NAI VAKATEKIVU 15 Popüler Kutsal Kitap Ayetleri

Paylaş

A sa vakabauti Jiova ko koya; a sa wilika vua ko koya me nonai valavala dodonu.

Sa oti na ka oqori sa vosa vei Eparama ko Jiova e na rai votu, ka kaya, Mo kakua ni rere, Eparama: koi au na nomu i sasabai, ia na kemui sau ena ka levu sara.

A sa kauti koya ki tautuba, ka kaya, Mo raici lomalagi mada, ka wilika na kalokalo kevaka ko sa wilika rawa. A sa kaya vua, Sa na vakakina na nomu kawa.

Ka raica, sa yaco vua na vosa i Jiova, ka kaya, Ena sega ni taukena emuri na nomu ka ko koya oqo; ia ko koya ga ko sa na vakatubura ena taukena na nomu ka.

A sa kaya ko koya vei Eparama, Mo kila vakaidina ni na tiko vulagi na nomu kawa e na vanua sa sega ni nodra, ka ra na vakabobulataki ira, ia era na vakararawataki ira, ka va na drau na yabaki

A sa kaya ko Eparama, kemuni na Turaga ko Jiova, a cava na ka ko ni na solia vei au, ni'u na mate ka sa sega na luvequ, ia ko koya sa na vakatawa na noqu vale ko Eliesa ko koya na kai Tamasiko?

E na siga ko ya sa ia na veiyalayalati kei Eparama ko Jiova, a sa kaya, Au sa solia na vanua oqo vei ira na nomu kawa, mai na uciwai ni Ijipita ka yacova na uciwai levu, na uciwai ko Uferetisi

ia e na kenai kava ni tabatamata era na lesu tale mai ki ke; ni sa sega ni sinai edaidai na nodra i valavala ca na luve i Amori.