodumode Pao Kurireu bataru remawu jire Jo&#227;o Batista akoino duji. Boe erduwagodumode Pao Kurireu bataru remawu jire inagoino duji jamedu.</div><div class="s">Ia Boe Eda Kejewuge Ekiarigodukaie Turo Pegareuji, Ekaie Tugera Ra Turo Pegareu Piji</div><div class="p"> 20Nono Jesus mako pegare ia boe eda kejewugei. Jesus ure turo rakado boe egai nono nou boe eda jamedu boe keje mare du inodu tabo nou boe ekare tugera ra turo pegareu piji. Emeartorukare Jesusji rugadu. 21Jesus akore: &#8211; Iro rakare Corazim ba kurireu keje iwo nou boe erduwado i. Dukodire erdure iro rakareuji. Mare du inodu tabo emeartorukare i. Dukodire boe pegamode ei rugadu. Iro rakare Betsaida ba kurireu keje iwo nou boe erduwado i. Erdure iro rakareuji. Mare du inodu tabo emeartorukare i. Dukodire boe pegamode ei jamedu. Marigudu Tiro ba kurireu kejewuge emeartorukare Pao Kurireuji. Marigudu Sidom ba kurireu kejewuge emeartorukare Pao Kurireuji. Nou Tiro ba kurireu kejewuge, nou Sidom ba kurireu kejewuge erdumode iro rakareuji dukeje ekiarigodumode turo pegareuji rugadu. Emode tugera ra turo pegareu piji. Emode jorugudu bu taora keje tuwo boe erduwado tugiarigodure turo pegareu boeji. Emode tugudau areia kwatorureu tugu pudui tuwo boe erduwado tugiarigodure turo pegareu boeji rugadu tumode tugera ra turo pegare jiboe piji duji.#11.21 Ainore nou mariguduwuge erore jorugudu tabo, tugudau areia kwatorureu tabo. Boe ekiarigodure turo pegare jiboeji rugadu dukeje ere jorugudu bu taora keje rugadu, ere tugudau tawuje tubiji tuwo tugudau areia kwatorureu tugu pudui rugadu. Nono boe erdumode ia boe eroino duji dukeje erduware emeardae remawuji rugadu ekiarigodure turo pegare jiboeji rugadu, emode tugera ra nou turo pegareu piji rugadu. Mare erdukare i, erdukare iro rakareuji dukodire erduwakare i. Ekare tugera ra turo pegareu piji rugadu.#11.21 Boe pegare Tiro ba kurireu kejewuge eiwu bataru padure Isa&#237;as 23.1-3 keje. Boe pegare Sidom ba kurireu kejewuge eiwu bataru padure Isa&#237;as 23.4 keje. Mare ko&#269;are Corazim ba kurireu kejewuge, Betsaida ba kurireu kejewuge, erdure iro rakareuji mare du inodu tabo ekiarigodukare turo pegareuji. Etaidukare tuwo tugera ra turo pegareu piji rugadu. 22Pao Kurireu ure ia meri tawuje taiwowo boe eiamedu boe ero pegareu bagai nou meri keje. Tiro ba kurireu kejewuge emeartorukare Pao Kurireuji dukodire Pao Kurireu umode boe pegado ei nou ture tawujewu meri keje. Sidom ba kurireu kejewuge emeartorukare Pao Kurireuji dukodire Pao Kurireu umode boe pegado ei jamedu nou ture tawujewu meri keje. Mare Corazim ba kurireu kejewuge, Betsaida ba kurireu kejewuge erdure iro rakareuji mare du inodu tabo emeartorukare i. Dukodire Corazim ba kurireu kejewuge eire, Betsaida ba kurireu kejewuge eire, Pao Kurireu ro pega kurimode ei rugadu nou Sidom kejewuge ekori, nou Tiro kejewuge ekori. Pao Kurireu romode aino ei toro ia meri keje. Nou ture tawujewu meri kejere umode boe pegado ei rugadu. 23Cafarnaum ba kurireu kejewuge emeartorure tu pudui turuduwo baruto. Mare pagatu je. Pao Kurireu umode ewarigu toro bope doge eda kejewu joruto nou taiwomode boe ero pegareu bagaiwu meri keje. Marigudu Sodoma ba kurireu kejewuge erdukare Pao Kurireu jordae pemegareuji dukodire ero pegare rugadu. Erdumode iro rakareuji nono Cafarnaum ba kurireu kejewuge erdure dumogadure dukeje ekiarigodumode turo pegareuji rugadu. Emode tugera ra turo pegareu piji. Mare erdukare. Dukodire ekare tugera ra turo pegareu piji rugadu. Dukodire Pao Kurireu ure nou Sodoma ba kurireu akedudo.#11.23 Awu boe pegare Sodoma ba kurireu jiwu bataru padure G&#234;nesis 19.15-29 keje. Mare nou Cafarnaum ba kurireu kejewuge erdure iro rakareuji rugadu. Mare du inodu tabo ekiarigodukare turo pegareuji. 24Dukodire imode tawie. Boe pegamode nou Sodoma kejewugei nou Pao Kurireu aiwomode boe ero pegareu bagaiwu meri keje. Mare nou meri keje nou Cafarnaum ba kurireu kejewuge eire Pao Kurireu ro pega kurimode ei rugadu nou Sodoma kejewuge ekori.</div><div class="s">Jesus Umode Meartorure Puduiwuge Edo Tamudo</div><div class="p"> 25Nono Jesus makore Pao Kurireu bagai baruto. Akore: &#8211; Iogwa. Imago pemegawo ai. Baru tadawuge eimijera kurireu nure aki. Moto kejewuge eimijera kurireu nure aki. Are mugukare bapera kejewuge erduwado ameardaeji. Mare are nou ameardae biado jorduwareuge epiji. Are biado mugure bapera kejewuge epiji. Mare are mugukare bapera kejewuge erduwado. Dukodire imago pemegare aino ai. 26Ainore ameardaere. Nou ameardae ure aegaredo ai rugadu.</div><div class="p"> 27Jesus ure nou tuwadaru akedudo baruto dukeje makore boei. Akore: &#8211; Iogwa ure boe jamedu boe maku inai. Tu Pao Kurireu jorduware Tonaregeduji. Tu nou Onaregedu jorduware Tuoji. Mare Onaregedu umode nou ture tugeragu jiwuge erduwado Pao Kurireuji jamedu. 28Ia tagi tamagore tameartorumoduie Pao Kurireuji dukodire tare taragado tai tameartoruwo nou Judeu doge eno bakaruji. Mare taraga tabore taroiwakare. Dukodire tagiarigodure, tamedugodure. &#268;a. Mato itae. Imode taraga maku tagai tawo tagamudo. 29-30Imode maku boe etaiwu iwadaru rakakare. Iro butugumode boei rugadu. Ikare boe remawudo imi iwo imeardae pemegado boe eiamedu boei. Imode maku boe etaiwu iro rakakare boei. Dukodire meartorure iwuge emode tamudo rugadu. Dukodire inagoino tai tameartoruwo i. Tarduwagoduwo iwadaruji rugadu tameartoruwo i rugadu.</div>
 </div>
 </div>
</div>

Jesus ure tumago akedudo nou ture jorduwadowugei dukeje uture pugeje. Nou ure jorduwadowuge enodo padure doze. Ča uture Galiléia moto kejewu boe eda jamedu boe ka tuwo boe erduwado. Makore Pao Kurireu bataruji boe ewiagai tu tu je. João Batista rakojere baičoreu tada. Boe ere João Batista bie nou Jesus rore jiboeji makore jiboeji. Dukodire João Batista ure ia ture jorduwadowuge etudo toro Jesus bagai. Makore ei enarawo Jesusji Pao Kurireu umoduie maku boe etaiwu boe ekinorudowu nure ema rugadu kana? Enarawo Jesusji boe epagaiago ia bagai kimo kana? Dukodire eture Jesus ae rugadu. Enarare Jesusji nono tugimijera makore pudui dumogadure rugadu.
Nono Jesus makore ewadaru jipagi. Akore: – Tagirimi tawo João biedu pemegado rugadu tardure jiwu irore jiboeji tameardure jiwu imagore jiboeji. Ire joku bokwareuge epemegago etaiwowo pugeje. Ire pogora pegareuge epemegago emeruwo pugeje. Ire kogodureuge ewiri pegareuge epemegago ewiri pemegawo pugeje. Ire bija bokwareuge epemegago emearduwo pugeje. Ire bireuge eewodudo pugeje. Ire marenarue doge ewie nou umode boe ekinorudowu aregoduie rugadu. Boe pemegamode nou meartorure iwu boei. Emodukare tugera ra tumeartorure i dupiji nono egaremode pudui rugadu.
Nou João Batista ure jorduwadowuge eture pugeje Jesus piji. Dukeje Jesus makore João Batista rore jiboeji nou rakojere pudabowuge boe ewiagai. Akore: – Marigudu tadure jiče boe akurugudu maereu ka mare tarduwo bakuru jeture boebutu jitu bagai karega. Tarduwo ukudau areia motureu jiwu boe ewagai karega. Tarduwo oe kurireuge ewagai karega. Nou ukudau areia motureu jiwu boe emugure bai kurireu tada. Oe kurireuge emugure bai kurireu tada. Tadumode bai kurireu ka nouge ewagai. Mare tadure boe maereu ka. Tadure toro tarduwo João Batistaji. Tarduware João Batista makore Pao Kurireu bataru jituji. Dukodire tadure toro boe maereu ka João Batista bagai. Aino ča imode tawie. João Batista makore Pao Kurireu bataruji rugadu. Mare imode tawie iaboeji pugeje. João Batista rore nono Pao Kurireu meardae mogadure rugadu. Dujire Pao Kurireu ure boe ewie marigudu. Nou bataru padure bapera keje. Akore: “Imode itugare arego uwo boe pemegado nou umode boe ekinorudowu togi.” Ainore Pao Kurireu akore marigudu. João Batista jire akoino. Dukodire čare awu bataru jeture pudui rugadu.
Jesus mako kimore. Akore: – Iwo tawie boe remawuji rugadu. João Batista kurire boe eiamedu boe ekori. Mare aino ia boe etugare umode tugimijerado Pao Kurireuče dukeje kurimode João Batista kori Pao Kurireu jakai. João Batista aregodure dukeje ure boe ewie Pao Kurireu ure maku aiwu tuwadaru pemegareuji. Ainore rore jii aino. Akore Pao Kurireu umoduie boe eimijera kurireudo pudumi kuri aino. Dukodire nou aidukare nou bataru pemegareu jiwuge ere turokogado nou ure tugimijerado Pao Kurireu čewugei emeartorukawo ji pugeje. Moisés ure maku Judeu doge etaiwu bakaru ure boe ewie nuba Pao Kurireu romode. Makore Pao Kurireu bataru jiwuge ere Pao Kurireu bataru bu bapera keje jamedu boe erduwawo Pao Kurireu meardaeji. Ainore Pao Kurireu rore tuwo boe ewie tumeardaere jiboeji jii toro João Batista aregodure du ka. Marigudu Pao Kurireu ure boe ewie tumoduie Elias arego mato boe etae. Mare Elias ji karega akoino. Nou aregodumodewu romode nono Elias ro mogadure. Dujire akoino. Aino ča imode tawie. Awu João Batista nure ema rugadu. João Batista jire Pao Kurireu akoino. Rore nono Elias ro mogadure. Tameartorumode nou inoduji dukeje tameartorumode iwadaruji jamedu. Tawiapaga pemegado iwadaruji. Imode tarduwado nuba meartorukare João Batista jiwuge emeardaere. Ere nono boe etore ewadure puapo nono bawadu keje dumogadure. Ewadure puapo mare etokire pui. Egore: “Čere bapo akodo. Nono čemagore tai tareruwo mare tarerukare. Nono čemagore tai tagraguduwo čedabo mare tagragudukare.”
– Ainore boe etore egore pui. Epemegakare pui rugadu. Ča nou meartorukare João Batista jiwuge ere nono nou boe etore emogadure. Mare boe etore ei karega inagoino. João Batista makore boe ewiagai ewo tugimijerado Pao Kurireuče mare erokare aino. Dujire inagoino. João Batista ure tugera ra tuge piji jao tumagowo baruto nono boe ero mogadure. João Batista kudukare vinho kuruče nono ro pemegareu ro mogadure. Mare boe emago pegare ji. Egore bope uwari metuie tada. Imedu Onaregedu nure imi. Pao Kurireu ure itarego mato boe etae. Inogwagere boebo. Ikudure boebo. Mare du inodu tabo boe emago pegare i jamedu. Egore inogwage ierikaie. Mare pagare egoino. Egore ikudu kigoduie vinho kuruče. Mare pagare egoino. Egore itaiduie ro pegareugei, nou ure tugeragu boe enoe mori jiwugei, marenarue dogei jamedu. Ainore egore. Mare tumago pegawo i dubagaire egoino. Mare ia boe emeartorumode i. Dukodire boe erduwagodumode Pao Kurireu bataru remawu jire João Batista akoino duji. Boe erduwagodumode Pao Kurireu bataru remawu jire inagoino duji jamedu.

Nono Jesus mako pegare ia boe eda kejewugei. Jesus ure turo rakado boe egai nono nou boe eda jamedu boe keje mare du inodu tabo nou boe ekare tugera ra turo pegareu piji. Emeartorukare Jesusji rugadu. Jesus akore: – Iro rakare Corazim ba kurireu keje iwo nou boe erduwado i. Dukodire erdure iro rakareuji. Mare du inodu tabo emeartorukare i. Dukodire boe pegamode ei rugadu. Iro rakare Betsaida ba kurireu keje iwo nou boe erduwado i. Erdure iro rakareuji. Mare du inodu tabo emeartorukare i. Dukodire boe pegamode ei jamedu. Marigudu Tiro ba kurireu kejewuge emeartorukare Pao Kurireuji. Marigudu Sidom ba kurireu kejewuge emeartorukare Pao Kurireuji. Nou Tiro ba kurireu kejewuge, nou Sidom ba kurireu kejewuge erdumode iro rakareuji dukeje ekiarigodumode turo pegareuji rugadu. Emode tugera ra turo pegareu piji. Emode jorugudu bu taora keje tuwo boe erduwado tugiarigodure turo pegareu boeji. Emode tugudau areia kwatorureu tugu pudui tuwo boe erduwado tugiarigodure turo pegareu boeji rugadu tumode tugera ra turo pegare jiboe piji duji. Mare erdukare i, erdukare iro rakareuji dukodire erduwakare i. Ekare tugera ra turo pegareu piji rugadu. Mare kočare Corazim ba kurireu kejewuge, Betsaida ba kurireu kejewuge, erdure iro rakareuji mare du inodu tabo ekiarigodukare turo pegareuji. Etaidukare tuwo tugera ra turo pegareu piji rugadu. Pao Kurireu ure ia meri tawuje taiwowo boe eiamedu boe ero pegareu bagai nou meri keje. Tiro ba kurireu kejewuge emeartorukare Pao Kurireuji dukodire Pao Kurireu umode boe pegado ei nou ture tawujewu meri keje. Sidom ba kurireu kejewuge emeartorukare Pao Kurireuji dukodire Pao Kurireu umode boe pegado ei jamedu nou ture tawujewu meri keje. Mare Corazim ba kurireu kejewuge, Betsaida ba kurireu kejewuge erdure iro rakareuji mare du inodu tabo emeartorukare i. Dukodire Corazim ba kurireu kejewuge eire, Betsaida ba kurireu kejewuge eire, Pao Kurireu ro pega kurimode ei rugadu nou Sidom kejewuge ekori, nou Tiro kejewuge ekori. Pao Kurireu romode aino ei toro ia meri keje. Nou ture tawujewu meri kejere umode boe pegado ei rugadu. Cafarnaum ba kurireu kejewuge emeartorure tu pudui turuduwo baruto. Mare pagatu je. Pao Kurireu umode ewarigu toro bope doge eda kejewu joruto nou taiwomode boe ero pegareu bagaiwu meri keje. Marigudu Sodoma ba kurireu kejewuge erdukare Pao Kurireu jordae pemegareuji dukodire ero pegare rugadu. Erdumode iro rakareuji nono Cafarnaum ba kurireu kejewuge erdure dumogadure dukeje ekiarigodumode turo pegareuji rugadu. Emode tugera ra turo pegareu piji. Mare erdukare. Dukodire ekare tugera ra turo pegareu piji rugadu. Dukodire Pao Kurireu ure nou Sodoma ba kurireu akedudo. Mare nou Cafarnaum ba kurireu kejewuge erdure iro rakareuji rugadu. Mare du inodu tabo ekiarigodukare turo pegareuji. Dukodire imode tawie. Boe pegamode nou Sodoma kejewugei nou Pao Kurireu aiwomode boe ero pegareu bagaiwu meri keje. Mare nou meri keje nou Cafarnaum ba kurireu kejewuge eire Pao Kurireu ro pega kurimode ei rugadu nou Sodoma kejewuge ekori.

Nono Jesus makore Pao Kurireu bagai baruto. Akore: – Iogwa. Imago pemegawo ai. Baru tadawuge eimijera kurireu nure aki. Moto kejewuge eimijera kurireu nure aki. Are mugukare bapera kejewuge erduwado ameardaeji. Mare are nou ameardae biado jorduwareuge epiji. Are biado mugure bapera kejewuge epiji. Mare are mugukare bapera kejewuge erduwado. Dukodire imago pemegare aino ai. Ainore ameardaere. Nou ameardae ure aegaredo ai rugadu.
Jesus ure nou tuwadaru akedudo baruto dukeje makore boei. Akore: – Iogwa ure boe jamedu boe maku inai. Tu Pao Kurireu jorduware Tonaregeduji. Tu nou Onaregedu jorduware Tuoji. Mare Onaregedu umode nou ture tugeragu jiwuge erduwado Pao Kurireuji jamedu. Ia tagi tamagore tameartorumoduie Pao Kurireuji dukodire tare taragado tai tameartoruwo nou Judeu doge eno bakaruji. Mare taraga tabore taroiwakare. Dukodire tagiarigodure, tamedugodure. Ča. Mato itae. Imode taraga maku tagai tawo tagamudo. Imode maku boe etaiwu iwadaru rakakare. Iro butugumode boei rugadu. Ikare boe remawudo imi iwo imeardae pemegado boe eiamedu boei. Imode maku boe etaiwu iro rakakare boei. Dukodire meartorure iwuge emode tamudo rugadu. Dukodire inagoino tai tameartoruwo i. Tarduwagoduwo iwadaruji rugadu tameartoruwo i rugadu.

سنیں Mateus 11