མེ་ཐིའུ་ལེའུ་ 9

ཡེ་ཤུ་གིས་གཟུགས་ཞར་མི་གཅིག་དྲགཔ་མཛད་པའི་སྐོར།

1དེ་ལས་ཡེ་ཤུ་གྲུ་ནང་འཛུལ་ མཚོ་བརྒལ་ ཕ་ཁར་ཐོན་ཏེ་ ཁོ་རང་བཞུགས་སའི་ཁྲོམ་ལུ་བྱོན་ནུག 2མི་ལ་ལུ་ཅིག་གིས་གཟུགས་ཞར་མི་གཅིག་ ཡེ་ཤུ་བཞུགས་སར་འདོ་ལི་གུ་སྐྱེལ་འབག་འོངས་ནུག་ ཁོང་གིས་དད་པ་བསྐྱེད་དེ་ཡོདཔ་ཡེ་ཤུ་གིས་མཁྱེན་ཏེ་ ཁོ་གིས་གཟུགས་ཞར་མི་འདི་ལུ་ བུ་ཁྱོད་སེམས་མ་སྐྱོ་ ཁྱོད་ཀྱི་སྡིག་པ་ བཀའ་དྲིན་བསྐྱང་ཚར་ཡི་ཟེར་གསུངས་ནུག 3དེ་ལས་བཀའ་ཁྲིམས་ཀྱི་སློབ་དཔོན་ལ་ལུ་ཅིག་གིས་ ཨ་ནི་མི་དེ་དཀོན་མཆོག་ལུ་དབུ་ཕངས་སྨདཔ་ཨིན་མས་ཟེར་ ཁོང་རང་གཅིག་གིས་གཅིག་ལུ་སླབ་ནུག 4དེ་ལས་ ཁོང་གིས་མནོ་མི་དེ་ཡེ་ཤུ་གིས་མཁྱེན་ཏེ་ ཁྱེད་ཀྱིས་ག་ཅི་འབད་མནོ་བསམ་ངན་པ་གཏངམ་སྨོ། 5ཁྱོད་ཀྱི་སྡིག་པ་བཀའ་དྲིན་བསྐྱང་ཡི་ཟེར་སླབ་ནི་ཡང་ན་ཡར་ལོང་སྟེ་ལམ་འགྱོ་ཟེར་སླབ་ནི་གཉིས་ལས་ག་འདི་འཇམ་སྨོ། 6དེ་འབདཝ་ད་ མིའི་བུ་ལུ་ འཇིག་རྟེན་ནང་སྡིག་པ་བཀའ་དྲིན་བསྐྱང་ནིའི་དབང་ཚད་ཡོད་ཟེར་ ཁྱེད་ཀྱིས་ཤེས་དགོ་ཟེར་གསུངས་ནུག་ འདི་གི་དོན་ལུ་ གཟུགས་ཞར་མི་དེ་ལུ་ ཡར་ལོང་སྟེ་ ཁྱོད་རང་གི་འདོ་ལི་འཐུ་འབག་སྦེ་ ཁྱིམ་ནང་སོང་ཟེར་གསུངས་ནུག 7དེ་ལས་དོན་ལས་རང་ མི་དེ་ཡར་ལོངས་སྦེ་ ཁོ་རང་གི་ཁྱིམ་ནང་ཡར་སོང་ནུག 8མི་དམངས་ཀྱི་མཐོང་ས་ཨ་ནི་བཟུམ་འབྱུངམ་ད་ ཁོང་ཧ་ལས་ཏེ་ དཀོན་མཆོག་གིས་མི་ལུ་ཨ་ནི་བཟུམ་གྱི་དབང་ཚད་གནངམ་མས་ཟེར་བསྟོད་པ་ཕུལ་ནུག།

ཡེ་ཤུ་གིས་ མེ་ཐིའུ་ལུ་ཁོ་གི་སློབ་མ་སྦེ་འབོ་པའི་སྐོར།

9དེ་ལས་ཡེ་ཤུ་དེ་ཁར་ལས་འབྱོནམ་ད་ མེ་ཐིའུ་ཟེར་མི་འདི་ཁྲལ་བསྡུ་སའི་ས་གོ་ནང་སྡོདཔ་གཟིགས་ཏེ་ ཁོ་ལུ་ངེ་གི་སློབ་མ་སྦེ་ཤོག་ཟེར་གསུངསམ་ད་ མེ་ཐིའུ་ཡར་ལོངས་སྦེ་ཡེ་ཤུ་གི་སློབ་མ་སྦེ་སོང་ནུག 10དེ་ལས་ ཡེ་ཤུ་ཁོ་གི་སློབ་མ་ཚུ་དང་མཉམ་ མེ་ཐིའུ་གི་ཁྱིམ་ནང་ཚོགས་བཞེས་བཞུགསཔ་ད་ ཁྲལ་བསྡུ་མི་དང་མི་སྡིག་ཅན་ལེ་ཤ་ཅིག་འོངས་ཏེ་ ཁོང་ཆ་ཁྱབ་དང་གཅིག་ཁར་ཟ་ནུག 11ཕ་རུ་ཤི་པ་ཚུ་གིས་འདི་མཐོངམ་ད་ སློབ་མ་ཚུ་ལུ་ ཁྱེད་ཀྱི་སློབ་དཔོན་ཁྲལ་བསྡུ་མི་དང་ མི་སྡིག་ཅན་ཚུ་དང་གཅིག་ཁར་ ག་ཅི་འབད་ཚོགས་བཞེསཔ་སྨོ་ཟེར་དྲིས་ནུག 12ཡེ་ཤུ་གིས་ལོ་རྒྱུས་འདི་སྙན་གསནམ་ད་ དེའི་ལན་ལུ་ དྲུང་འཚོ་འདི་མི་ཁམས་བཟང་པོ་གི་དོན་ལུ་མེན་པར་ ནདཔ་གི་དོན་ལུ་ཨིན། 13འདི་བཟུམ་སྦེ་རང་ ང་མི་ཆོས་སེམས་ཅན་གྱི་དོན་ལུ་མེན་པར་ མི་སྡིག་ཅན་ཚུ་འབོ་པ་འོང་ཡི་ ད་ཁྱེད་ནཱ་ལས་སོང་ཞིནམ་ད་ གསུང་རབ་ནང་ཡོད་མི།

ང་ལུ་དགོ་མི་འདི་ ཕྱི་ཁར་ཕུལ་མི་མཆོད་པ་རྐྱངམ་གཅིག་མེན་ དེ་འབདཝ་ད་ སེམས་ནང་ལུ་ སྙིང་རྗེ་ཅན་སྦེ་དགོ་ནི་ཨིན་ཟེར་བའི་#༩:༡༣། ཧོ་ཤེ་ཡ་ ༦:༦།

དོན་དག་དེ་ ཁྱེད་ཀྱིས་ཧ་གོ་དགོ་ཟེར་གསུངས་ནུག།

ལུགས་སྲོལ་གསརཔ་དང་རྙིངཔ་གི་སྐོར།

14དེ་ལས་ ཡོ་ཧ་ནཱན་གྱི་སློབ་མ་ཚུ་ ཡེ་ཤུ་བཞུགས་སར་བཅར་ཏེ་ཡེ་ཤུ་ལུ་ ང་བཅས་དང་ ཕ་རུ་ཤི་པ་ཚུ་སྨྱུང་གནས་སྲུངམ་ཨིན་ དེ་འབདཝ་ད་ ནཱ་གི་སློབ་མ་ཚུ་སྨྱུང་གནས་མི་སྲུང་པས་ འདི་ག་དེ་སྦེ་སྨོ་ཟེར་ཞུ་ནུག 15ཡེ་ཤུ་གིས་དེའི་ལན་ལུ་ གཉེན་གྱི་རྟེན་འབྲེལ་བརྩིས་ཏེ་ དགའ་སྤྲོ་འགྱུར་བའི་སྐབས་ལུ་ རྨགཔ་གི་མགྱོནམ་དེ་ཚུ་ སེམས་སྐྱོ་སྟེ་སྡོད་འོང་ག་ ཉིནམ་གཅིག་གི་ཚེ་རྨགཔ་དེ་ ཁོང་ལས་ཁ་འབྱལ་འགྱོ་བའི་དུས་གཅིག་འཐོན་འོང་ དེ་ལས་ཁོང་སྨྱུང་གནས་བསྲུང་འོང་། 16མི་ག་ར་འབད་རུང་ བགོ་ལ་རྙིང་པའི་གུ་ བགོ་ལ་གསརཔ་གི་ལྷན་པ་#༩:༡༦། lit. unshrunk clothམི་བཏབ་ བཏབ་པ་ཅིན་ལྷན་པ་གསརཔ་དེ་གིས་ བགོ་ལ་རྙིངཔ་དེ་ཧྲལ་ཏེ་ ཧེ་མ་ལས་ཡང་སྦོམ་པའི་དོང་བཏོན་འོང་། 17དེ་ལས་ག་ར་འབད་རུང་ རྒུན་འབྲུམ་ཆང་མ་ཁུགཔ་དེ་ཀོ་བའི་རྐྱལ་ཅུང་རྙིང་པའི་ནང་མི་བླུག་ བླུག་པ་ཅིན་ ཆང་འདི་ འཁོལ་བའི་བསྒང་ལས་རྐྱལ་ཅུང་སྤེད་དེ་ ཆང་ས་ཁར་འབོ་སྦེ་ རྐྱལ་ཅུང་ཡང་མེདཔ་གཏང་འོང་ རྒུན་འབྲུམ་ཆང་མ་ཁུགཔ་དེ་ རྐྱལ་ཅུང་གསརཔ་ནང་རང་བླུག་དགོ་ དེ་ལས་ཆང་དང་རྐྱལ་ཅུང་གཉིས་ཆ་རང་ ལེགས་ཤོམ་སྦེ་སྡོད་འོང་ཟེར་གསུངས་ནུག།

ཡེ་ཤུ་གིས་བུམོ་གཅིག་ལུ་ ཤི་ས་ལས་གསོན་པོ་སྦེ་ལྷོང་གནང་བའི་སྐོར།

18ཡེ་ཤུ་གིས་དེ་སྦེ་གསུངས་བཞུགས་པའི་སྐབས་ལུ་ སི་ན་གོག་གི་དབུ་མཛད་གཅིག་འོངས་ཏེ་ ཁོ་གི་སྐུ་མདུན་ལུ་ཕྱག་འཚལ་སྦེ་ ངེ་གི་བུམོ་ད་ལྟོ་ཤིཝ་ཅིག་ཨིན་ དེ་འབདཝ་ད་ ནཱ་བྱོན་ཏེ་ མོ་གི་གུ་ཕྱག་བཀལ་གནང་པ་ཅིན་ མོ་ལོག་སྟེ་གསོན་པོ་སྦེ་སྡོད་འོང་ཟེར་ཞུ་ནུག 19དེ་ལས་ཡེ་ཤུ་ཡར་བཞེངས་སྦེ་ ཁོ་རང་གི་སློབ་མ་དང་གཅིག་ཁར་ དབུ་མཛད་ཀྱི་རྟིང་ལས་འབྱོནམ་ད། 20ཨམ་སྲུ་ལོ་བཅུ་གཉིས་ཚུན་ཚོད་ ཁྲག་ཐོན་ཏེ་ན་མི་གཅིག་ ཁོ་གི་སྐུ་རྒྱབ་ལས་འོངས་ཏེ་ ཁོ་གི་ན་བཟའ་མཐའམ་གཅིག་ལུ་འདོགས་ནུག 21མོ་གིས་རང་གི་སེམས་ཁར་ལུ་ ང་གིས་ཡེ་ཤུ་གི་ན་བཟའ་མཐའ་མ་འདོགས་ཚུགས་པ་ཅིན་ ང་དྲག་འོང་ཟེར་མནོ་ནུག 22དེ་ལས་ཡེ་ཤུ་སྐུ་རྒྱབ་ལོགཔ་ད་ མོ་ལུ་གཟིགས་ཏེ་ཡེ་ཤུ་གིས་མོ་ལུ་ བུམོ་ཁྱོད་སེམས་མ་ཕམ་ཞིག་ ཁྱོད་རང་གི་དད་པ་གིས་ཁྱོད་རང་ལུ་ དྲགཔ་བཟོ་ཡི་ཟེར་གསུངསམ་ཅིག་ ཨམ་སྲུ་དེ་དྲག་སོང་ནུག 23ཡེ་ཤུ་དབུ་མཛད་ཀྱི་ཁྱིམ་གྱི་སྒོ་ཁར་འབྱོནམ་ད་ གླིང་འཕུ་མྱ་ངན་འབད་མི་དང་ ཁོ་གིས་མི་དམངས་འུར་འཐབ་སྡོད་ས་གཟིགས་ནུག 24ཡེ་ཤུ་གིས་ཁོང་ལུ་ ག་ར་ནཱ་ལས་ཕར་སོང་ བུམོ་འདི་མ་ཤི་#༩:༢༤། ཡེ་ཤུ་གིས་མོ་ལུ་ཤི་ས་ལས་གསོན་པོ་སྦེ་ལྷོང་གནང་པ་ཅིན་ མི་དམངས་ཀྱིས་འུར་སྒྲ་ལང་འོང་ཟེར་མཁྱེན་ཏེ་ ཁོ་གིས་བུམོ་འདི་མ་ཤི་ཟེར་གསུངསམ་ཨིན་མས་ དེ་ལས་ད་རུང་གསུང་རབ་ཀྱི་ལེའུ་གཞན་ལུ་བལྟ་བ་ཅིན་ གཉིད་ལོག་ཟེར་འབྲིཝ་ད་ ཤི་སོང་མིའི་དོན་དག་དང་ཤི་སོང་ནུག་ཟེར་ཧ་གོ་དགོ་ དཔེ་གཅིག་འབད་བ་ཅིན་ མཛད་པ་༧:༦༠་དང་ ཐེ་སི་ལོ་ནི་ཀ་དང་པ་༤:༡༣,༡༤་ནང་ལུ་ ཤི་ནི་གི་ཚབ་ལུ་གཉིད་ལོག་ཟེར་བྲིས་ཏེ་ཡོདཔ་ཨིན་མས། མོ་གཉིད་ལོག་སྟེ་སྡོདཔ་མས་ཟེར་གསུངསམ་ད་ ཁོང་དགོད་བྲ་བགའ་ནུག 25མི་དམངས་འདི་ཁར་ལས་བཏོན་གཏང་བའི་ཤུལ་ལས་ ཡེ་ཤུ་ནང་ན་བྱོན་སྦེ་ བུམོ་དེ་གི་ལག་པ་བཤེདཝ་ད་ མོ་ཡར་ལོངས་ནུག 26དེ་ལས་ཨ་ནི་ལོ་རྒྱུས་དེ་གི་སྐོར་ལས་ ལུང་ཕྱོགས་དེ་གི་ས་ཆ་ག་ར་ནང་ཁྱབ་སོང་ནུག།

ཡེ་ཤུ་གིས་ནདཔ་ལུ་དྲགཔ་མཛད་པའི་སྐོར།

27དེ་ལས་ཡེ་ཤུ་འདི་ཁར་ལས་བྱོན་པའི་ཤུལ་ལས་ མིག་ཏོ་ཞརཝ་གཉིས་ཁོ་གི་རྟིང་བདའ་སྟེ་ དབའེ་ ད་བིད་ཀྱི་བུ་བརྒྱུད་ ང་བཅས་ལུ་སྙིང་རྗེ་གཟིགས་གནང་ཟེར་སྐད་བརྐྱབས་ཏེ་ཞུ་ནུག 28དེ་ལས་ཡེ་ཤུ་ ཁོ་རའི་བཞུགས་སའི་ཁྱིམ་ནང་ན་འབྱོནམ་ད་ མིག་ཏོ་ཞརཝ་གཉིསཔ་དེ་ཡང་ ཁོ་བཞུགས་སར་བཅར་ཏེ་ ཡེ་ཤུ་གིས་ཁོང་ལུ་ ང་གིས་ཁྱེད་ལུ་མཐོངམ་བཟོ་ཚུགས་ཟེར་ ཁྱེད་ཀྱིས་དད་པ་བསྐྱེདཔ་ཨིན་ན་ཟེར་དྲིཝ་ད་ ཁོང་གིས་ ཨིན་ལགས་གཙོ་བོ་ཟེར་ཞུ་ནུག 29དེ་ལས་ཡེ་ཤུ་གིས་ཁོང་གི་མིག་ཏོ་གུ་ཕྱག་སྐྱེལ་སྦེ་ ཁྱེད་རང་གིས་དད་པ་བསྐྱེདཔ་བཞིན་དུ་ ཁྱེད་ཀྱིས་མིག་ཏོ་མཐོང་བཅུག་ཟེར་གསུངསམ་ཅིག 30ཁོང་གི་མིག་ཏོ་མཐོང་ཚུགསཔ་སོང་ནུག་ དེ་ལས་ཡེ་ཤུ་གིས་ཁོང་ལུ་ཨ་ནི་ལོ་རྒྱུས་དེ་ ག་ལུ་ཡང་མ་སླབ་ཟེར་བཀའ་དམ་དྲགས་སྦེ་གནང་ནུག 31དེ་འབདཝ་ད་ ཁོང་གཉིས་སོང་སྦེ་ ཡེ་ཤུ་གི་སྙན་གྲགས་ ལུང་ཕྱོགས་ག་ར་ནང་ཁྱབ་བསྒྲགས་འབད་ནུག

32ཁོང་གཉིས་ཕྱི་ཁར་ཐོན་འགྱོ་ཚརཝ་ད་ ད་རུང་མི་ལ་ལུ་ཅིག་གིས་འདྲེ་གདོན་འཛུལ་ཏེ་ ཁ་སླབ་མ་ཚུགས་མི་གཅིག་ ཡེ་ཤུ་གི་སྐུ་མདུན་ལུ་འཁྱིད་འོངས་ནུག 33དེ་ལས་ཁོ་གིས་འདྲེ་གདོན་དེ་ལུ་ བཀའ་གནང་སྟེ་བཏོན་བདའ་སྦེ་ མི་འདི་ ཁ་སླབ་ཚུགསཔ་སོང་ནུག་ དེ་ལས་མི་དམངས་ཧ་ལས་ཏེ་ ཨ་ནི་བཟུམ་ ཨཱིས་ར་ཨཱེལ་ནང་ནམ་ཡང་མ་མཐོང་ཟེར་སླབ་ནུག 34དེ་འབདཝ་ད་ ཕ་རུ་ཤི་པ་ཚུ་གིས་ ཁོ་འདྲེ་གདོན་གྱི་རྒྱལཔོ་གི་དབང་གི་ཐོག་ལས་སྦེ་ འདྲེ་གདོན་བཏོན་བདའཝ་ཨིན་མས་ཟེར་སླབ་ནུག།

ལས་མི་ལེ་ཤ་གཏང་གནང་ཟེར་སྨོན་ལམ་ཞུ་དགོ་པའི་སྐོར།

35ཡེ་ཤུ་ཁྲོམ་དང་གཡུས་ག་ར་ནང་བཤལ་བྱོན་ཏེ་ སི་ན་གོག་ཚུ་ནང་ཆོས་སྟོན་ རྒྱལ་སྲིད་ཀྱི་སྐོར་ལས་གཏམ་བཟང་གསུངསམ་མ་ཚད་ ནདཔ་དང་ཁོང་གི་ནད་གཞི་མ་འདྲཝ་ཚུ་ག་ར་དྲགཔ་མཛད་ནུག 36ཡེ་ཤུ་གིས་མི་དམངས་ལུ་གཟིགསཔ་ད་ ཁོ་གི་ཐུགས་ཁར་སྙིང་རྗེ་ གནམ་མེད་ས་མེད་བྱུང་ནུག་ ག་ཅི་སྨོ་ཟེར་བ་ཅིན་ མི་དེ་ཚུ་ལུག་རྫིཔ་མེད་པའི་ལུག་བཟུམ་སྦེ་ ག་གིས་ཡང་རོགས་རམ་འབད་མི་མེད་པར་ལུས་ནུག 37དེ་ལས་ཡེ་ཤུ་གིས་ཁོ་རང་གི་སློབ་མ་ཚུ་ལུ་ ཞིང་ཁར་ལུ་ལོ་ཐོག་དེ་གནམ་མེད་ས་མེད་འདུག་ དེ་འབདཝ་ད་ ལས་མི་དེ་གནམ་མེད་ས་མེད་ཉུང་དྲགས་ཨིན་མས། 38དེ་འབདཝ་ལས་བརྟེན་ཏེ་ ལོ་ཐོག་གི་སྦྱིན་བདག་ལུ་ ལས་མི་ལེ་ཤ་གཏང་གནང་ཟེར་སྨོན་ལམ་ཞུ་ཟེར་གསུངས་ནུག།

Seçili Olanlar:

མེ་ཐིའུ་ལེའུ་ 9: dzoD

Vurgu

Paylaş

Kopyala