<div class="version vid1402 iso6393nfa" data-vid="1402" data-iso6393="nfa">
 <div class="book bkGEN">
 <div class="chapter ch6" data-usfm="GEN.6">
 <div class="label">6</div><div class="s1">Bhabhelu-katub&#42892;a dh&#232;u rai-haha</div><div class="p"> 1Taa &#232;&#232;na, dh&#232;u rai-haha, asa b&#232;ba-kacanga. Ka ra papala-pal&#232;me rai-haha. Dh&#232;u se matana kah&#232;i ana-ana bh&#232;ni. 2Ana-ana mone n&#232;ti Lamatua#6:2Lii &#8216;ana-ana mone n&#232;ti Lamatua&#8217; s&#232;ra, m&#232;u iia boe. Abhu dh&#232;u d&#42892;&#232;lu-m&#232;u cahag&#42892;e dhu peka, r&#232;ngu s&#232;ra, ana-ana dh&#232;u aae. Cahag&#42892;e hari peka, r&#232;ngu s&#232;ra, kapua n&#232;ti dh&#232;u rai-haha boe. Cahag&#42892;e hari dhu ngee, na, r&#232;ngu s&#232;ra ana pajuu Ama Lamatua n&#232;ti sorga. Te ngaa abhu boe ca dh&#232;u sa dhu re&#42892;a m&#232;u. ladhe r&#232;dhi ana bh&#232;ni n&#232;ti dh&#232;u rai-haha se, bh&#232;ni iia hua. Ka lasi todhe rare ana bh&#232;ni mia dhu ra d&#42892;&#232;i. 3Ka LAMATUA peka na, &#8220;Ja&#42892;a roca le d&#232;nge tatao dh&#232;u dhu l&#232;ke-l&#232;ke boe se. Roh Ja&#42892;a dhu pamamuri r&#232;ngu sa, d&#42892;&#232;i heka hia ra mamuri man&#232;ro.#6:3Sasoa lii Ibrani &#232;tu ne&#42892;e m&#232;u iia boe. Hud&#42892;i r&#232;ngu madhe ku. De &#232;&#232;na na, mamuri r&#232;ngu se dhoka d&#42892;ai 120 (ca ngasu dua nguru) t&#232;u di.&#8221;</div><div class="p"> 4Taa &#232;&#232;na, d&#232;nge taa-tebho dhu limuri n&#232;ti &#232;&#232;na hari, abhu le dh&#232;u raksasa &#232;tu rai-haha ne.#6:4Lii Ibrani peka na &#8216;dh&#232;u Nefil s&#232;ra&#8217;. Te ngaa sasoa na m&#232;u iia boe. Ropa ana mone n&#232;ti Lamatua leo rare ana bh&#232;ni dh&#232;u rai-haha se, ka rara iisi dh&#232;u kapai, nuka: kapala musu, dh&#232;u re&#42892;a madhutu lii lolo uru-uru s&#232;ra.</div><div class="p"> 5Taa &#232;&#232;na, LAMATUA ladhe n&#232;dhi bhabhelu-katub&#42892;a dh&#232;u rai-haha dhu seli-kolane. D&#42892;ara r&#232;ngu pangee dhoka bhabhelu di. 6Ka LAMATUA manyasa, lula Na paj&#42892;aj&#42892;i le r&#232;ngu se ho pea &#232;tu rai-haha ne. Tatao r&#232;ngu ne&#42892;e ka dhu pap&#232;d&#42892;a d&#42892;ara Lamatua. 7N&#232;ti &#232;&#232;na ka, Na peka na, &#8220;D&#232;nge tatao r&#232;ngu s&#232;mi &#232;&#232;na na, Ja&#42892;a huku pamadhe dh&#232;u rai-haha aa&#42892;i-aa&#42892;i dhu paj&#42892;aj&#42892;i kore si le. Manu-bhui d&#232;nge badha leo s&#232;ra, Ja&#42892;a palaho aa&#42892;i si kah&#232;i. Te Ja&#42892;a manyasa, n&#232;ti Ja&#42892;a ka paj&#42892;aj&#42892;i si.&#8221; 8Te ngaa Noh di dhu pakarej&#42892;e d&#42892;ara LAMATUA.</div><div class="s1">Lii lolo Noh</div><div class="p"> 9-10Lii lolo Noh s&#232;mi ne&#42892;e ka: Ana mone na, dh&#232;u t&#232;lu, nuka Sem, Yafet d&#232;nge Ham. Noh mamuri d&#232;nge mola, koe-kapengo boe. Taa &#232;&#232;na, n&#232;ngu di dhu mamuri mola. D&#42892;ara na dhodhoka &#232;tu Ama Lamatua.</div><div class="p"> 11-12Te ngaa dh&#232;u leo se, Ama Lamatua ladhe ra bhelu aa&#42892;i m&#232;u-m&#232;u. &#200;tu mia-mia &#232;&#232;na ka, j&#42892;ara mamuri dh&#232;u se ele iie aa&#42892;i. Ama Lamatua n&#232;dhi dhodhoka bhabhelu di, &#232;tu rai-haha ne. 13H&#232;ia Ama Lamatua peka d&#232;nge Noh, aku N&#232;ngu na, &#8220;Ja&#42892;a k&#232;dhi dhoka bhabhelu dh&#232;u di, dhu pale-l&#232;me rai-haha ne. Ka Ja&#42892;a pama&#42892;&#232;te kore le, s&#232;na ka Ja&#42892;a palaho aa&#42892;i rai-haha ne d&#232;nge isi na aa&#42892;i-aa&#42892;i. 14De s&#232;mi ne&#42892;e, Noh! &#200;u tao kapa aae cue, dhu tao n&#232;ti aj&#42892;u adhu. Re d&#42892;ara roa na, &#232;u bagi mi kama-kama. Aa re d&#42892;ara d&#232;nge li&#42892;u kapa, &#232;u lame d&#232;nge &#232;i dama. 15Mu sab&#42892;e kapa na, madhera na 133 (ca ngasu t&#232;lu nguru t&#232;lu) meter; bhabh&#232;la na 22 (dua nguru dua) meter; d&#232;nge katitu na 13 (canguru t&#232;lu) meter. 16&#200;u tao &#232;mu &#232;tu dedha kapa na. Te ngaa paconga ca laa ai n&#232;ti kadidhi re dedha. &#200;u bagi kapa ne mi t&#232;lu tad&#42892;a. Aa re karasa na, tao bab&#232;dho &#232;ci.</div><div class="p"> 17San&#232;d&#42892;e paie-iie! B&#232;li-cam&#232;d&#42892;a, Ja&#42892;a papuru &#232;i aae lala, ho pac&#232;ne eele rai-haha ne, s&#232;na ka pamadhe aa&#42892;i dhu mamuri. 18Te ngaa Ja&#42892;a pa&#42892;&#232;ki lii pajaji d&#232;nge &#232;u. &#200;&#232;na na, &#232;u maso d&#42892;ara kapa &#232;&#232;na, m&#232;ti d&#232;nge dh&#232;u &#232;mu &#232;u, ana-ana &#232;u, d&#232;nge dh&#232;u &#232;mu ana-ana &#232;u.</div><div class="p"> 19-20Badha aa&#42892;i-aa&#42892;i ra, &#232;u hag&#42892;e more ca pasa-ca pasa, eo m&#232;ti asa d&#42892;ara kapa, ho ra abhu mamuri d&#232;nge &#232;u kah&#232;i. S&#232;mi: badha ani, manu-bhui, d&#232;nge badha dhu rod&#42892;o, s&#232;na ka ra abhu mamuri. 21&#200;u hud&#42892;i m&#232;ti d&#232;nge nganga&#42892;a-nganginu, pala miu d&#232;nge pala badha s&#232;ra h&#232;i.&#8221;</div><div class="p"> 22Ka Noh sab&#42892;e madhutu s&#232;mi lii paredha Ama Lamatua aa&#42892;i-aa&#42892;i s&#232;ra.</div>
 </div>
 </div>
</div>

Taa èèna, dhèu rai-haha, asa bèba-kacanga. Ka ra papala-palème rai-haha. Dhèu se matana kahèi ana-ana bhèni. Ana-ana mone nèti Lamatua ladhe rèdhi ana bhèni nèti dhèu rai-haha se, bhèni iia hua. Ka lasi todhe rare ana bhèni mia dhu ra dꞌèi. Ka LAMATUA peka na, “Jaꞌa roca le dènge tatao dhèu dhu lèke-lèke boe se. Roh Jaꞌa dhu pamamuri rèngu sa, dꞌèi heka hia ra mamuri manèro. Hudꞌi rèngu madhe ku. De èèna na, mamuri rèngu se dhoka dꞌai 120 (ca ngasu dua nguru) tèu di.”
Taa èèna, dènge taa-tebho dhu limuri nèti èèna hari, abhu le dhèu raksasa ètu rai-haha ne. Ropa ana mone nèti Lamatua leo rare ana bhèni dhèu rai-haha se, ka rara iisi dhèu kapai, nuka: kapala musu, dhèu reꞌa madhutu lii lolo uru-uru sèra.
Taa èèna, LAMATUA ladhe nèdhi bhabhelu-katubꞌa dhèu rai-haha dhu seli-kolane. Dꞌara rèngu pangee dhoka bhabhelu di. Ka LAMATUA manyasa, lula Na pajꞌajꞌi le rèngu se ho pea ètu rai-haha ne. Tatao rèngu neꞌe ka dhu papèdꞌa dꞌara Lamatua. Nèti èèna ka, Na peka na, “Dènge tatao rèngu sèmi èèna na, Jaꞌa huku pamadhe dhèu rai-haha aaꞌi-aaꞌi dhu pajꞌajꞌi kore si le. Manu-bhui dènge badha leo sèra, Jaꞌa palaho aaꞌi si kahèi. Te Jaꞌa manyasa, nèti Jaꞌa ka pajꞌajꞌi si.” Te ngaa Noh di dhu pakarejꞌe dꞌara LAMATUA.

Lii lolo Noh sèmi neꞌe ka: Ana mone na, dhèu tèlu, nuka Sem, Yafet dènge Ham. Noh mamuri dènge mola, koe-kapengo boe. Taa èèna, nèngu di dhu mamuri mola. Dꞌara na dhodhoka ètu Ama Lamatua.
Te ngaa dhèu leo se, Ama Lamatua ladhe ra bhelu aaꞌi mèu-mèu. Ètu mia-mia èèna ka, jꞌara mamuri dhèu se ele iie aaꞌi. Ama Lamatua nèdhi dhodhoka bhabhelu di, ètu rai-haha ne. Hèia Ama Lamatua peka dènge Noh, aku Nèngu na, “Jaꞌa kèdhi dhoka bhabhelu dhèu di, dhu pale-lème rai-haha ne. Ka Jaꞌa pamaꞌète kore le, sèna ka Jaꞌa palaho aaꞌi rai-haha ne dènge isi na aaꞌi-aaꞌi. De sèmi neꞌe, Noh! Èu tao kapa aae cue, dhu tao nèti ajꞌu adhu. Re dꞌara roa na, èu bagi mi kama-kama. Aa re dꞌara dènge liꞌu kapa, èu lame dènge èi dama. Mu sabꞌe kapa na, madhera na 133 (ca ngasu tèlu nguru tèlu) meter; bhabhèla na 22 (dua nguru dua) meter; dènge katitu na 13 (canguru tèlu) meter. Èu tao èmu ètu dedha kapa na. Te ngaa paconga ca laa ai nèti kadidhi re dedha. Èu bagi kapa ne mi tèlu tadꞌa. Aa re karasa na, tao babèdho èci.
Sanèdꞌe paie-iie! Bèli-camèdꞌa, Jaꞌa papuru èi aae lala, ho pacène eele rai-haha ne, sèna ka pamadhe aaꞌi dhu mamuri. Te ngaa Jaꞌa paꞌèki lii pajaji dènge èu. Èèna na, èu maso dꞌara kapa èèna, mèti dènge dhèu èmu èu, ana-ana èu, dènge dhèu èmu ana-ana èu.
Badha aaꞌi-aaꞌi ra, èu hagꞌe more ca pasa-ca pasa, eo mèti asa dꞌara kapa, ho ra abhu mamuri dènge èu kahèi. Sèmi: badha ani, manu-bhui, dènge badha dhu rodꞌo, sèna ka ra abhu mamuri. Èu hudꞌi mèti dènge ngangaꞌa-nganginu, pala miu dènge pala badha sèra hèi.”
Ka Noh sabꞌe madhutu sèmi lii paredha Ama Lamatua aaꞌi-aaꞌi sèra.

سنیں Lii Lolo dhu Uru Tèka 6