Čơdơ̆ng Phŭn 39 Popüler Kutsal Kitap Ayetleri

Paylaş

Yahweh dŏ hrŏm hăng Yôsêp laih anŭn brơi kơ gơ̆ đĭ kơyar, laih anŭn gơ̆ dŏ hơdip amăng sang khua gơ̆ ƀing Êjip anŭn yơh.

Tui anŭn, ñu jao abih bang tơlơi kơ Yôsêp răk wai; hăng tơlơi Yôsêp răk wai yơh, ñu ƀu pơmĭn ƀlơ̆ng hơget gĕt ôh rơngiao kơ gơnam ñu ƀơ̆ng. Hlak anŭn Yôsêp kơjăp rơjăng laih anŭn hiam rơkơi

Tui anŭn, pô khua sang mơnă jao kơ Yôsêp wai lăng abih bang ƀing mơnă pơ anŭn, laih anŭn ñu hơmâo bruă jao kiăng kơ pơgiŏng hĭ pơ anŭn.

Khua ñu mă krư̆ hĭ Yôsêp amăng sang mơnă ñu, jing anih arăng krư̆ ƀing mơnă pơtao. Samơ̆ tơdang Yôsêp dŏ amăng sang mơnă pơ anŭn, Yahweh dŏ hrŏm hăng gơ̆; Ñu brơi kơ gơ̆ tơlơi khăp hiam klă hăng brơi kơ gơ̆ tơlơi rơiêŭ mơak ƀơi anăp mơta khua sang mơnă.

laih anŭn tơdơi kơ anŭn ƀiă, bơnai khua ñu amoaih kluh kơ Yôsêp hăng pơđar, “Rai đih hrŏm hăng kâo bĕ!” Samơ̆ ñu hơngah hĭ hăng laĭ, “Amăng tơlơi kâo răk wai, khua kâo ƀu pơmĭn ƀlơ̆ng hơget gĕt ôh ñu pô amăng sang anai; abih bang tơlơi ñu hơmâo ñu jao hĭ kơ kâo wai lăng laih. Ƀu hơmâo hlơi pô ôh glông hloh kơ kâo amăng sang anai. Khua kâo ƀu djă̱ pioh hơget tơlơi mơ̆ng kâo ôh samơ̆ rơngiao kơ ih, yuakơ ih jing bơnai ñu. Hiư̆m kâo dưi ngă sa tơlơi hrup hăng anŭn hăng ngă soh pơkơdơ̆ng glaĭ hăng Ơi Adai lĕ?”

Sa hrơi Yôsêp mŭt nao amăng anih anơ̆m khua ñu kiăng kơ pơgiŏng hĭ bruă hơmâo jao laih kơ ñu, laih anŭn ƀu hơmâo hlŭn đah rơkơi pă ôh dŏ amăng lăm anih anŭn. Đah kơmơi anŭn hơñăk-mă gơ̆ ƀơi abăn ƀar gơ̆ hăng pơđar, “Rai đih hrŏm hăng kâo bĕ!” Samơ̆ tơdang Yôsêp đuaĭ tơbiă hĭ mơ̆ng anih anŭn, abăn ƀar ñu dŏ glaĭ hĭ ƀơi tơngan bơnai khua ñu.