प्रेरित 16 Popüler Kutsal Kitap Ayetleri

Paylaş

तसौ उखर्ह्‌वाइ बोल्‍लाहा, “पर्भु येसुक्‌लाइ बिस्वास कर, तुँइ आउँ तोरा पुराय परिबारे मुक्‍ति पाहोला।”

तर आधा रातिक्‌पाखा पावल आउँ सिलास पाराथ्ना कर्तिहि परमेस्वरक् भजन गित्कातिहि रैल्हुहुन्, आउँ ओर्को कैदिलकेसेहे सुनिहिन् बस्ल रैल्हुहुन्। उहेटाकिहिमा एक्‍कासि डरौलाक्टो बर्के भुँइच्याल जाइलकुन्, आउँ झेलखारक् जगलक् हल्‍ललकुन्। तसौ ताट्‌काले जम्मा दिहाँरलक् उद्‌रिजाइकुन्, आउँ कैदिलकलाइ बाँर्‌ल्ह जम्मा साङ्लालक् फुक्ललाहा।

ओक्‌राक्‌पाछु ओहिं उखर्ह्‌वालाइ झेलखारक् बाहार लेगाइबानाइ सोर्ल्हाहा, “हजुरेहेलक् मुँइ मुक्‍ति पाबाक् लागि किवा कर्बा पोर्लाहार?”

तसौ झेलखारक् हाकिम निरक्‌भटे जाग्लक्, आउँ ओछि ओहिं झेलखारक् जम्मा दिहाँरलक् उद्‌रल देखिहिन् असौ ता जम्मा कैदिलक् पाराहुन्बे बाजिहिन् सोंचिबानाइ ओहिं भिर्ल तरवाल दाबक्‌भटे स्वात्‍त झिकिबानाइ आफ्निलाइ रेटिहिन् मोर्बाक् खोज्लोक्। तर पावले यि देखिबानाइ बर्केचोटे चिच्याहिन् यन्हिं बोल्‍लोकुन्, “एहे! हजुर, तोहोलेके आफ्निलाइ किच्छु नोक्सान जुन् करह, किसाबुने हामि जम्मायँ यच्छि रहुँक्ला।”