Популярні біблійні вірші з MATIUS 26

Поділитись

Komi kana mainga bo mosambaya ala ne'e komi mawela pesoba! Riara nta'imu naria dota mompowia to nabelona, tapi koromu da'a nompakule.”

Niulina ka ira, “Nasusa mpu'umo raraku, ewa mamate nirasaiku! Popeamo ri se'i, pade komi kana mainga-inga mpasanggani-nggani ante Aku!”

Naopu etu napolamo Yesus sakedi pade nekadede I'a sampe ri tana pade nosambaya. Niulina, “Uma, ane mamala kuperapi ala kasusa bo kapari e'i ne'e rapawela ka Aku e'i. Tapi ne'e dotaku majadi, aga dotamu mboto!”

sabana e'imo leiku to rapatiti ka tau dea ngina ala mompakaasa Pojanji Alatala ante manusia. Leiku e'i rapatiti ka tau dea ala silaka-silaka ira mamala raampungi.

Tempo ira nanggoni Yesus nangala roti pade nanguli tarima kasi ka Alatala. Naopu etu nibingga-binggana roti etu pade niwaina ka anaguru-anaguruna ante nanguli, “Alamo roti e'i, pade konimo. E'imo koro bataku.”

Naopu etu nialana wo'u saongu sanggiri panginu, niulina tarima kasi ka Pue Alatala, pade niwaina ka ira ante nanguli, “Inu komi puramo panginu e'i

Naopu etu nanjilimo I'a ri ja'i anaguruna tolumba'a etu. Niratana ira pura-pura napisi. Pade niulina ka i Petrus, “Kitamo! Da'a nipakule komi mosanggani ka Aku nau aga sajaa?

Parasayamo tesaku e'i. Nompamula we'i-we'i Aku mana manginu anggur sampe marata tempona banepia Aku manginu anggur to nabouna mpasanggani-nggani ante komi riara Poparenta Umaku.”

Nangepe etu natetoramo rarana ewa tesa Yesus pane'a to nanguli, “Da'apa manu mora'o ngina, tolungganimo iko mombasapu Aku.” Pade nesuwumo i Petrus nggari setu nalau nageo nakanjodu-njodu ante nasusa mpu'u rarana.

Pembangumo! Kitamo! Naratamo tau to nompobalu Aku! Kamaimo kita mantomunaka i'a.”

Nangulimo Yesus ka anaguruna etu, “Boli mpanjilimo gumamu ri peto'ona! Sabana isema-sema mantimbe ante guma kana mamate ratimbe ante guma wo'u.