लुका 3 Popüler Kutsal Kitap Ayetleri

Paylaş

जम्‍मा मानुसलके बप्‍तिस्मा लेइतिहि कर्लटाकै येसुहु आको बप्‍तिस्मा लेलक्, आउँ ओहिं पाराथ्ना कर्तिहि-कर्तिहि आकास उग्‍घ्‌रलकुन्। आउँ घुग्‍घुक् रुपमाहा पबित्‌र आत्मा येसुक् उप्‍रै नाभिहिन् आइलक् आउँ ओछि स्वर्गोक्‌भटे यरङ् आवाज आइलकुन्, “तुँइ मोरा पियारो छाउरा हो, तोरासङ्‌हिं मुँइ एक्‌दमे खुस्सि रहम्‍ना।”

यि कहिन् थाहा पाइनेसौ यहुन्‍नाइ जम्‍मा मानुसलकलाइ बोल्‍लाहा, “मुँइ ता तोहोरालाइ पानिसौं बप्‍तिस्मा देमेहेर्ला, तर मोराइसौ बाराइय एक्‌जेना आइतिहि रहैस्। मुँइ ता ओक्‌राक् जुत्‍ताक् डोर फुक्लाबाक् काम कर्बाहुँक् नासोहाम्। ओहिं तोहोराखर्‌हालाइ पबित्‌र आत्मा आउँ आगिक्‌भटे बप्‍तिस्मा देहेर्ला।

तोहोराखर्‌हाइ साँच्‍चिहिंकक् आफ्नि-आफ्निक् पाप सुइकारिहिन् आफ्निक् मन परमेस्वरक्‌पटि फर्काल हो भेने उहेरङे करिहिन् चलह। आउँ हामि अब्राहामक् सन्तानलक् हो बोल्तिहिमा तोहोराखर्‌हाइ उम्‌कुहुँक्ला बाजिहिन् बुन् सोंचोहो मुँइ तोहोरालाइ बोल्मेहेर्ला परमेस्वरे यि दोंखोलकक् भटेहि अब्राहामक् सन्‍तानलाइ उत्पन्‍न कर्बा पारैस्।

गाछक् फेद्‌राइ कुल्हारक् चोट पोरिहिन् सक्‍ल रहेला। मज्जाक् फोर नहिंफोर्लाहार सेब्‌भ्‍रोउ गाछलकलाइ ढालिबानाइ आगिमा घुघाइजायला।”

यरङ् करिहिन् यसैया बाज्ल अगमबक्‍ताइ धर्मसास्टरइ लेख्ल यि कहिनलक् पुरा भेबा आइलकुन्– “सुनह, उखास लाग्दो ठाँओमाहा एक्‌जेना बर्के सोरे चिच्‍याइबानाइ यरङ् बाज्तिहि रहैस्, ‘परमपर्भु आबाक्नि पैंदा बानाहो, ओहिं हिंठ्‌बाक् गोर्‌याटोलक् सोझो बानाहो! जम्‍मा खोला-खोल्सि पुरिजायला, डाँराकाँर्‌हा आउँ पहरालक् सम्‍येबनेला। घुमाउरो पैंदा सोझो भेला, आउँ अफ्‍ठ्‌यारो पैंदा सजिलो बनिहिन् जायला। यरङ् करिहिन् जम्‍मा मानुसलके मुक्‍तिलाइ देख्बा पारट्‌थ्‍ला।’”