التَّكوِين 1:6-4

ماخ إِ خَثرَن لَعباذ، يرَوَن تِنڨلُوسِن أَڨَّت. أَسماحنَث تِنڨلُوسِن ن لَعباذ ڨ طِطّاوِن ن إِدرارِ ن إِمَقّارَن أَلوَقثَس، أَڨِين دَلواشُنَنسَن ماخ إِ خسَن. يَنَّ رَبِّ: «أَرُّحِيو أَتقِمِيش دِيمَ أَتَّرَّ ڨ لَعباذ ف أَلِّ يُوحَش، نِهنِن ذَمُّوثَن أُلِيَّمَنسَن أَلترَنِّيش أَخثَر ن مِيَّ أُعِشرِين.» ڨ أَلوَقتدِين وَدِين يَلَّ إِريازَن ذَلعُتّاي أَڨَّت. بَعذ إِذُوذفَن إِدرارِ ن إِمَقّارَن ف تِنڨلُوسِن ن لَعباذ يَمَّرواسَن إِدرارِ، أَذولَن إِدرَرِيَ إِيهَن أَيَندَغ إِمَقّارَن ن أَلقَعَّث. لَعباذ أَلكُل أَسنَنتَن.