Chapletajic 1 Popüler Kutsal Kitap Ayetleri

Paylaş

Xubij c'u ri Dios: “Kabana' ri winak jacha' ri uj, cäc'oji' c'u na u takanic paquiwi' ri cär, ri chicop ri e c'o qui xic', ri awaj aj uwo ja, xukuje' paquiwi' ri caquijurula' tak quib cho ri ulew.” Xuwinakirisaj c'ut ri Dios ri winak jas ri u ca'yebal, xuwinakirisaj jas ri u ca'yebal ri Dios; achi xukuje' ixok xebuwinakirisaj

xebutewichi'j: “Chec'ol q'ui iwalc'ual; chinojisaj ri uwächulew, chixtakan puwi'; xukuje' chixtakan paquiwi' ri cär, xukuje' paquiwi' ri chicop ri e c'o qui xic', xukuje' paquiwi' conojel ri awaj ri cäquijururej quib puwi' ri ulew.”

Aretak xchapletaj u banic ronojel ri c'olic, ri Dios xuban ri caj ulew.

Man c'o ta u beya'l ri uwächulew, man c'o ta jas c'olic; xuwi jun choalaj plo ch'ukutal rumal k'ekumalil, are c'u ri Ruxlabal ri Dios cäwacat puwi' ri ja'.

Xubij c'u ri Dios: “¡Chc'ol ri sakilal!” Xc'oji' c'u ri sakil.

xril c'u ri Dios chi ronojel ri u banom sibalaj utz xelic. Jewa' ri u tz'akatisaxic ri uwak k'ij.

Xril c'u ri Dios chi utz ri sakilal, xutas ri sakilal che ri k'ekumalil

Xukuje' xubij chi na chque: “Chiwilampe', quebenjach pa i k'ab ronojel qui wäch k'ayes ri e c'o cho ri uwächulew ri quequiya' ija', xukuje' conojel ri che' ri quequiya' qui wächinic. Ronojel wa' cajwataj che tzukbal iwib.

xucoj “pa k'ij” che u bi' ri sakilal, xucoj c'u “chak'ab” che u bi' ri k'ekumalil. Jewa' ri u tz'akatisaxic ri nabe k'ij.

Xubij c'u ri Dios: “Chubana' quieb ri ja', rech cäc'oji' jun c'olbal jamalic chquixo'l ri quieb ja'.” Je c'u xbantajic.

Quinya' ri räx k'ayes che tzukbal quib conojel ri awaj ri e c'o pa tak ri juyub, conojel awaj ri cäquijururej quib puwi' ri ulew, xukuje' ri chicop ri e c'o qui xic'.” Je c'u xbantajic

Xubij c'u ri Dios: “Chec'ol chäj chupam ri räxalaj caj, quitunuj ri uwächulew quitasa' c'ut ri k'ij che ri chak'ab chebajwataj c'ut xukuje' che qui c'utic tak ri k'ij, ri junab xukuje' ri q'uiakal tak k'ij.” Je c'u xbantajic.

xubij: “Ri ulew chebuq'uiyisaj ronojel qui wäch k'ayes xukuje' ichaj ri quequiya' ija', cheq'uiy ronojel qui wäch che' ri quequiya' wächinic.” Je c'u xbantajic.

Ri Dios xuban quieb che ri ja': niq'uiaj xcanaj cho ri ulew, niq'uiaj chic xcanaj cho ri caj

Xeq'uiy c'ut ronojel qui wäch k'ayes cho ri ulew ri quequiya' qui wäch, xukuje' xeq'uiy ronojel qui wäch che' ri quequiya' wächinic. Xril c'u ri Dios chi utz xelic.

Ri Dios xebuban ri quieb sakilal: ri nim rech cätunun pa k'ij xukuje' ri ch'utin rech cätunun chak'ab. Xukuje' xebuban ri ch'imil.

Xubij c'u ri Dios: “Chumulij rib ri ja' ri c'o chuxe' ri caj xa pa jun c'olbal, rech cäc'utun ri chaki'j.” Je c'u xbantajic. Ri Dios xucoj “ulew” che u bi' ri chaki'j ri xc'utunic, are c'u ri ja' ri xumulij rib xucoj “plo” che u bi'. Aretak xril ri Dios chi utz xelic

xebutewichi'j ri awaj ri xebubano, cuc' tak we tzij ri': “Chixalanok chixq'uiyirok, chinojisaj ri plo; xukuje' chepok' chicop ri c'o qui xic' cho ri uwächulew.”

Xubij chi ri Dios: “Chebupok'isaj ri ulew ronojel qui wäch awaj: aj uwo ja xukuje' juyubal tak awaj, xukuje' ri cäquijururej quib puwi' ri ulew.” Je c'u xbantajic.

Xubij chi ri Dios: “Chebupok'isaj ri ja' ronojel qui wäch awaj, xukuje' chec'ol chicop ri c'o qui xic' ri querapap chicaj puwi' ri ulew.” Je c'u xbantajic.

Ri Dios xebuban conojel we awaj ri', xril c'ut chi ronojel utz xcanajic.