MWAMBĨLĨLYO 7
7
Mbua ya kĩw’ũ kingĩ
1Na Yeova amwĩa Noa, Lika, we, na andũ maku onthe ngalawanĩ; nũndũ we nĩngwonete wĩ mũlũngalu mbee wakwa nzyawanĩ ĩno. #Mwa 6.9; Mt 24.38,39; Lk 17.26,27; Aevl 11.7; 1 Vet 3.20. 2Sya kĩla nyamũ ntheu ũkeyosee mũonza, mũonza, nũme na nga yayo; na sya nyamũ ila ite ntheu ilĩ, nũme na nga yayo: #Ali 11.1–31. 3na ĩngĩ sya nyũnyi sya yayaya, mũonza, mũonza, nũme na nga, kwĩkalya ũsyao wĩ thayũ ĩũlũ wa nthĩ yonthe. 4Nũndũ vatiele matukũ mũonza, na ĩndĩ ngausya mbua nthĩ mĩthenya mĩongo ĩna na matukũ mĩongo ĩna; na kyonthe kĩ thayũ kĩla noombie ngaananga vyũ kuma ĩũlũ wa nthĩ. #Mwa 6.17. 5Na Noa eeka w’onthe ũla Yeova wamwĩaĩe. #Mwa 6.22.
6Nake Noa aĩ wa myaka maana thanthatũ yĩla kĩla kĩw’ũ kingĩ kyai ĩũlũ wa nthĩ. 7Na Noa alika ngalawanĩ, we, na ana make, na mũka wake, na aka ma ana make, nũndũ wa manzĩ ma kĩla kĩw’ũ kingĩ. 8Syalika sya nyamũ ntheu, na sya nyamũ ite ntheu, na sya nyũnyi, na sya kĩla kĩndũ kĩtambũkaa ĩũlũ wa nthĩ, 9ilĩ, ilĩ ngalawanĩ kwa Noa, nũme na nga, o tondũ Ngai weaĩe Noa. 10Na kweethĩwa ĩtina wa mĩthenya ĩsu mũonza, manzĩ ma kĩla kĩw’ũ kingĩ meethĩwa ĩũlũ wa nthĩ. 11Mwaka wa maana thanthatũ wa thayũ wa Noa, mwei wa kelĩ, mũthenya wa ĩkũmi na mũonza wa mwei, mũthenya o ũsu kwavingũka nthongo syonthe sya kyũngũ kyu kĩnene, na mbũthĩ sya ĩtu syavingũka. #Mwa 8.2; Sav 78.23; Nth 8.28; Isa 24.18; Mal 3.10. 12Na kweethĩwa mbua ĩũlũ wa nthĩ mĩthenya mĩongo ĩna na matukũ mĩongo ĩna.
13Mũthenya o ũsu malika ngalawanĩ Noa, na Semu na Amu na Yavethĩ, ana ma Noa, na mũka wa Noa, na aka atatũ ma ana make vamwe nao; 14mo na kĩla nyamũ o mũthemba wayo, na indo syonthe o mũthemba wasyo, na kĩla kasamũ katambũkaa, kala katambũkaa ĩũlũ wa nthĩ o mũthemba wako, na kĩla nyũnyi o mũthemba wayo, kĩla nyũnyi ya kĩla mũthemba. 15Na syalika kwa Noa ngalawanĩ, ilĩ, ilĩ sya mĩĩ yonthe ĩla yĩ na mĩthũmũ ya thayũ. #Mwa 6.20. 16Na ila syalikile, syalika nũme na nga sya mĩĩ yonthe, o tondũ Ngai wamwĩaĩe: na Yeova amũvingĩa nthĩnĩ. #Mwa 7.2,3. 17Na kĩla kĩw’ũ kingĩ kyeethĩwa ĩũlũ wa nthĩ matukũ mĩongo ĩna; na manzĩ mongeleka, na mookĩlya ngalawa, na yookĩlĩtw’e ĩũlũ wa nthĩ. 18Na manzĩ makĩlya vinya, na mongeleka mũno ĩũlũ wa nthĩ; na ngalawa yaendaa ĩũlũ wa manzĩ. 19Na manzĩ makĩlya vinya mũno mũnene ĩũlũ wa nthĩ; na iĩma syonthe ndũlu ila syaĩ ungu wa ĩtu yonthe syavw’ĩkwa.#Sav 104.6. 20Manzĩ makĩlya vinya kwambata ĩũlũ mĩkono ĩkũmi na ĩtano; na iĩma syavw’ĩkwa. 21Na mĩĩ yonthe yakw’a ĩla ĩendaa ĩũlũ wa nthĩ, nyũnyi, o na indo, na nyamũ, na kĩla kasamũ katambũkaa, kala katambũkaa ĩũlũ wa nthĩ, na kĩla mũndũ: #Mwa 6.13,17; 2 Vet 3.6. 22syonthe ila syaĩ na mĩthũmũ ya veva wa thayũ manyiũũnĩ masyo, sya syonthe ila syaĩ mũthanganĩ mũmũ, syakw’a. #Mwa 2.7. 23Na kĩla kĩndũ kyaĩ thayũ ĩũlũ wa nthĩ kyaanangwa, andũ, o na indo, na tũsamũ tũla tũtambũkaa, na nyũnyi sya yayaya; na nĩsyanangiwe kuma nthĩ: no Noa watiiwe, na ala maĩ nake ngalawanĩ. #2 Vet 2.5. 24Na manzĩ makĩlya vinya ĩũlũ wa nthĩ matukũ ĩana na mĩongo ĩtano.
Seçili Olanlar:
MWAMBĨLĨLYO 7: Mbivlia
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956