Популярні біблійні вірші з Matayo 13

Поділитись

Ikinyom lu keyekino alipo nukajokak, eputosi ka ng'ulu lu epupunete akirot ka Akuju ka ajenun: Iraite araito ice irwan akwatat; ice akaisakanykape; ice akaisauni.”

Ikinyom lukedacakinosi okokwa, eputosi ka ng'ulu lu epupunete akirot ka Akuju; konye akiyalolong' kuju ka akijar kanaka amina abara naka kwap kana, nes aariete akirot ka Akuju, komam kirae araito.

Ng'ulu lu epupunete akirot na ikamuti Ajakaanut konye komam kejenunete, eputosi ka ikinyom lukedacakinosi oroto. Ebuni nikaronon ka ademar ni kiraikiite toma kes.

Ikinyom lukedacakinosi amoru, itupusio ka ng'ulu lu idiaunete akirot ka alakara nape irarata. Konye mam kelomi kotenan toma kes, komam kitolosito ka apaarasia kanu ipu. Kanuka ng'unu kebutu ican kanuka akirot ka Akuju epasete atipet.

“Ajakaanut nako kuju eputosi ka ibore nikajokan noi ni kigwaite komanikor, ni kedumuni etwan kosodi arapakin. Kalakara keng' kolosi agwelar ng'in ibore ni kejaatatare ka nesi, kagwela emanikor ng'oli.

Konye kodoete ikinyom ice alipo nukajokak, kidounete iraito ikinyom; kidounete icee erwana akwatat; ice erwana akaisakanykape; ice erwana akaisauni.”

Kinyekisi engano ka eduan kopoloutu nenipe akitodolo apaki naka akidweny; apak ng'ini, alimokini eong' lukadwenyak korutoto bere eduan ka atukokin abung'ei ka akicweikin, kosodete konye atukokin engano ka akipiakin odula kang'.’”