Awˬ hkuiˉ puiˍ ve li‸ 10
10
Noˉa‸ ve awˬ ceuˬ awˬ hkʼaˇ teˇ hpaˍ
1Chaw chi teˇ hpaˍ lehˬ, miˬguiˬ hta‸ iˉ kaˆ htonˍ peuˬ hkʼaw‸ nawˉ, Noˉa‸, Sheˍmaˆ, Haˍmaˆ, Yaˍhpehˆ hui geh cawˬ la ve awˬ yaˇ awˬ duˬ teˇ hpaˍ hpeh‸ ve yoˬ.
2Yaˍhpehˆ ve awˬ yaˇ teˇ hpaˍ lehˬ, Gawˇmaˍ, Maˍgawˇgaˆ, Maˍdehˇ, Yaˍgʼonˍ, Tuˇbaˍlaˆ, Meˍshehˆ leh Tiˇraˆ hui hpeh‸ ve yoˬ. 3Gawˇmaˍ ve yaˇ teˇ hpaˍ lehˬ Aˍshaˆkeˍnaˆ, Yiˇhpaˆ leh Tawˇgaˬmaˆ hui hpeh‸ ve yoˬ. 4Yaˍgʼonˍ ve yaˇ teˇ hpaˍ lehˬ, Eˇliˇshaˍ, Saˍpenˍ, Kuˇpaˍruˆ leh Roˇdeˍ hui hpeh‸ ve yoˬ. 5Chaw chi teˇ hpaˍ lehˬ awˬ ceuˬ awˬ hkʼaˇ hta‸ shiˍ veu leh, a shu yawˇ ve mvuhˇmiˬ ca te chehˇ kʼai ve yoˬ.
6Haˍmaˆ ve yaˇ teˇ hpaˍ lehˬ, Kuˇshaˆ, Eˇjiˇtu‸, Liˆbiˍaˇ, Hkaˍnan hui hpeh‸ ve yoˬ. 7Kuˇshaˆ ve yaˇ teˇ hpaˍ lehˬ, Siˍbaˆ, Haˍviˇlaˍ, Shaˍbaˍtaˆ, Raˍmaˆ leh Saˍteˍhkaˍ hui hpeh‸ ve yoˬ. Raˍmaˆ ve yaˇ teˇ hpaˍ lehˬ, Sheˍbaˆ, Deˍdanˍ hui hpeh‸ ve yoˬ. 8Kuˇshaˆ lehˬ, Neˍyawˇdaˆ ve awˬ pa htawˇ hpeh‸ ve yoˬ. Yaˇ paˍ chi lehˬ, miˬguiˬ hkʼoˆ lo shu a‸ kehˉ awˬ gʼaˇ uiˍ ve chaw awˉ lawˉ peuˇ ve teˇ gʼaˇ hpeh‸ ve yoˬ. 9Yawˇ lehˬ, Gʼuiˬsha ga piˇ ve pa taw, awˬ gʼaˇ uiˍ ve shaˍ bawˆ paˍ lonˉ hpeh‸ ve yoˬ. Chi hta‸ pa taw, Gʼuiˬsha nawˬ hta‸ Neˍyawˇdaˆ hkʼa shuˍ uiˍ jaˇ ve shaˍ bawˆ paˍ lonˉ hpeh‸ la tcuh piˇ-oˆ, teh‸ shu kʼoˆ da‸ ve yoˬ. 10Awˬ hkuiˉ puiˍ htaˇ yawˇ ve mvuhˇmiˬ hkʼaw, Baˍbuˍlonˍ venˇ, Eˇyehˆ venˇ, Aˍkaˆ venˇ chi teˇ hpaˍ htawˇ lo‸-e taˍ ve yoˬ. 11Oˇ ve hkʼaw‸ nawˉ yawˇ mvuhˇmiˬ chi ve hkʼaw tawˆ kʼai leh, Aˍsuˇriˆ mvuhˇmiˬ lo ca chehˇ kʼai ve yoˬ. Yawˇ oˇ kaˬ lo Niˇnaˍveˍ venˇ, Reˍhawˇboˆ venˇ, Kaˍlaˆ venˇ, 12Niˇnaˍveˍ venˇ leh Kaˍlaˆ venˇ awˬ kaˍ lo cawˬ ve Yeˍsenˍ venˇ chi teˇ hpaˍ hta‸ te taˍ ve yoˬ.
13Eˇjiˇtu‸ ve awˬ ceuˬ awˬ hkʼaˇ teˇ hpaˍ lehˬ, Luˇdanˍ, Aˍnaˍniˆ, Leˍhaˍbiˆ, Naˍtuˇhiˆ, Paˍtaˍruˇsiˆ, Kaˍtaˍhuˇliˆ leh Keˍreˍteˍ chaw ceuˬ teˇ hpaˍ hpeh‸ ve yoˬ. 14Hpiˇliˇtiˆ chaw teˇ ceuˬ lehˬ, Keˍreˍteˍ chaw hui ve awˬ ceuˬ awˬ hkʼaˇ hpeh‸ ve yoˬ.
15Hkaˍnanˍ ve yaˇ teˇ hpaˍ lehˬ, yaˇ paˍ uiˍ Siˉdonˍ, Heˍtaˆ, 16Yeˍbuˇsiˆ, Aˍmawˇriˆ, Giˇgaˍshiˆ, 17Hiˇviˆ, Aˍkiˆ, Siˇniˆ, 18Aˍbaˍdiˆ, Zeˍmaˍriˆ leh Haˍmaˍtiˆ hui hpeh‸ ve yoˬ. Oˇ ve hkʼaw‸ nawˉ, Hkaˍnanˍ ve awˬ ceuˬ awˬ hkʼaˇ teˇ hpaˍ hkʼaˬ hpawˇ chi hpawˇ lo ca chehˇ kʼai ve yoˬ. 19Yawˇ hui ve miˬ tcuhˉ lehˬ, Siˉdonˍ venˇ hta‸ te leh awˬ hawˉ hpawˇ Gaˍsaˍ venˇ paˇ lo cawˬ ve Geˍraˆ venˇ lo hkʼa gaˬ hpeh‸ ve yoˬ. Mvuhˇ nyi tawˆ hpawˇ ve miˬ tcuhˉ lehˬ, Sawˉdonˍ, Gawˇmawˇra‸, Aˍdaˍmaˍ leh Laˍshaˍ venˇ paˇ lo cawˬ ve Zeˍboˍenˍ venˇ lo hkʼa gaˬ hpeh‸ ve yoˬ. 20Chi ve lehˬ, Haˍmaˆ ve awˬ ceuˬ awˬ hkʼaˇ teˇ hpaˍ hpeh‸ leh, chehˇ kuiˬ chi teˇ tawn lehˬ yawˇ hui ve mvuhˇmiˬ hpeh‸ ve yoˬ.
21Yaˍhpehˆ ve awˬ viˉ paˍ lonˉ Sheˍmaˆ lehˬ, Heˍbrehˇ chaw hui ve awˬ pa lonˉ hpeh‸ ve yoˬ. 22Sheˍmaˆ ve yaˇ teˇ hpaˍ lehˬ, Eˇlanˍ, Aˍsuˇriˆ, Aˍhpaˍyaˆ, Luˇdaˆ leh Aˍranˍ hui hpeh‸ ve yoˬ. 23Aˍranˍ ve yaˇ teˇ hpaˍ lehˬ, Uˇyaˆ, Huˇlaˆ, Geˍraˆ leh Maˍshaˆ hui hpeh‸ ve yoˬ. 24Aˍhpaˍyaˆ ve yaˇ lehˬ, Sheˍlaˆ hpeh‸ leh, Sheˍlaˆ ve yaˇ lehˬ, Heˍbaˆ hpeh‸ ve yoˬ. 25Heˍbaˆ lehˬ yaˇ paˍ nyiˇ gʼaˇ cawˬ ve yoˬ. Teˇ gʼaˇ lehˬ, Hpaˍlehˆ hpeh‸ ve yoˬ. Yawˇ ve awˬ co-e htaˇ, miˬguiˬ chaw yaˇ teˇ hpaˍ tanˬ leh pehˬ da‸ ve yoˬ. Nyiˇ gʼaˇ teˇ gʼaˇ lehˬ Yuˇdanˍ hpeh‸ ve yoˬ. 26Yuˇdanˍ ve yaˇ teˇ hpaˍ lehˬ, Aˍlaˍmawˇdiˆ, Sheˍlaˆ, Haˍsaˍmawˆ, Yeˍraˆ, 27Haˍdawˇranˍ, Uˇzeˍlaˆ, Diˇkaˍlaˆ, 28Awˇbaˍlaˆ, Aˍbiˆmaˍlaˆ, Sheˍbaˆ, 29Awˇhpiˇraˆ, Haˍviˇlaˍ, leh Yawˇbaˆ hui hpeh‸ ve yoˬ. Chaw chi teˇ hpaˍ lehˬ, Yuˇdanˍ ve yaˇ teˇ hpaˍ hpeh‸ ve yoˬ. 30Yawˇ hui lehˬ, mvuhˇ nyi tawˆ hpawˇ lo cawˬ ve Meˍshaˆ venˇ hta‸ te leh Seˍhpaˍ venˇ lo hkʼa gaˬ chehˇ taˍ ve yoˬ. 31Chaw chi teˇ hpaˍ lehˬ, Sheˍmaˆ ve yaˇ teˇ hpaˍ hpeh‸ leh, chehˇ kuiˬ chi ve teˇ tawn lehˬ, yawˇ hui ve mvuhˇmiˬ hpeh‸ ve yoˬ.
32Chi ve lehˬ, Noˉa‸ ve awˬ ceuˬ awˬ hkʼaˇ teˇ hpaˍ hpeh‸ leh, miˬguiˬ hta‸ iˉ kaˆ htonˍ peuˬ hkʼaw‸ nawˉ cawˬ la ve chaw yaˇ teˇ hpaˍ hpeh‸ ve yoˬ.
Seçili Olanlar:
Awˬ hkuiˉ puiˍ ve li‸ 10: LHBE
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Lahu Bible Edited © Thailand Bible Society and Bible Society of Myanmar, 2010, 2020.