मत्ती 10 Popüler Kutsal Kitap Ayetleri

Paylaş

खंड्रूई गेह केतिंङ त्रैंईतु ठ्रोह शंखुतु बिचंङ चरच़ातग, झांह लेह ओमड्रो ठ्रोह चलाक ए कबूतरो ठ्रोह बुद्धिमान शुई।

छना कुचे अच़ि एनोह जहान दिह धरतीऊ टोईच़ी बचाएपोतो दोई दुह योहपतो; अच़ि गिऊ थल्जी एनोह जहान रमोतो दोई दुह खोकपोतो।

अच़ि फुको घात लाह्तोर, पर आत्मो नुकसान लेह मरच़ि, दोतंङ साते थाबेंई पर परमेश्वरारंङ साते बेंईन अच्च़ी फुके आत्मा झुल्ला नरकंङ खत्म लेह तरच़ा।

अरी गिऊ चेला शुहबिमी बजाए दुख सहन लहज़िमी ए सीमी लाह तेयार माह दुह गिऊ चेला बणेक्पिमी जोगे माह।

अच्च़ी लाह मीहतु तुईज़ी कुट्रातोर कि दोरे गिऊ चेलार शुहर, दंङ गेह लाह दोबि घेंङौ स्वर्गीय बाहऊ तुईज़ी घेंङौ चेला मनेक्पोग। पर अच़ि मीहतु तुईज़ी गिऊ चेला शुबीरंङ साते इन्कार लोहतो, दंङ गेह लाह दोबि घेंङौ स्वर्गीय बाहऊ तुईज़ी घेंङौ चेला शुहबिमी दोरच़ी इन्कार लोहग।

नत्पारे ठीक लांई: सिए दोरे श्रींङमी लांई, कोढ़ीरे शुद्ध लांई, दंङ मांजी आत्मारे हुन्दुई, छना केतिङ मुफ्ता खोकसी तोह ध्वांए मुफ्ता रांई।

दिऊ थल्जी था बेंईन। केहरे परमेश्वरो थल्जी प्यारेबे बढ़के शुई।

दिह था सोचेक्तुंई कि गेह धरती रिंङ मीहतु बिचंङ मेल मिलाप लहज़िमी अंज़े शुगाह; गेह मीहतु बिचंङ मेल मिलाप लह्जी माशुहगा पर झगड़ा कराएच़िमी थल्जी अंज़े शुगाह।