Bible translation: Taita © Bible Society of Kenya, 1997 Recording of the New Testament ℗ Hosanna, 2019

Taita-1997 KENBS (NT) Drama

<div class="version vid2138 iso6393dav" data-vid="2138" data-iso6393="dav">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s">Jesu kuredwa imbiri ya Pilato</div><div class="r">(Mat. 27.1-2, 11-14; Mk. 15.1-5; Joh. 18.28-38)</div><div class="p"> 1Niko wandu wose wikawuka kimusi na kumghenja Jesu kwa Pilato. 2Wikazoya kumshitakia wikighamba, &#8220;Dammbwadie mundu uhu ukilaghasha mbari edu kwa kuwighiria wandu wisemfunyire Kaisari kodi, na kughamba wei uo ni Kristo mzuri.&#8221; 3Pilato ukamkotia, &#8220;Welee, oho ko mzuri wa Wayahudi?&#8221; Jesu ukatumbulia, &#8220;Oho kwaghamba.&#8221; 4Pilato ukawizera wakohani wabaa na izungu, &#8220;Siwonagha ikosa jingi kwa mundu uhu anduangi.&#8221; 5Ela awo wikachuria kughora kwa ndighi, &#8220;Wadawikumba wandu sheshe kwa mafundisho ghake isanga jose ja Judea, kufuma Galilaya, hata aha.&#8221;</div><div class="s">Jesu kughenjwa kwa Herode</div><div class="p"> 6Nao iji Pilato wasikira agho ukakotia, &#8220;Welee, uhu mundu ni Mgalilaya?&#8221; 7Uendamanya angu Jesu waafuma isanga jibonyerwagha nguma ni Herode, ukamghenja kwake, nao moni ngelo iro orekoghe ukikaia Jerusalemu. 8Nao iji Herode wammbona Jesu, ukaboilwa loli-loli, kwa kukaia orekoghe ukisikira malagho ghake, nao kwa ngelo ndacha, orekoghe ukikunda kummbona. Ukasuwiria kummbona Jesu ukibonya mwakilimbiti umu. 9Kwa huwo ukamkotia makoto malazi, ela Jesu nderemtumbulieghe anduangi. 10Wakohani wabaa, na walimu wa Sharia werekaieghe kimusi kaavui wikamshitakia kwa kufunga ndighi. 11Niko Herode andwamweri na masikari ghake wikamseka Jesu na kumsholia, wikamrusha nguwo iboie, wikammbunja kwa Pilato. 12Na ituku jija jeni, Herode na Pilato wikabonya wughenyi, angu koimbiri werekoghe na wumaiza.</div><div class="s">Jesu kutanywa ubwagho</div><div class="r">(Mat. 27.15-26; Mk. 15.6-15; Joh. 18.39&#8211;19.16)</div><div class="p"> 13Niko Pilato ukawikwanya chiaimweri wakohani wabaa, vilongozi na wandu, 14ukawizera, &#8220;Inyo mwaniredia uhu mundu mkighora wei waawuyalaghasha wandu, na nyuma ya kuzighana malagho ghake imbiri konyu siwonie ikosa jingi kwake kwa agho mumshitakiagha nagho anduangi. 15Hata Herode wori, ndewonie ikosa jingi kwake anduangi; niko wammbuja kodu. Mundu uhu ndebonyere ilagho jingi jimfwanagha kifwa anduangi. 16Kwa huwu nichamkaba na kiboko na kumfungua.&#8221; [ 17Idana kwa kula Ndima ya Pasaka erekoghe suti Pilato uwifunguye mfungwa umweri.]</div><div class="p"> 18Ela wose wikaghora kwa lwaka lubaa, &#8220;Mwinje noko uhu kudifunguye Baraba!&#8221; 19(Baraba orefungiloghe kwa wundu ghwa kubonya sheshe mzinyi na kubwagha)</div><div class="p"> 20Nao Pilato ukikunda kumfungua Jesu ukaghora na jija izungu sena; 21ela awo wikachuria kughora kwa chwaka mbaa, &#8220;Msulubishe! Msulubishe!&#8221; 22Nao Pilato ukawizera indo ja kadadu, &#8220;Ela wabonya ikosaki? Ini siwonie ikosa jingi kwake jimfwanagha ufo anduangi; kwa huwu nichamkaba na kiboko na kumfungua.&#8221;</div><div class="p"> 23Ela wikachuria kukema na chwaka mbaa, usulubisho; na kutua chwaka rawo rikasima. 24Niko Pilato ukatanya wibonyero sa iji wikunde. 25Ukawifunguya uo mundu weremkundeghe, nao orebonyereghe sheshe na kubwagha, ukamfunya Jesu kwawo wim'bonye seji wikunde.</div><div class="s">Jesu kusulubishwa</div><div class="r">(Mat. 27.32-44; Mk. 15.21-32; Joh. 19.17-27)</div><div class="p"> 26Nao masikari wikamghenja Jesu noko, hata iji werekoghe wikighenda wikakwana na mndumu wa Kurene uwangwagha Simoni, orekoghe wafuma mashambenyi; wikammbwada, wikamdukishira ghuja msalaba umnughe Jesu na nyuma. 27Na izungu ibaa ja wandu jikamnugha andwamweri na waka wamu werekoghe wikikema mchungu na kumlilia. 28Jesu ukaghaluka na nyuma ukawizera, &#8220;Inyo waka wa Jerusalemu, msakenililia ini, ela mkulilie mmbeni na wana wenyu. 29Angu matuku ghichacha wandu wichaaghora, &#8216;Warasimilwa awa wiko kolowi, na awa wisevae, na awa wiseongoshere jingi.&#8217; 30Niko wichazoya kuizera mighondi mibaa, &#8216;Dighuyenyi,&#8217; na ija mitini &#8216;Difinikirenyi,&#8217;#Hos. 10.8; Wuf. 6.16 31angu ngera waghubonyera huwu mudi mmbishi, ichakaia wada kwa ghuja ghuomie?&#8221;</div><div class="p"> 32Wandu wamu wawi wawiwi weredwaloghe wipate kusulubishwa andwamweri na Jesu. 33Hata iji werevikieghe andu kuwangwagha &#8220;Ngoma ya chongo,&#8221; ahoeni wikamsulubisha; na awo wawiwi umu chia ya mkonu ghwake ghwa kiwomi, na umu chia ya mkonu ghwake ghwa kiwaka. 34Nao Jesu ukaghamba, &#8220;Aba, wifuye wughoma angu ndewimanyire iji wijibonyagha anduangi.&#8221; Wikawagha nguwo rake kwa kurikabia kura.#Zab. 22.18 35Na wandu wikakaia kimusi wikizighanira; ela wabaa wikamsholia wikighamba, &#8220;Orewikirieghe wazima, ndekukire uo moni; ikakaia loli ni Kristo wa Mlungu msaghulwa wake.&#8221;#Zab. 22.7 36Na masikari wori wikamseka, wikacha wikimredia siki#Zab. 69.21 37wikighamba, &#8220;Ngera koko mzuri wa Wayahudi, kukukire kumoni!&#8221;</div><div class="p"> 38Na naighu yake koreandikiloghe maandiko agha: &#8220;UHU NUO MZURI WA WAYAHUDI.&#8221;</div><div class="p"> 39Nao umu wa waja wawiwi weresulubishiroghe msalabenyi ukamsholia ukighamba, &#8220;Welee, oho suo moni Kristo? Kukukire kumoni chiaimweri nesi.&#8221; 40Ela uja mmbiwi mmbao ukamkemia ukighamba, &#8220;Oho ndekumuobuagha Mlungu kwa kukaia kwatanywa karakara na uo moni? 41Isi loli daakabwa kwa hachi, ela mundu uhu ndebonyere ikosa jingi anduangi.&#8221; 42Nao ukaghamba, &#8220;Ee Jesu, kunikumbuke idime kuchagha kwa wuzuri ghwako.&#8221; 43Jesu ukamzera, &#8220;Nakughoria loli, idime iji kuchakaianya andwamweri nani Andu Kucha Warumunyi.&#8221;</div><div class="s">Kufwa kwa Jesu</div><div class="r">(Mat. 27.45-56; Mk. 15.33-41; Joh. 19.28-30)</div><div class="p"> 44Nao sa saa irandadu, korekoghe na kira isanga jose, hata saa ikenda. 45Iruwa ndejerefunyireghe miengere yaro anduangi; na pazia ya Hekalu ikarashuka vibelele viwi.#Kuf. 26.31-33 46Nao Jesu ukikema na lwaka lubaa ukaghamba, &#8220;Aba, naiwika roho yapo mikonunyi kwako.&#8221; Umeria kughora huwo ukameria moyo.#Zab. 31.5</div><div class="p"> 47Uja m'baa wa masikari uendawona agho gherebonyekieghe, ukamkasa Mlungu ukighamba, &#8220;Kwa loli mundu uhu orekoghe mhachi.&#8221; 48Na izungu jose ja wandu werekoghe kimusi wikizighanira, wimeria kuwona agho gherebonyekieghe, wikaghala cha mzinyi wikikukaba-kaba laghenyi kwa wasi. 49Na wandu wose weremmanyireghe Jesu andwamweri na waja waka weremnughieghe kufuma Galilaya, werekaieghe kimusi kula koni wikizighanira.#Lk. 8.2-3</div><div class="s">Kurikwa kwa Jesu</div><div class="r">(Mat. 27.57-61; Mk. 15.42-47; Joh. 19.38-42)</div><div class="p"> 50Korekoghe na mndumu uwangwagha Josefu, mundu wa muzi ghumu ghwa Wayahudi ghuwangwagha Arimatea. Orekoghe mwanachama wa Mwandu, mundu mucha na wa hachi; 51uo ndererumirianeghe na njama yawo, hata na ibonyo jawo anduangi; nao orekoghe ukighuweseria Wuzuri ghwa Mlungu. 52Mundu uhu ukamghendia Pilato na kughulomba mumbi ghwa Jesu. 53Ukaghusera ugho mumbi, ukaghurighiria nguwo ya kitani, na kughungira kaburinyi erekoteroghe ighonyi; nayo jingi ndeererikiloghe mndungi anduangi. 54Erekoghe ni mramko kasanu, Ituku ja Kukutumbanya; na Sabato erekoghe ikizoya.</div><div class="p"> 55Awa waka weremnughieghe Jesu kufuma Galilaya, werenughaneghe na Josefu, wikaiwona kaburi na seji mumbi ghwa Jesu ghorewikiloghe. 56Niko wikawuya kuboisa marumba na mavuda. Na ituku ja Sabato wikahora karakara na Sharia.#Kuf. 20.10; Wuk. 5.14</div>
 </div>
 </div>
</div>

Niko wandu wose wikawuka kimusi na kumghenja Jesu kwa Pilato. Wikazoya kumshitakia wikighamba, “Dammbwadie mundu uhu ukilaghasha mbari edu kwa kuwighiria wandu wisemfunyire Kaisari kodi, na kughamba wei uo ni Kristo mzuri.” Pilato ukamkotia, “Welee, oho ko mzuri wa Wayahudi?” Jesu ukatumbulia, “Oho kwaghamba.” Pilato ukawizera wakohani wabaa na izungu, “Siwonagha ikosa jingi kwa mundu uhu anduangi.” Ela awo wikachuria kughora kwa ndighi, “Wadawikumba wandu sheshe kwa mafundisho ghake isanga jose ja Judea, kufuma Galilaya, hata aha.”

Nao iji Pilato wasikira agho ukakotia, “Welee, uhu mundu ni Mgalilaya?” Uendamanya angu Jesu waafuma isanga jibonyerwagha nguma ni Herode, ukamghenja kwake, nao moni ngelo iro orekoghe ukikaia Jerusalemu. Nao iji Herode wammbona Jesu, ukaboilwa loli-loli, kwa kukaia orekoghe ukisikira malagho ghake, nao kwa ngelo ndacha, orekoghe ukikunda kummbona. Ukasuwiria kummbona Jesu ukibonya mwakilimbiti umu. Kwa huwo ukamkotia makoto malazi, ela Jesu nderemtumbulieghe anduangi. Wakohani wabaa, na walimu wa Sharia werekaieghe kimusi kaavui wikamshitakia kwa kufunga ndighi. Niko Herode andwamweri na masikari ghake wikamseka Jesu na kumsholia, wikamrusha nguwo iboie, wikammbunja kwa Pilato. Na ituku jija jeni, Herode na Pilato wikabonya wughenyi, angu koimbiri werekoghe na wumaiza.


Niko Pilato ukawikwanya chiaimweri wakohani wabaa, vilongozi na wandu, ukawizera, “Inyo mwaniredia uhu mundu mkighora wei waawuyalaghasha wandu, na nyuma ya kuzighana malagho ghake imbiri konyu siwonie ikosa jingi kwake kwa agho mumshitakiagha nagho anduangi. Hata Herode wori, ndewonie ikosa jingi kwake anduangi; niko wammbuja kodu. Mundu uhu ndebonyere ilagho jingi jimfwanagha kifwa anduangi. Kwa huwu nichamkaba na kiboko na kumfungua.” [ Idana kwa kula Ndima ya Pasaka erekoghe suti Pilato uwifunguye mfungwa umweri.]
Ela wose wikaghora kwa lwaka lubaa, “Mwinje noko uhu kudifunguye Baraba!” (Baraba orefungiloghe kwa wundu ghwa kubonya sheshe mzinyi na kubwagha)
Nao Pilato ukikunda kumfungua Jesu ukaghora na jija izungu sena; ela awo wikachuria kughora kwa chwaka mbaa, “Msulubishe! Msulubishe!” Nao Pilato ukawizera indo ja kadadu, “Ela wabonya ikosaki? Ini siwonie ikosa jingi kwake jimfwanagha ufo anduangi; kwa huwu nichamkaba na kiboko na kumfungua.”
Ela wikachuria kukema na chwaka mbaa, usulubisho; na kutua chwaka rawo rikasima. Niko Pilato ukatanya wibonyero sa iji wikunde. Ukawifunguya uo mundu weremkundeghe, nao orebonyereghe sheshe na kubwagha, ukamfunya Jesu kwawo wim'bonye seji wikunde.


Nao masikari wikamghenja Jesu noko, hata iji werekoghe wikighenda wikakwana na mndumu wa Kurene uwangwagha Simoni, orekoghe wafuma mashambenyi; wikammbwada, wikamdukishira ghuja msalaba umnughe Jesu na nyuma. Na izungu ibaa ja wandu jikamnugha andwamweri na waka wamu werekoghe wikikema mchungu na kumlilia. Jesu ukaghaluka na nyuma ukawizera, “Inyo waka wa Jerusalemu, msakenililia ini, ela mkulilie mmbeni na wana wenyu. Angu matuku ghichacha wandu wichaaghora, ‘Warasimilwa awa wiko kolowi, na awa wisevae, na awa wiseongoshere jingi.’ Niko wichazoya kuizera mighondi mibaa, ‘Dighuyenyi,’ na ija mitini ‘Difinikirenyi,’ angu ngera waghubonyera huwu mudi mmbishi, ichakaia wada kwa ghuja ghuomie?”
Wandu wamu wawi wawiwi weredwaloghe wipate kusulubishwa andwamweri na Jesu. Hata iji werevikieghe andu kuwangwagha “Ngoma ya chongo,” ahoeni wikamsulubisha; na awo wawiwi umu chia ya mkonu ghwake ghwa kiwomi, na umu chia ya mkonu ghwake ghwa kiwaka. Nao Jesu ukaghamba, “Aba, wifuye wughoma angu ndewimanyire iji wijibonyagha anduangi.” Wikawagha nguwo rake kwa kurikabia kura. Na wandu wikakaia kimusi wikizighanira; ela wabaa wikamsholia wikighamba, “Orewikirieghe wazima, ndekukire uo moni; ikakaia loli ni Kristo wa Mlungu msaghulwa wake.” Na masikari wori wikamseka, wikacha wikimredia siki wikighamba, “Ngera koko mzuri wa Wayahudi, kukukire kumoni!”
Na naighu yake koreandikiloghe maandiko agha: “UHU NUO MZURI WA WAYAHUDI.”
Nao umu wa waja wawiwi weresulubishiroghe msalabenyi ukamsholia ukighamba, “Welee, oho suo moni Kristo? Kukukire kumoni chiaimweri nesi.” Ela uja mmbiwi mmbao ukamkemia ukighamba, “Oho ndekumuobuagha Mlungu kwa kukaia kwatanywa karakara na uo moni? Isi loli daakabwa kwa hachi, ela mundu uhu ndebonyere ikosa jingi anduangi.” Nao ukaghamba, “Ee Jesu, kunikumbuke idime kuchagha kwa wuzuri ghwako.” Jesu ukamzera, “Nakughoria loli, idime iji kuchakaianya andwamweri nani Andu Kucha Warumunyi.”


Nao sa saa irandadu, korekoghe na kira isanga jose, hata saa ikenda. Iruwa ndejerefunyireghe miengere yaro anduangi; na pazia ya Hekalu ikarashuka vibelele viwi. Nao Jesu ukikema na lwaka lubaa ukaghamba, “Aba, naiwika roho yapo mikonunyi kwako.” Umeria kughora huwo ukameria moyo.
Uja m'baa wa masikari uendawona agho gherebonyekieghe, ukamkasa Mlungu ukighamba, “Kwa loli mundu uhu orekoghe mhachi.” Na izungu jose ja wandu werekoghe kimusi wikizighanira, wimeria kuwona agho gherebonyekieghe, wikaghala cha mzinyi wikikukaba-kaba laghenyi kwa wasi. Na wandu wose weremmanyireghe Jesu andwamweri na waja waka weremnughieghe kufuma Galilaya, werekaieghe kimusi kula koni wikizighanira.


Korekoghe na mndumu uwangwagha Josefu, mundu wa muzi ghumu ghwa Wayahudi ghuwangwagha Arimatea. Orekoghe mwanachama wa Mwandu, mundu mucha na wa hachi; uo ndererumirianeghe na njama yawo, hata na ibonyo jawo anduangi; nao orekoghe ukighuweseria Wuzuri ghwa Mlungu. Mundu uhu ukamghendia Pilato na kughulomba mumbi ghwa Jesu. Ukaghusera ugho mumbi, ukaghurighiria nguwo ya kitani, na kughungira kaburinyi erekoteroghe ighonyi; nayo jingi ndeererikiloghe mndungi anduangi. Erekoghe ni mramko kasanu, Ituku ja Kukutumbanya; na Sabato erekoghe ikizoya.
Awa waka weremnughieghe Jesu kufuma Galilaya, werenughaneghe na Josefu, wikaiwona kaburi na seji mumbi ghwa Jesu ghorewikiloghe. Niko wikawuya kuboisa marumba na mavuda. Na ituku ja Sabato wikahora karakara na Sharia.

سنیں LUKA 23