Популярні біблійні вірші з KEUJADIAN 22

Поділитись

Nabi Ibrahim geuboh nan teumpat nyan, “TUHAN geukeubah nyang teupeureulée”. Dan sampoe saát nyoe jipeugah lé gob “Di ateueh gunong Geuhnyan TUHAN geukeubah nyang teupeureulée”.

Feureuman Allah, “Gata jak kheueh u gunong Moria ngon aneuëk gata nyan Nabi Ishaq, aneuëk gata nyang tunggai, nyang paleng gata galak. Bak teumpat nyan, bak saboh gunong nyang teuma Ulôn tunyok ubak gata, gata peuseumah kheueh aneuëk gata sibagoe keureubeuen nyang teutot keu Ulôn.”

“Bék gata peusakét aneuëk nyan atawa gata peubuet peue mantong ateueh aneuëk nyan,” kheuen TUHAN meulalu malaikat Geuh nyan. “Jinoenyoe ka Ulôn teupeu bahwa gata taát dan horeumat ubak Ulôn, sabab gata hana tatulak keu gata seurah aneuëk gata nyang tunggai nyan ubak Ulôn.”

Geujaweueb lé Nabi Ibrahim, “Allah keudroe nyang jok aneuëk bubiri nyan keugeutanyoe.” Dan mandua aneuëk ngon yah nyan pih geujak laju.

Ulôn teuma Lôn bri beureukat ubak gata nyang meulimpah ruwah dan Lôn peujeuet keuturonan gata sidub le bintang di langét dan lagée anoe bak binéh laôt. Aneuëk cucoe gata teuma jipeutaloe bubena musoh-musoh nyang jeuet keusiteuru jih. Banmandum bansa nyang na ateueh rhueng bumoe teuma jilakée ubak Ulôn mangat Lôn bri beureukat ubak jihnyan lagée nyang ka Lôn bri beureukat ubak keuturonan gata – sabab gata ka gata taát ubak peue nyang Ulôn peurintah.”

Na meupadub treb teuma óh lheueh nyan Allah geu-ujoe keuseutiaan Nabi Ibrahim, Allah geutawök, “Hei Ibrahim!” Laju Nabi Ibrahim geuseuôt, “Nyoepat lôn, TUHAN.”

Teuma malaikat TUHAN geupeugah ubak gobnyan di langét, “Nabi Ibrahim, Nabi Ibrahim!” Jaweueb Nabi Ibrahim, “Nyoepat lôn TUHAN!”

Sigoe teuk di langét nyang manyang malaikat TUHAN geupeugah ubak Nabi Ibrahim, “TUHAN meufeureuman: Ulôn meusumpah deumi nan Ulôn keudroe, sabab gata ka gata peubuet hainyoe dan hana gata tulak keu gata jok aneuëk gata nyan nyang tunggai ubak Ulôn

Watée awaknyan ka trok ubak teumpat nyang ka lheueh geupeugah lé Allah ubak Nabi Ibrahim nyan, lé Nabi Ibrahim laju geupeudong saboh miseubah dan geususon teuma kayée apui keu ngon keureubeuen ateueh miseubah nyan. Óh lheueh nyan geuikat laju aneuëk geuhnyan dan geupeuéh laju ateueh kayée apui nyang kana diateueh miseubah nyan.