Ap'u 33
33
A Sikup m'ei a Isau arrn ip'as ml
1Laha, a Sikup iklau kalei a Isau avrama m'er m'ertuan avnelnal iv'av'a (400). Hin itupr mardelan a Lia m'ei a Retsel m'er vitar na m'akarienan arru, 2katu vitar na m'akarienan m'er a natr avtauamu, katau a Lia m'er a natn avtauatah, katau a Retsel m'ei a Susev' artauatah dau. 3V'eti hin itauamu anr kaiaul kap'a nadep' iv'asaru dav'a ti imima asn titiamu nan.
4V'eti a Isau ivrvr kadav'a asnn karav'da natavnan kasmi, laha arru kartakal. 5Sarei, a Isau iklau kalar artav'et m'er a natr kavr ti a, “?M'ertu avlak asnm avv'i hir ak?” Ivr ti a, “Avv'i a natk la Atua imhmah a kana katau a dui na m'akarienam ha.”
6Sarei, vitar na m'akarienan avmima m'er a natr, kaviaul asnn. 7A Lia ml avmima m'er a natn kaviaul asnn. Itauatah a Susev' m'ei a Retsel armima kariaul asnn.
8Sarei, ivr ti a, “?Si slm udlani ntla sarar arna navanel avv'i sena v'ata?” Laha, ivr ti a, “Sena ti nakm, la kv'i mlinak ha, parn ipap'as a kana.”
9V'eti a Isau ivr ti a, “Tv'alk, kana siak istudau. Nakm paua siam ml.”
10V'eti a Sikup ivr ti a, “Ihei, nmiman anh ihua, ipavr ti krn ip'as a kana, paua sei ntau anh. Sena ti nla nahm, inep'a ti nla nahn Atua, hin krn ip'as a kana. 11Nmiman anh ihua, paua sei avuirv'a asnm, sena ti Atua itmhmah sarei a kana, kana siak ilil.” Ivr ani ihua, laha iuei.
12Sarei, a Isau ivr ti a, “P'erv'el karsapa navanelad. Kana p'etauamu anh.”
13V'eti a Sikup ivr ani, kavr ti a, “Mlinak, krndu ti a natk ahavhua. Sivsiv m'a pluk la avlak asnk ha, a natr iak advnunu uam. Laha, ipavr ti apavani apavvrvr par napn ipamk, si slm udlani apavram'a. 14Mlinak, nmiman anh ihua, patauamu a kana, nv'i dui na m'akarienam. Kana p'etauatah anh kav'el papa uaki ipaviviln a nut huar si slm m'er armardelak, dav'a ti p'eier asnm, mlinak, arna nut a Seir.”
15Laha, a Isau ivr ti a, “V'eti pam'ahu a ti p'eln m'ertuak kinkin apavlak asnm.” V'eti ivr ti a, “Ihei, ip'as uaki. Nrn si iamk uaki, a ti palap'as a kana.”
16Sarei, a Isau im'alet ml kasapa alan kadav'a arna nut a Seir. 17V'eti a Sikup iv'a asn nut a Sukut, kahl nmahan iamk m'a nmah tvtv inelnal sena si slman. Sena si lera atu naha nut lera iv'i Sukut (nmah tvtv).
A Sikup ier nut a Kenan
18Dav'a, naran a Sikup idan a Patan Aram, itpaia arna nut a Sekem, arna v'anu lil a Kenan, kahl nmah kanuisan arna tv'eliel na v'anu. 19#Susua 24:32; Sun 4:5.Kul nadep' kinkin, la ittu sera nmah kanuisan aranan hara, asnr a natn a Hamur, iv'i a tetian a Sekem, katu nav'et inelnal iv'amk (100) anr. 20Kahl nev'etet atlera, katu nahan iv'i El, Eluhe Isrel (Atua, Atuan Isrel).
Seçili Olanlar:
Ap'u 33: nmb
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
© 2023 Presbyterian Reformed Church of Australia