Jon 3 Popüler Kutsal Kitap Ayetleri

Paylaş

God hemi lavem olketa pipol long disfala wol tumas, dastawe nao hemi givim kam San blong hem wea hemi wanfala nomoa, mekem eniwan hu hemi biliv long hem bae hemi no save dae bat bae hemi garem tru laef wea hemi no save finis.

God hemi no sendem kam San blong hem long disfala wol fo jajem evriwan, bat hemi kam fo sevem olketa pipol long wol ya.

Nao Jisas hemi talem hem olsem, “Mi talem yu tru samting nao, sapos man hemi no bon moa long mektu taem, bae hemi no save faendem kingdom blong God.”

Eniwan hu hemi biliv long disfala San ya, God bae hemi no jajem hem. Bat eniwan hu hemi no biliv long hem, God hemi jajem hem finis nao. God hemi duim olsem, bikos man ya hemi no biliv long San blong hem wea hemi wanfala nomoa.

Hao God hemi jajem man hemi olsem, disfala laet hemi kam finis long disfala wol nao, bat olketa pipol nao i no laekem. Olketa laekem nomoa samting insaet long dak ples, bikos evrisamting wea olketa duim hemi ravis tumas.

Disfala man ya hemi mas go-gohed fo kamap bikfala moa, bat mi ya, mi mas go-gohed fo godaon lou nomoa.”

Eniwan hu hemi duim olketa ravis samting olsem, hemi heitem laet ya an hemi nating kam long laet ya tu, bikos hemi no laekem laet ya fo somaot olketa ravis samting wea hemi duim.

Eniwan hu hemi biliv long disfala San, hemi garem tru laef wea hemi no save finis. Bat eniwan hu hemi no biliv long disfala San, hemi no save garem disfala laef, an God bae hemi kros long hem olowe nao.

Taem Mosis wetem olketa Jiu olketa stap long drae eria ya, hemi tekem disfala snek wea olketa wakem long aean an hemi putum long antap wanfala pos. An bae olketa mas duim semsamting long San Blong Man tu

Dadi ya hemi lavem tumas disfala San blong hem, so hemi givim hem paoa ovarem evrisamting.