उत्पत्ती 17 Popüler Kutsal Kitap Ayetleri

Paylaş

मिनु अब्राम ९९ बर्स दुम्‍मेनु, परमप्रभु यावे अब्राम आ ङोंइती ग्रूशा, मेको कली “गो नेल्‍ल क्‍येङा सक्ति पाइश्‍शो परमप्रभु नङ। गे, गो नु बाक्‍शा, ठीक पाइब दुमो। उत्‍पत्ती ३५:११; प्रस्‍थान ६:३; ब्‍यवस्‍था १०:१२

मुल रे इ नें अब्राम देंचा मदुम्‍ब। इ नें अब्राहाम दुम्‍चा माल्‍ब। मारदे हना गो इ कली शुश रागी ङा मुर आन किकी पिपी सेल्‍तन। रोमी ४:११,१७

मिनु गो गे नु लोव़ पा आं कबल पाइनुङ। गो इ चच युइ नु यो आं कबल पाइनुङ। मेको गेना हना यो लीब कबल बाक्‍ब। गो इ परमप्रभु नु इ चच युइ आन परमप्रभु नङ।

“नेनो, मेको गो, गे नु आं कबल पतीके बाक्‍ब। गे शुश रागी ङा मुर आन किकी पिपी दुम्‍नेवे।

मिनु परमप्रभुमी “ममाइ, इ मीश सारामी थमा पा तौ का थीब। मेको आ नें इसहाक वोइक्‍चा माल्‍नेवे। मेको नु आं कबल पतीक गेना हना यो दुम्‍ब। मेको आ नोले ङा आ तौ चच युइ नु यो लीब।

मुल गे इ बाक्‍तीक रागीमी अर्को रागी ङा मुर बाक्‍नेवे। नोले गो एको कनान रागी गेना हना यो इन कली नु इ चच युइ आन कली गेनन्‍नी। गो चहिं मेको आन परमप्रभु दुम्‍नुङ” दे अब्राहाम कली देंमाक्‍त। उत्‍पत्ती ३५:२७; हिब्रू ११:९-१०; प्रेरित ७:५

मिनु अब्राहाममी खुम्‍की पा बाप्‍शा, रिश्‍शा “सहे का बर्स ङा मुरुम आल थीबा? सारा ९० बर्स दुम्‍शा, आल थिने चाप्‍‍बा?” दे आंम कली देंमाक्‍त। उत्‍पत्ती १८:१२; उत्‍पत्ती २१:६; लूका १:१८; रोमी ४:१९-२१

मिनु परमप्रभुमी अब्राहाम कली “गे इ मीश कली ‘साराइ’ मदेंचा, मुल रे मेको कली ‘सारा’ नें वोइक्‍चा माल्‍नेवे।

मेको गे नु गो इस कबल पशो आ चिनु बाक्‍ब। इजीकीएल २०:१२; ब्‍यवस्‍था ३०:६; रोमी ४:११

तन्‍न आं कबल इसहाक नु पाइनुङ। सारामी बर्स का नोले इसहाक थीब” देंमाक्‍त।

मुल रे इ पाला ङा मुरुम आन तौ कली ८ नाक्‍ती दुम्‍मानु, ख्रोइक्‍तीक चिनु ख्रोइक्‍चा माल्‍नीम। इ खिंम जरमेशो वोंइश आल, तेको तेको रागी रे ग्‍याप्‍शो इ वाइल नु आन तौ नेल्‍ल आन कली यो ख्रोइक्‍तीक चिनु ख्रोइक्‍चा माल्‍नीम। इ खिंम जरमेशो, इ चांदीम ग्‍याप्‍शो मुरपुकी कली यो ख्रोइक्‍तीक चिनु ख्रोइक्‍चा माल्‍नीम। मिनु आं कबल पशो ङा चिनु इ रांम बाक्‍चा माल्‍ब। मेको गेना हना यो लीब कबल बाक्‍ब।