Luke 12 Popüler Kutsal Kitap Ayetleri

Paylaş

Ia dou vakararau tu vakakina koi kemudou talega: ni sa lako mai na Luve ni tamata e na tiki-ni-siga dou sa sega ni nanuma kina.

Ia mo dou dauvakasaqara ga na matanitu ni Kalou: ia ena soli mei kuri vei kemudou na ka kecega o qo.

Sa kaya talega vei ira ko koya, Dou raici kemudou, ka karoni kemudou mai na daukocokoco; ni sa sega ni kalougata na tamata e na vuku ni sa levu na ka sa tu vua.

Ni na tiko na yalomudou e na yasana sa tiko kina na nomudoui yau.

Ia ko cei vei kemudou ni sa lomaocaoca sa rawata me vakuria vakalailai ga na siga ni nona bula?

Sa qai kaya ko koya vei iratou na nona tisaipeli, O koya o qo kaʼu sa kaya kina vei kemudou, Mo dou kakua ni lomaocaoca e na vuku ni nomudou bula, e na ka mo dou kania; se na vuku ni yagomudou, e na ka mo dou vakaisulu kina.

Ia ka sa wiliki kecega na drau ni ulumudou. O koya o qo mo dou kakua ni rere: dou sa uasivi cake vei ira na manumanu e vuqa.

Kakua ni rere, na qele-ni-sipi lailai; ni sa vinakata sara na Tamamudou me solia vei kemudou na matanitu.

Dou vakananuma na reveni: era sa sega ni kaburaka, se tamusuka; sa sega na nodra vale ni yau se nodra lololo; a sa vakani ira na Kalou: sa dina ni dou sa yaga vakalevu cake vei ira na manumanu.

Ia dou kakua ni dauvakasaqara na ka mo dou kania, se na ka mo dou gunuva: me kakua talega ni yavala na lomamudou.

Ia kevaka sa vakasuluma vakaoqo ko na Kalou na co sa tu edaidai e na veiwere, a sa biu ki na lovo e na sabogibogi: ena sega li ni ia vakalevu cake vei kemudou, oi kemudou sa vakabauta vakalailai?

Ia sa sega na ka sa vuni, me kakua ni vakarairaitaki; se tabogo, me kakua ni kilai.