Matteyo 18

Ŋai alla Agalik 'to 'Daŋ

(Mar 9:33-37; Luk 9:46-48)

1 # Luk 22:24 Jio asaa nyia, ofuonni nyia lejifak jio Yesu, ette ifiyo inyi jio, “Ŋai alla agalik 'to 'daŋ Ilobie ettedou?” 2Attati Yesu iloŋuna obo leto ollo odiha, ette itawojihina ihosiere hosi 3#Mar 10:15; Luk 18:17ette jiaran, “Ahode eramak ni itai jio, ibiaŋata adi itai ijiŋana Ilobie ettedou many iloiciette itai emanyiti hatai ihuo anna amanyarik aduri. 4Elle itafiaha 'to ahuan honyi ihuo leto olo, inyi alla agalik 'to 'daŋ Ilobie ettedou. 5Lia, elle ifuotu 'to obo eto ta afure hoŋ, ifuotu inyi, ani luŋa.

Esusuta Iyyauniere

(Mar 9:42-48; Luk 17:1-2)

6“Ati lia elle isusuhi 'to obo jio eruhok hoŋ hulo iyyauniere, osiru ifitani noonye hiriai imurut honyi, attati ibironia ilokubi tafar enne ittok. 7Orroho adi bebe jio afau ana te eram ono esusuta! Nyio, ofuonni adi esusuta hunia ahode; ati orroho adi bebe jio atulo elle iyaŋuno 'to isi.

8“Elle iyaru aani kuyya eeju hoi iyye iyyauniere, oŋutoi inyi itte ibiroro addi. Iyyak adi jihoi ilari jio nesu onno osio 'to 'tulaŋ buo iwon iko aani abotie kuyya eju abotie, agalik ibironiere iyye ihima onno osio 'to 'tulaŋ buo ahas kuyya eejek hoi ottubai 'daŋ. 9Buo fe elle itadihoro onyek hoi iyye iyyau, ogolotu inyi itte ibiroro addi. Iyyak jihoi ilari jio esu 'tulaŋ buo iwon iko onyek abotie, agalik ibironiere iyye iko oŋite arrihai ihima ono iferno.

Etarriamai ono Aker ollo Olito 'to

(Luk 15:3-7)

10“Ihumata mijio, hèyyasata obo tehiji heruhok hoŋ hulo. Nyio, eramak ni itai jio, odulori ajilohien hosi huttedou iwanan ihosiere Monyoŋ ettedou. [11Nyio, ottu nyia Lonyi Tulo italahuniere aati hullo olitohini 'to.]#18:11 Obeŋ ekori ana (11) jio omuk egierita.

12“Igigiloti itai ihan adi atulo ollo owon 'to iko akioro esiha abotie anyio, alla alitohi obo aker abotie tehiji hosi? Idiaharu adi inyi huna atomuana hottoŋuan hohottoŋuan attaditai ididaf doŋe, ette leten ittittifiaru aker ollo olitohi 'to. 13Ahode, eramak ni itai jio, alla anyurak inyi aker alia, omuno adi inyi bebe agalik amuno honyi ta akioro huna atomuana hottoŋuan hohottoŋuan hunyia obeŋi 'to olitohini. 14Ihuo nyia buo fe, obeŋ Monyatai#18:14 Monyatai : igioroni omuk egierita jio, Monyoŋ. etteduo awak obo olo eruhok hoŋ hullo olitohi.

Ella kuyya Aniye Enne Iyyau 'to

15 # Luk 17:3 “Elle ihan illahoi onno orroho jihoi,#18:15 Obeŋi omuk egierita owoni iko: onno orroho jihoi. itahutak inyi epali honyi buo itai héwanata itai hama. Tania, elle itaniŋio inyi ekiana hoi, inyiahata adi itai irahan ellarak. 16#Edasita 19:15Buo alla abeŋ inyi itaniŋio ekiana hoi, iloŋoroi obo atulo abotie kuyya aati arrihai, oŋida ‘Aati arrihai hulia kuyya hunihoi iruhi jio obisi etisiahita hoi hunia, ette irahan asuuti hulo erre hunia,’ ihuo ojio abuk Hollum. 17Buo fe alla abeŋ inyi itaniŋio ekenita hosi, iramak eram ania jio eluluŋ heruhok. Buo alla abeŋ buo fe inyi itaniŋio ekenita huno eluluŋ heruhok, ijiara inyi ara jihatai ihuo atulo ollo otimo 'to Hollum kuyya ihuo eddudduhani musuru.

Etik iko Aŋatana

18 # Mat 16:19; Yoa 20:23 “Ahode, eramak ni itai 'daŋ; erre 'daŋ hunne itihoto itai ta fau, itihi adi buo fe isi idou. Buo erre 'daŋ hunne iŋatana itai ta fau, aŋatani adi buo fe isi tedou.

19“Enyiak ni jiaran jihatai, elle iruhi omuk hulatai arrihai ifau dini imojori obo ariŋ, isio adi Monyoŋ ettedou inyi jihatai. 20Nyio, alla attubanie aati arrihai kuyya hunihoi ta afure hoŋ, awon buo fe ni diya ihiji hosi.”

Etarriamai ono Egiamani ollo Orroho Tua

21 # Luk 17:3-4 Attati Petro ittuna jio Yesu, ette jiaran, “Lamonye, alla adulo illaŋ ihanio jihoŋ onno orroho, edehi 'tadi ni inyi enyiahita baya? Enyiahita hattarik?”

22Itarraŋ nyia Yesu inyi jiojio, “Obeŋ. Obiaŋara enyiahita hattarik ijiai, ati, atomuana hattarik enyiahita hattarik.#18:22 atomuana hattarik enyiahita hattarik : Kuyya enyiahita atomuana hattarik hohattarik. 23Nyio, ara Olobie ettedou ihuo obo loobu, linyia awak 'to imijana owoni arobiyaa honyi baya jio egiamak honyi 'daŋ ababo. 24Ninyia lalo inyi ihanio ihuo nyia, ette inyi iyaŋuno obo tehiji hosi linyia owoni arobiyaa honyi jihonyi arriai. 25Ati obeŋ nyia egiamani alia owon iko arobiyaa idumari ahoros honyi. Ania, ette hobu jiaran ijiara itinyiaŋari atulo alia iko ŋoruoi honyi buo aduri honyi iko apiti. Ijiara buo fe itinyiaŋari erre honyi 'daŋ idumari ahoros ania. 26Ania, ette egiamani alia irruk ihosiere hobu, ette jiaran. ‘Lettok, itilau kai, aduma adi ni arobiyaa hunia 'daŋ!’ 27Ania, ette hobu imehino jihonyi, ette idehina ahorosi honyi, ette buo fe ibusana inyi hételo.

28“Attati egiamani alia leten inyurana obo egiamani ihuo inyi linyia owon 'to iko arobiyaa honyi kaiyo, ette inef inyi to murut, ette jiaran, ‘Odumai arobiyaa hoŋ.’ 29Attati egiamani obotie alia irruk ifau, ette ittana inyi jio, ‘Itilau kai, aduma adi ni iyye!’ 30Ati, iha nyia inyi, ette itifitana egiamani obotie alia ibabus many odumari adi inyi ahoros ania. 31Ninyia igonyuni egiamak hullomuk eram ania, iloŋojitai nyia isi bebe, ette ifuatan iramana eram ania jio hobu. 32Attati hobu iloŋuna egiamani alia, ette jiaran jihonyi, ‘Iyye egiamani elle irroho 'to bebe! Ninyia ittanari iyye ani, edehi nyia ni ahorosi hoi 'daŋ ta amaji. 33Oŋida duo buo fe iyye imehino jio egiamani ihuo iyye, ihuo ninyia amehiniere ni jihoi.’ 34Iloŋojita nyia hobu bebe, ette itifitana inyi ibabus oŋida ittigemie inyi diya many odumari inyi ahorosi honyi 'daŋ.

35“Ihanio adi buo fe Monyoŋ ettedou ihuo nyia jihatai 'daŋ ababo elle ibiaŋata itai idehina illarak hatai ta tajia hatai.”

Поточний вибір:

Matteyo 18: EA2003

Позначайте

Поділитись

Копіювати