Популярні біблійні вірші з Genesis 2

Поділитись

Kaxkïdï aidï abhiadïrï daadagitoi kïïrhi ogadï dai dïïdï dai oki ïmadï bipiïyi xi bhodïrï bhaitiakoga kaxi ïmo odami dukai bipiïyi go oki ïmadï kïïrhi.

Bhodïrï saidi itïi Diuxi Gïr Nukadakami, —Maitï gï agai ix ïïgi daakagi go kïïrhi. Iduiñtuldamu aanï aduñdï saidi soiñana ïgai— itïi ïgai.

Bhodïrï Diuxi Gïr Nukadakami idui ïmo kïïrhi dïbïraikïdï dai buxta dakadïrï bai abhiadïrï ka ibhïiba kïkiba ïgai.

Daidi itïi go kïïrhi tïïgakai go oki, —Idi gia ïr aanï gin aduñi. Kaxi ïr ïïgi gin oañdïrï dai gin tukugañdïrï duñixi di— itïi ïgai. —Kïïrhiañdïrï duñixi gobai kaxkïdï oki aagamu aanï— itïi go kïïrhi. (Go Hebreo ñokidïkïdï bhaiton ïpïan tïtïïgidu oki ïmadï kïïrhi tudu.)

Dai aagai Diuxi ïmo bhai ïrhiaragai ñoki aagaitai go kubarakami tasai daidi itïi —Takabo kugaitu aanï gin aaduindaga dai xibi ka mai aatadui aanï ïmo tasai ka natokai gin aaduindaga kaxkïdï xibi idi kubarakami tasïrï xadutudikami biamu aanï— itïi ïgai.

Dai tomaxi mai yukusukana go kïïrhi ïmadï go oki ka bïï mai maatïkana ïgai ix tumaxi ïr xaïraragai.