Matthew 7 Popüler Kutsal Kitap Ayetleri

Paylaş

“Ainoa aꞌe Keakua, kena kama la meau aku nia okou hihai la. Sesee, kena okou melave. Kikili kokoꞌa, kena kokoꞌa la meikalaꞌi aku maꞌokou.

Ame okou eainoa, okou meiko. Ame okou esesee, okou melave. Ia ame okou ekikili, kokoꞌa la mekalaꞌi aku maꞌokou.

“Poi hekama elono nakakala anau, kena upena kaukali hea anau ekakala nei, kama na eakamai, ehau poi hekama kela ehakuu kehale aia la iluna hakupaa.

“Konaꞌi alakama, ehau poi okou hihai nakama la ikonaꞌi okou. Kenei kehakaꞌoko hananiu nakuaa Moses, ia kepolopolo nakama hakae nakakala Keakua.

Kokoꞌa keꞌina keola la eꞌao lo. Keala kela eo keꞌina keola la ehainakaa. Ia nikamaa kama oia elave keala la.

“Keala kela ekae keꞌina kehalono lihu la ehainahie. Kokoꞌa keꞌina kehalono lihu la elaha. Kena komaꞌi nakama ekaꞌa iloko kokoꞌa la. Ia okou ihamamahi iulu iloko kokoꞌa eꞌao.

Niaina nakipukipu okou la saꞌino, okou eailoa keau aꞌe namea kaualeꞌa i nakamaliꞌi okou la. Ia Kamana okou i kevaelani eme pela hoi. Kama la meiau aꞌe komaꞌi namea kaualeꞌa i nakama kela eainoa aꞌe i aia.

“Okou isehakonu alakama, aoki nakama la mehakonu okou. Poi okou ehakonu alakama, kena nakama la mehakonu okou pela hoi. Poi okou eau aꞌe namea, kena alamea mevaꞌai aku pela hoi.

“Ia poi hekama elono nakakala anau, ia sepena kaukali hea anau ekakala la, kama na epanimu. Ehau poi kekama kela ehakuu kehale aia la iluna kaꞌele semau.

Aꞌoe eꞌike kaꞌele emau iloko keꞌalemaka kaina aꞌoe la, ia aꞌoe seꞌike keunaloko laꞌau epui naꞌalemaka aꞌoe. Aꞌoe sekau keme aꞌe kaina aꞌoe la pela, ‘Hamai ipisi kaꞌele emau keꞌalemaka aꞌoe.’ Ia aꞌoe soꞌoe seꞌike keunaloko laꞌau emau naꞌalemaka aꞌoe.

“Ilaꞌila hamakonu nakama kela ekakala aku i kemale Keakua, ia ehailavaꞌa oia. Nakama la eo aku poi ni{sipisipi} ekala. Ia nakama la ehau poi nipoi leikama. Okou meimakino nakama la i nakipukipu lakou. “Selavaa hekama keꞌahi nanaku ikaha ma napavuhu. Ia selavaa hekama kekuu nahui kehala ikaha ma navasa.

Nalaꞌau kaualeꞌa ehua nahua kaualeꞌa, ia nalaꞌau saꞌino ehua nahua saꞌino.

Kelaꞌau kaualeꞌa selavaa kehua nahua saꞌino, ia kelaꞌau saꞌino selavaa kehua nahua kaualeꞌa.

Nalaꞌau sehua nahua kaualeꞌa ekau kekuu imoe ilalo, kena ulaku iloko keahi.