MWAMBĨLĨLYO 10

Mosyaanĩo ma ana ma Noa

(1 MAVINDA 1.5–23)

1Na ĩndĩ aa nĩo mosyaanĩo ma ana ma Noa, ma Semu na Amu na Yavethi: na masyaĩwa ana ĩtina wa kĩla kĩw’ũ kingĩ. #1 Mav 1.5–7; Esek 38.1–6.

2Ana ma Yavethi: Ngomeli, na Makoki, na Matai, na Yavani, na Tuvali, na Meseki, na Tilasi. 3Na ana ma Ngomeli: Asikenasi, na Livathi, na Tokalima. 4Na ana ma Yavani: Elisaa, na Talisisi, na Kitimu, na Alotani. 5Na kwa asu ithama sya mbaĩ syaaanw’a katĩ wa nthĩ syoo, kĩla ũmwe na kĩthyomo kyake, kũatĩĩa mĩvĩa yoo, mbaĩnĩ syoo.

6Na ana ma Amu: Kusi, na Misili, na Vutu, na Kanaani. #1 Mav 1.8–10. 7Na ana ma Kusi: Seva, na Avila, na Savita, na Laama, na Saviteka; na ana ma Laama: Sieva, na Ndetani. 8Na Kusi asyaa Nimiloti: ambĩlĩlya kwĩthĩwa ũmwe wĩ vinya kũũ nthĩ. 9Aĩ mũsyĩmi wĩ vinya mbee wa Yeova: kwa ũu kwaaw’a, Ta Nimiloti mũsyĩmi wĩ vinya mbee wa Yeova. 10Na wambĩlĩyo wa ũsumbĩ wake weethĩwa Mbaveli, na Eleku, na Akati, na Kalene, nthĩ ya Sinali. 11Nthĩ ĩsu nĩkw’o waumie athi Asuli, na aaka Nineva, na LeovothiIli, na Kala, 12na Leseni katĩ wa Nineva na Kala (nĩyo ĩla ndũa nene). 13Na Misili asyaa Aluti, na Aanami, na Aleavi, na Anavitui, #1 Mav 1.11–16. 14na Avathilusi, na Akasilui (vala Avilisiti maumie), na Akavitoli.

15Na Kanaani asyaa Sitoni ĩkithathi yake, na Ethi, 16na Mũyevusĩ, na Mũamoli, na Mũngilikasi, 17na Mũivi, na Mũaliki, na Mũsini, 18na Mũalivati, na Mũnzemali, na Mũamathi: na ĩtina mĩvĩa ya Mũkanaani yanyaĩĩka. 19Na mũvaka wa Mũkanaani waĩ kuma Sitoni, ũendete Ngelali, kũvika Ngasa; ũendete Sotomo na Ngomola na Atima na Nzevoiimu, kũvika Lasa. 20Asu nĩo ana ma Amu, kũatĩĩa mĩvĩa yoo, na kũatĩĩa ithyomo syoo, katĩ wa nthĩ syoo, mbaĩnĩ syoo.

21Na Semu, ĩthe wa ana onthe ma Eveli, mũkũũwe wa Yavethi, nake asyaĩwa syana. 22Ana ma Semu: Elamu, na Asuli, na Alivakasati, na Luti, na Alamu. #1 Mav 1.17–25. 23Na ana ma Alamu: Usi, na Uli, na Ngetheli, na Masi. 24Na Alivakasati asyaa Siela; na Siela asyaa Eveli. 25Na Eveli asyaĩwa ana elĩ: syĩtwa ya ũmwe eetawa Veleki; nũndũ nthĩ yaaaniw’e matukũnĩ make; na syĩtwa ya mwana‐a‐inyia wake eetawa Yokitani. 26Na Yokitani asyaa Alimotati, na Selevu, na Asalimavethi, na Yela, 27na Aatolamu, na Usali, na Ndikila, 28na Ovali, na Avimaeli, na Sieva, 29Ovilu, na Avila, na Yovavu: asu onthe maĩ ana ma Yokitani. 30Na ũtũo woo waĩ kuma Mesa, ũendete Sevali, kĩĩma kya wumĩlonĩ wa syũa. 31Asu nĩ ana ma Semu, kũatĩĩa mĩvĩa yoo, na kũatĩĩa ithyomo syoo, katĩ wa nthĩ yoo, kũatĩĩa mbaĩ syoo.

32Ĩsu nĩyo mĩvĩa ya ana ma Noa, kũatĩĩa mosyaanĩo moo, mbaĩnĩ syoo: na nũndũ wa asu mbaĩ syaaanw’a katĩ wa nthĩ ĩtina wa kĩla kĩw’ũ kingĩ. #Mwa 9.19.

Seçili Olanlar:

MWAMBĨLĨLYO 10: Mbivlia

Vurgu

Paylaş

Kopyala

Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın

https://shop.biblesociety-kenya.org/

www.biblesociety-kenya.org

God's word open for all

Mbivilia Hakkında Daha Fazlasını Öğrenin

MWAMBĨLĨLYO 10