Geenesis 9 Popüler Kutsal Kitap Ayetleri

Paylaş

Niocuajaari nia niishiniuria cua sequesano seetanujuanaa pueyaracaanu niaarano, puetunu nio jiyajinia quijiaca casamiriajanaanio. Naa niaa niishiniutianiyani: Janiyacuajaari cua naashi nujuateree jiya cajiniocuani. Niaa jaara na niquiriquianoj niocua seetanujuanaa cua sequesano niajaniya niishiriquia.

Naacuatej, naashi cua niquishacari nujuaano, janiyari pueyaracaanu niaarano seetanujuanaa cua sequesano niishiniutianiya jiyacarini, puetunu mijiria quijiaca casamiriano cua sequesanojaajanio.

Pueyasocuajaari pueyano shipiniquiaari juhua nojuaja niquishanojua. Naacuatej pueyano jaara narta pueyano more, tamonu pueyanoori na monuucua na moriquiano saniniuujia.

Pueyasoori maninia rupaajinia naa sequeno Noee, necohuajaajanio: —Pueyanaa, jiyanohua queraatia nia mueture. Nia niquiohuacuajinio caneno pueya cuaara caneera tiquiyocua puetunu nio jiyajiniajanaa.

Quiarijiajiniji nia naatacuajaari puetunu cuno casamijinijinio casaajanaa miaquenu nia panishano, nia nataacuacajinijinio naajuhuaj. Janiyajanaacuajaari nia niquitioyaquinioj.

Mijiria nio jiyajinia quijiaca casamini, puetunu cuno casamijianaari nia puerejaca quiniutianiya. Puetunu jaacuatujuaca casaajanaani, jiyocua quijiaca casaajuhuaj, shoniniacu caminiajinia quijia casaanio, puetunu cuno casaajanaari nia jiitiasocoriquiano.

Niajaniya saniniuujia, ¡jiyanohua queraatia nia mueture! Niaacuajinio caneno cuaara caneera puetunu jiyacajiniajanaa.