Zlr 7
7
Lama Nuhu da kwambalu
1Ka Yawe nda Nuhu mantsa: « Lam la da kwambalu, kagha nda la ga ghuni tani demdem, kabga kagha turtukwa gha yeya mndu tɗukwa nghaŋ yu mataba zivira mnduha ta na zamana na. 2Ka hladamta ka ta vata kagha ta gwata zəʼal nda marakw zəʼal nda marakw, ndəfáŋ ndəfáŋ ndəfáŋ, mataba inda mndəra rini nda nimtak kul tsaɗ lu. Mataba gwal ta tsaɗ lu guli, ka hladamta ka ta gwata zəʼal nda marakw turtuk turtuk. 3Nda marakw nda zəʼal nda marakw nda zəʼal ndəfáŋ ndəfáŋ ndəfáŋ ká ka da hlaʼata mataba inda mndəra la ɗyakha nda zarakha ta ndaraku ta luwa ka hladamta ka ta həŋ, ŋa nzulakwa mndəra taŋ ta ghəŋa haɗik demdem, 4kabga ta ndəfáŋ pɗakwa fitik ka zlrafta ɗa ta bərzla imi ta haɗik ŋa zatá fitik fwaɗ mbsak nda vaghu tani nda rviɗik tani. Dzaʼa zaɗana zaɗa yu (ta ghəŋa haɗik) ta inda skwiha magaf yu, » kaʼa. 5Ka magatá Nuhu ta inda skwi mnana Yawe ŋa magay. 6Ta mamkuʼ dərməka ima Nuhu zlrafta lu ta bərzla tsa ima zlakwa luwa ya ta haɗik.
7Ka sliʼadamtá i Nuhu nda zwana ni, nda markwa taŋ, nda ghwaʼalha ni kawadaga da tsa mghama kwambalu ya, kabga yaha ima zlakwa luwa zaɗanatá həŋ. 8Ka sliʼadaghatá inda mndəra rini nda nimtak kul tsaɗ lu nda ya ta tsaɗ lu, nda inda ɗyakha nda zarakha, nda inda skwiha ta mbaɗa nda huɗi ta haɗik. 9Ka sliʼadamtá gwata həŋ marakw nda zəʼal, marakw nda zəʼal, his his his da Nuhu ma tsa kwambalu ya manda ya mnanaf Lazglafta ta Nuhu. 10Tahula zatá fitik ndəfáŋ, ka ndəghanaftá tsa ima zlakwa luwa ya ta haɗik.
11Baɗu maghwaŋpəɗ ndəfáŋa fitik ma tila mahis ma mamkuʼ dərməka ima Nuhu, ka paslutá inda dzuɓayha drəf ma mndəra haɗik, ta gwanutá ghurma imi nda ta luwa. 12Fwaɗ mbsak fitika tsa ima ya ta bərzlaku ta haɗik, nda vagha ni tani nda hana ni tani. 13Baɗ va tsa fitik ya lama i Nuhu kawadaga nda zwana ni ta nzakway ka i Sem, nda Ham, nda Yefet, nda markwa taŋ, nda ghwaʼalha ni hkən da tsa mghama kwambalu ya. 14Ka sliʼadamtá həŋ kawadaga nda inda mndəra la rini, nda inda mndəra la nimtak, nda inda mndəra la tsuɗayha ta mbaɗa nda huɗi ta haɗik, nda inda mndəra ɗyakha nda zarakha, nda inda mndəra skwiha ta ndravata nda ndra. 15Ka sliʼadaghatá inda skwiha nda hafu mida his his his slanaghatá Nuhu ma tsa mghama kwambalu ya. 16Ka sliʼamtá inda mndəra la skwiha nda hafu mida, la zəʼal nda marakw, la zəʼal nda marakw, manda va ya mnanaf Lazglafta ta Nuhu. Tahula lama i Nuhu, ka ŋərzlaftá Yawe ta wa tgha. 17Ma tsa fitik fwaɗ mbsak maga tsa ima zlakwa luwa ta bərzlaku ta haɗik ya, ka ndaghanaftá tsi ta inda vli, ka kapanaftá tsa kwambalu ya ka dəganata nda haɗik. 18Ka sgaku tsa imi ya katakata ta ghəŋa haɗik, ka kləmbəraku tsa kwambalu ya ta ghəŋa imi.
19Ka sgaku ndəghakwa tsa imi ya katakata ta haɗik, ka zazanamtá inda kɗavakta ghwáha demdem nzanagha luwa, nduk nda ya ta zaghuta tani. 20Ka mitər ndəfáŋ nda rita kəʼa sgavaghata ta ghəŋa tsa ghwáha ya, ka zazanamta. 21Mantsa tama, ka rwuta inda skwiha nda hafu mida ta gigiɗa vgha ta haɗik. Tsaha ya ɗyakha nda zarakha, nda rini tani, nda nimtak tani, nda inda skwiha ta gigɗa vgha ta haɗik tani, nda inda mnduha tani. 22Inda skwiha ta hafu nda htsiŋ ta nzaku ta ghwalatá haɗik ná, ka rwutá həŋ. 23Mantsa ká Lazglafta zaɗanatá inda skwiha demdem ta ghəŋa haɗik. Nda mnda səla tani, nda rini nda nimtak tani, nda skwiha ta mbaɗa nda huɗi tani, nda ɗyakha nda zarakha ta ndaraku ta luwa tani, ka zaɗanatá Lazglafta tendərzleleʼ ta haɗik. I Nuhu kweŋkweŋ ta pɗata, nda skwiha ma kwambalu kawadaga nda tsi. 24Tsa imi ya ná, dərmək nda hutaf mbsak fitika ni ta sladu ta ghəŋa haɗik.
Seçili Olanlar:
Zlr 7: xed
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
© Wycliffe Bible Translators, Inc. All rights reserved.