Audio of the New Testaments and Psalms in Kurdish Sorani, © Bible Society in Lebanon, 2017 بە دەنگ پەرتووکی پیرۆز پەیمانی نوێ بە زمانی کوردی سۆرانی و زەبوورەکان. مافی چاپکردن و بەڵاوکردنەوەی پارێزراوە لە کۆمەڵگەی پەرتووکی پیرۆز لە لوبنان ٢٠١٧

پەیمانی نوێ و زەبوورەکان بە سۆرانی

بۆچی نه‌ته‌وه‌كان وروژان و گه‌لان بیری ناڕه‌وایان كرده‌وه‌؟
پاشایانی زه‌وی هه‌ستان و سه‌رۆكه‌كانیان پێكه‌وه‌ پیلانیان دژی په‌روه‌ردگار و مه‌سیحه‌كه‌ی گێڕا و وتیان:
“با كۆته‌كانیان ببڕینه‌وه‌ و زنجیره‌كانیان له‌ خۆمان فرێ‌ بده‌ین”.

دانیشتووی ئاسمانان پێده‌كه‌نێت، په‌روه‌ردگار گاڵته‌یان پێده‌كات.
ئینجا به‌ تووڕه‌یی خۆی قسه‌یان پێده‌كات، به‌ قینی خۆی ده‌یانهه‌ژێنێت:
“به‌ڵام من پاشای خۆم له‌سه‌ر سیهیۆنی كێوی پارسای خۆم چه‌وركردووه‌”.

من فه‌رمانی په‌روه‌ردگارتان پێ‌ ڕاده‌گه‌یه‌نم: پێی وتم: “تۆ ڕۆڵه‌ی منی، من ئه‌مڕۆ بوومه‌ باوكت.
داوام لێ‌ بكه‌، نه‌ته‌وه‌كان ده‌كه‌م به‌ میراتت، ئه‌وپه‌ڕی زه‌وی ده‌كه‌م به‌ موڵكی تۆ.
به‌ گۆچانێكی ئاسنین ده‌یانڕوخێنێت و وه‌ک گۆزه‌یه‌كی گڵین ده‌یانشكێنیت”.

جا ئه‌ی پاشایان، ئاقڵ بن. فه‌رمانڕه‌وایانی زه‌وی، ڕێزدار بن.
به‌ ترسه‌وه‌ په‌روه‌ردگار بپه‌رستن، به‌ له‌رزه‌وه‌ ده‌نگ هه‌ڵبڕن.
ڕۆڵه‌كه‌ ماچ بكه‌ن، نه‌وه‌ک تووڕه‌ ببێت و له‌ ڕێگای خۆتان ته‌فروتونا بن، چونكه‌ تووڕه‌ییه‌كه‌ی زوو دێته‌ جۆش. به‌خته‌وه‌ری بۆ هه‌موو ئه‌وانه‌ی پشتی پێ ده‌به‌ستن.

سنیں په‌سنییه‌كان 2