Luke 18
18
1Jnkhaw vjyawng 'Boipaw Yesyuq' na a'tabeq heq j lung pjiq tha kraw yaq hawn nj i-khaw tomti yj suqtong laq hai khrawng khuicut nawk u-nghawt a'hawu khrawng ce 2'Boipaw Yesyuq' na "luq, luq nghawt tj 'Pxtpaw Phawlaw' kha kiq yju, a'kyaw khrawng heq kha thalhi naw yaq tiq tala khranhya tiq khrawng pjinghawt a'mji. 3Tala khranhya tiq ceng ngj 'Ke lawm mj bong nge na ke dj khun ne tiq khrawng ngj tala mhawn hawn nj phansa pet maw va tiyj a'man khawm me ye tiq mhe'nu pjinghawt khrawng jn luq j a'mji. 4Jn tala khranhya tiq na tala phansa pet kaw vj khonhxp khokum diu hawn nj beq naw yaq kaw vj a'tawk. Sinakha nhi na ke na 'Pxtpaw Phawlaw' kha kiq hx, khrawng heq kha thalhi naw yaq na kha. 5Ni mhe'nu na ke khrawng i-hx tom mj a'betbet nawk soi khennj nhi tok tala phansa pet hxvj yawng a'bji yai nghxq yawng. Jn baw siyaqna ce nhi khrawng mhokmhji lo soi theqna ke lung a'yai sawk kai tiyj a'punghaw ko a'punghaw a'hawu ve" tiyj a'hawu. 6Pjnnj ce 'Boipaw Yesyuq' na 'jn bji yaq tiq tala phansa tiq kheukhaw mhawt te yjn. 7'Pxtpaw Phawlaw' na kha nhi ceng ngj a'nhxp a'yawn suqtong tiq nhi lui cjn khrawng heq j tala phansa pet yaq ling ngj diu hawn nj a'tawk kai tiyj nan'xt nawk kaw. 8Nang'hi yj ke na hawu hai ka'lx khrawng ce 'Pxtpaw Phawlaw' na nhi tiq tok a'yawng ngj tala a'phansa pet tai. Sinakha 'Ceqcaw' a'lo ba hxvj nhi na somdek khrung ngj yum me tiq khrawng heq a'khom lo hawm mai yaw tiyj a'hawu. 9A'tha u-nghawt ce a'punghaw ko a'punghaw krundiu tiq tiyj xt te naw theqna a'kyaw khrawng heq leca theq yaq tiq heq j 'Boipaw Yesyuq' na khuicut nawk u-nghawt a'hawu khrawng ce. 10'Boipaw Yesyuq' na 'khrawng pjinhiq suqtong hai yj 'Phawlaw kyong' ngj a'hiq cet nghaq. Pjinghawt ce 'Phariqsye' j thonne theqna a'tha pjinghawt ce a'phukok tiq j thonne. 11'Phariqsye' khrawng pjinghawt pjtcaw tung theqna "j Pxtpaw Phawlaw vj, ke khrawng a'kyaw khrawng heq baw vj kha ka'lxto kong yju, a'kha lhaye hx, a'kha malang hx khennj ka'seye nawk. Jn tawn yaq ni a'phukok tiq baw vj kha mji hx khen cuvj ka'seye nawk. 12'Ke khrawng pai-nghawt tj nhxp-nhiq e-ok ka'nghaq. Ka'laq khrawng heq duk kj kxq pxm-nghaq pxm theqna pxm-nghawt kha ka'petsot" tiyj suq a'tong. 13Sinakha a'phukok tiq na ce a'lhawm nawk caw vj tung theqna hawnnhi so ve vawm yaq kaw vj a'kangcang a'kut tj pun ne theqna "j 'Pxtpaw Phawlaw' a'kret a'sisaw kong tiq ke khrawng man pet maw va" tiyj suq a'tong. 14Nang'hi yj ke na hawu hai ka'lx khrawng ce jn a'phukok tiq khrawng a'kret tj kxq ljt theqna im pawt a'cet ba. 'Phariqsye' ce a'kret tj kxq ljt khoq yju. Ibahai yj nawk hxce a'punghaw na a'punghaw tjuqkauq ve naw tiq ce nhem khrawng khawm laq theqna an'punghaw na an'punghaw nhem me tiq ce tjuqkauq ve khrawng an'khawm laq ai khennj tiyj a'hawu. 15Nhxp-nghawt khaw vj a'kyaw nu-paw heq na a'punghaw caw-nawu heq khrawng 'Boipaw Yesyuq' kut tj lhem theqna khjipawi pet khrawng khawm hai yj 'Boipaw Yesyuq' ceng pawt an'lo pui nawk. Sinakha a'tabeq heq na nhi tiq an'mhuq hxvj an'nga ye. 16Sinakha 'Boipaw Yesyuq' na dikcaw heq pan ne theqna a'tabeq heq j "dikcaw heq ke ceng ngj lo lhaq lhji uq. Nga ye kawq cuq. 'Pxtpaw Phawlaw' neng-ngeng khrawng jn bawng dikcaw heq neng-ngeng yj a'thonne. 17Nang'hi yj ke na a'mhawn ka'hawu vai. "'Pxtpaw Phawlaw' neng-ngeng khrawng dikcaw heq baw vj khin ne yaq tiq heq khrawng jn neng-ngeng yj vawng laq hai siyju uq" tiyj a'hawu. 18'Kyu' a'hramawq pjinghawt na 'Boipaw Yesyuq' j "bji tiq sarapaw vj hawn sawktakhon ka'laq hai tok ke na i ka'poqcai laq ai tiyj a'nghiq. 19'Boipaw Yesyuq' na ke yj ibahai yj bji tiq tiyj na'hawu. 'Pxtpaw Phawlaw' vj kxq loi na bji tiq u-kha mji yju uq. 20Khrawng peha caw-nawu kret naw kawq, khrawng sawk tu kawq, mo ve kawq, mhawn yaq tiq sawksi vj tung kawq, na'nu-paw rote bjiq tiyj yok ke tiq petnyet heq nang na na'cok siyju vaw tiyj a'nghiq. 21Jn khrawng na kha ke na ni petnyet heq khrawng ka'dikcaw hxvj thoq nge theqna ka'mji nghxt tiyj a'hawu ba. 22Jn baw a'hawu khrawng a'yawk na ce 'Boipaw Yesyuq' na nang na na'poqcai laq hai u-nghawt a'mji hawm. Na'boiqma heq tomti ye kyaq theqna na'laq lo khrawng phjisa tawngkaw heq khrawng cek ke theqna taw ye yaq ti heq j peso bjiq. Ni baw na'poqcai na ce nang na khrawng hawn luq j kxq boiqma heq na'laq ba vai. Jnpjnnj ce ke nhu yun lo va tiyj a'hawu. 23Jn 'kyu' a'hramawq khrawng boima tiq j thonne khennj jn kheukhaw a'yawk hxvj a'lhji yj a'lung pawi ye tiyju. 24Jn baw vj a'lung pawi ye tiyaq khrawng 'Boipaw Yesyuq' na a'mhuq hxvj "boima tiq heq khrawng 'Pxtpaw Phawlaw' neng-ngeng duk kj an'vawng laq hai a'lhji yj a'kadang. 25Boima tiq pjinghawt khrawng 'Pxtpaw Phawlaw' neng-ngeng duk kj vawng khoq hai thawk kj 'Kaluuk' lu-nghawt khrawng phem kho duk kj vawng hai mhi jn tawn yaq a'loi yai tiyj a'hawu. 26Jn kheukhaw yaw tiq khrawng heq na kha 'Boipaw Yesyuq' j ni baw khaw vj ce i-bawng khrawng heq na yawng ljulawk ke an'khawm laq ai tiyj an'nghiq. 27'Boipaw Yesyuq' na khrawng heq na an'poqcai njn yaq khrawng heq 'Pxtpaw Phawlaw' na a'poqcai njn tiyj a'hawu. 28Jnkhaw hxyawng 'Petaruq' na 'Boipaw Yesyuq' j ke hi heq ce i-tomti dju nghxt theqna nang kon kan'yun lo tiyj a'hyawk. 29'Boipaw Yesyuq' na nang'hi yj a'mhawn ka'hawu laq ai hxce Pxtpaw Phawlaw neng-ngeng tok an'punghaw im, immawq nu, ta'u nawu'u, nu-paw, caw-nawu heq dju nghxt tiq i-bawng khrawng kha siyj seq 30Jn khrawng na ni a'sawk nghawt tj kha a'saq khra-nghawt bji tiq heq a'laq khrawng tawn yju hawn sawktakhon kha a'laq ai tiyj a'hawu. 31Jnpjnnj ce 'Boipaw Yesyuq' na 'Tavawkaq' pji kalainhiq a'ceng ka vj sawu theqna nge maw vjn tuq j han'hi khrawng 'Yeruqsalawng' luq pawt han'cet tun. 'Parawphek' heq na 'Ceqcaw' dj soisen ne tiq yo na an'tawk nghxt khrawng jn dxn nj a'kxmyom mai tiyj a'hawu. 32'Ceqcaw' khrawng a'kyaw khrawng yx kut tj an'awp khrawng khawm laq theqna an'nuiqkheu nawk kai. An'sikho nawk kai. Kyatui an'soq nawk khrawng kha a'khawm laq ai. 33Jnpjnnj ce jn khrawng heq na mvaw tvaw hai a'kret an'pet khen cuvj mvaw tvaw theqna an'tuk kai. Sinakha nhxpthum nhxp pj ce nhi khrawng a'bjt nawk kj kxq a'heng ba vai" tiyj a'hawu. 34Jn baw na kha 'Tavawkaq' heq na nhi na hi-i a'hawu ljk nawk khrawng i-kha yawcu yju uq. Ibahai yj nawk hxce jn kheukhaw heq khrawng nhi tiq ceng ngj a'thuq-e khrawng khawm laq khennj. 35Jnpjnnj ce 'Boipaw Yesyuq' na a'tabeq heq khrawng 'Yeriqkhaw' luqka tjq an'khrai lo hxvj mikmhu yaq tiq pjinghawt lawm pawng ngj ngvaw na tong nge theqna a'mji. 36Nhi na khrawng batnghawt an'cet khrawng thai a'yawk na ce i-baw heq j an'thonne tiyj a'nghiq. 37Khrawng heq na kha 'Nacarek' luqsaw 'Yesyuq' ni dxn nj ljt theqna a'cet tiyj an'hawu. 38Jnkhaw hxyawng nhi na 'Davik' caw 'Yesyuq' j ke man pet maw va tiyj pang pheng a'hawu. 39Jnkhaw hxyawng 'Boipaw Yesyuq' mhawimhaw vj cet tiq khrawng heq na nhi khrawng dek na mji hai an'nghot te. Jn baw na kha nhi na 'Davik' caw 'Yesyuq' j ke man maw va tiyj jn thawk yaq j pang na a'hawu. 40Jnkhaw hxyawng 'Boipaw Yesyuq' kha dxm theqna jn khrawng a'punghaw ceng tjq sawu lo hai khrawng heq j a'hawu. Jn khrawng khrawng a'ka vj a'khrai lo hxvj 41'Boipaw Yesyuq' na nang tok i-ka'poqcai pet laq ai tiyj a'nghiq na ce jn khrawng na 'Boipaw Yesyuq' j ke mikmhu ba dang ka'ti tiyj a'hawu. 42'Boipaw Yesyuq' na kha na'mikmhu ba nghxq yawng nang yum khrawng na nang mik a'bji ba sawk pjn tiyj a'hawu. 43Nhi khrawng tuq kung ngj a'mikmhu ba theqna Pxtpaw Phawlaw phun khrawng tjuqkauq naw na 'Boipaw Yesyuq' kon nj a'yun ne lhji. Jn thonlok heq mhu laq tiq khrawng heq na kha 'Pxtpaw Phawlaw' phun khrawng an'tjuqkauq nawk.
Seçili Olanlar:
Luke 18: ctpv-rv
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
This translation of the Chin-Laitu Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
