Luku 7:21-22

Gii dokopa endakali yaina tata waka-wakame pyapae longo Jisasame mee jakamaita, imambu koo paleta endakali longo auu pisakamaita, lenge monda longo lenge auu pyoo tena lata pyoo katea. Dokopa Jisasame Jonenya disaipolo dolaponya pii yanu pyakamaiyoo, “Nyakamba pilyetala, kandelyambinopi, silyambinopi dupa Jone lamaiyepape. Lenge monda dupa lenge auu pyoo telyamino. Moko takyepae dupa kaita paelyamino. Kopetali dupa auu pisakamailyamo. Kaleketa dupame pii silyamino. Endakali kumapae dupa lenge tao kalyamino. Endakali daa jepae dupame sina lao wai pii epe doko lamailyamo.