Lukasi 17 Popüler Kutsal Kitap Ayetleri

Paylaş

Kukwendi gha ningire eshi: “Wimane ghu huke kukwenu. Matawero ghoye ne ghana kughamwena.”

Karo ngeshi ghana harura kukoye parukwoko noruwadi mudiyuwa, ho gheye kukoye parukwoko noruwadi mudiyuwa gha ninge eshi: ‘Na humbu,’ wa kona kumupa mathigherero.”

Yofotji ghopapawo apa gha monine eshi, gha neruka, gha ka hukire ghukugha Nyambi thikuma. Ko kukuvama kwendi kumapadhi ghaJesusi gha mu tumere. Murume yu ne Musamaritana.

Yodigho mu kukoneke mwathinda. Ngeshi ha tendi ghuyi muyendhoye kukoye, yi mu shwenene, ene ngeshi ghana kwera, mu thigherere.

Jesusi gha ningire eshi: “Mbadi ha neruka dikumi ndi? Kupi hashakwoko nohane?

Fumu gha wa huthire eshi: “Ngeshi ngo mwa kara nomatawero ghokukara yira dinona dyoghutata, ngo kukona kuninga kuthitondo thoghutunda eshi: ‘Dhuruke po pano nomidhi dhoye dhodhiheya, ghu ka kutapeke mudikuruviya. Natho ngo tha mu yuva.’

Kehe yu mbo gha yereka kukunga moyo wendi, mbo ghuna mu yongara, oyu mbo gha ghu yongaritha, mbo ghuna mu karera.

Ko kutongwera Jesusi hakathishongero wendi eshi: “Kadi wa kuwana mashingero ghoyinu yokuwithera munu mumaharwero. Ene mawe kwawanu wa hana kureta yi. Ghuhunga munu ghokenge yo ne kumughanga dimuwe pathingo dhendi, no kumuvukumena mudikuruviya, ngeshi ha yongaritha yofotji ghopawanuke wa.

Thika di ya karire mumayuwa ghaNoghe, kemo dyo mbo yi kara mumayuwa ghaMwanamunu. Awa ha dyangire no ha nwangire ha yekangire thika roruheya, kate mudiyuwa edi ghengenine Noghe muwato ghushokuru. Ko kwiya divavure no dya wa dhongononine waheya.