Génesis 18 Popüler Kutsal Kitap Ayetleri

Paylaş

¡Caso Sinioroco niꞌto, yaꞌipi nohuantërahuësoꞌ nanitaparahuë nicaꞌhuasoꞌ! Aꞌna piꞌi quëran, nicaponquën huëantarahuë. Naporoꞌ Sara huaꞌhuanaton, huaꞌhuin ipoarin huachi, itërin.

Ina yonquiaton, co huachi huina cacotatonhuëꞌ, tëhuarin huachi. Tëhuapon pochin, yonquirin: “Inaporahuë naporini, noya cancanchitohuëꞌ. Napoaponahuëꞌ, catocoi chachin nani mashotërai niꞌton, co quiyaso inapoasocoihuëꞌ ayapoi,” tënin yonquinënquë.

Papon pochin, Siniorosoꞌ yonquiraarin. “Apraan quëran aꞌna tahuëri panca nacion pipiarin. Naporahuaton ina nacionsoꞌ, chiníquën nanantarin. Napoaton maꞌsona yaninahuësoꞌ, shaꞌhuitaꞌhuaso yaꞌhuërin. Nani shaꞌhuitërahuë yaꞌipi nacionoꞌsa isoroꞌpaquë yaꞌhuërinsopita, ina quëran catahuaꞌhuaso marëꞌ.

Napoaton yaꞌcarirahuaton, natanin: —Tëhuëpisopitasoꞌ noꞌtëquën chachin ataꞌhuantamaso yaꞌhuërin. Co tëhuëpisopitasohuëꞌ nipirinhuëꞌ, co inapotamaso yaꞌhuërinhuëꞌ. Tapona aꞌnatërápo shonca yaꞌpiꞌ, co tëhuëpisopitasohuëꞌ ninanoquë yaꞌhuëpi. Ina nápo yaꞌhuëpiso yonquiaton: ¿Co ninano nichaꞌësaranhuëꞌ?

Napotohuachina, Siniorori itapon: —Aꞌnatërápo shonca co tëhuëpisopitahuëꞌ, Sotoma ninanoquë yaꞌhuëhuachin, inapita nosoroato yaꞌipi ina ninanoquë yaꞌhuëpisopita nichaꞌësarahuë, itërin.