Jon, echî 4 Popüler Kutsal Kitap Ayetleri

Paylaş

Obhasi a ri ńtʉgântʉ. Ka obhô mbí, ane mba á kí jighi yê á rî á jíghí ka ńtʉgântʉ, áfúbhí á bhó joé.”

Kən ebhú é kə́ bha, ta é bha é si njû, nji mfoné-mfoné ane mba á kí jighi Obhasi Ńsé, á kí yim áno ka ńtʉgântʉ. Áfúbhí á bhó joé. Nâ ane fə́ne mba Obhasi Ńsé a wóme se á jíghí yê.

Kən nne nnyo á gwo ayép mma ń kará yê, a rô kpo joé ka ekot ayép. Ayép mma n kí karé yê á kí joé noŋ njû-ayép nnyi ayép á fə́ma á kará ekpin ótúm-ótúm.”

Jisos se, “Ebhú sê ó məŋé ekəp nji Obhasi á kará, o mə́ŋe fə́ne nne nnyo á bhəbha wâ áno ayép, kə́n we nâ o kí bhəp ə̂m ń káre wâ ayép mma á kára ekpin.”

Kən Jisos a sə́re ábho se, “Édî ejámé a ri eyúghúm nne nnyo a túmi ə̂m na ejeghém etûm nji a túmi ə̂m se ḿ bá yîm.

Nne-nkáé nnyó se, “Ńsé, we ejûm nji o kí tuk ayép ó ka fon, ébhírí-ayép njí fə́ne é rəme kpe-eji, o kí ko ayép ekpin áma fan ó káre ə̂m?

Nne-nkáé nnyó se, “Ḿ məŋe bəre Krayis, Ntûfâm nnyo Obhasi a túmi se a bhá yim ngun á sém, a kə́ bha. Ebhú á bha, tîk a tóŋe êt achot chénchén.” Jisos a sə́re yê mân se, “Mme nnyo ń chorá áno mbâ eya a ri nne nchane.”

“Bhák é jí yén ên nne nnyo a sə́re ə̂m chénchén achot mma n yimî. Nâ-ngá kə́n a jóe Krayis, nne nnyo Obhasi a túmi se a bhá yim ngun á sém a?”