Va'Atəŋ 1 Popüler Kutsal Kitap Ayetleri

Paylaş

Maŋgəlva anah na: «Məɗɗa səm ɗəf dəgil va mənamə, va mənam səɗeki, dəzəmgən məlĩ aket kilfeŋge na pehe, biŋgeɗ na disiŋ, zəgeɗ memeyẽɗ naka dəlvafuŋ, gəm zəgeɗ memeɗeŋɗe məzəɓlaŋ aka dəlvafuŋ!» Maŋgəlva azəməɗək ɗəf vit va ndəni, vit va ndən zəknan səɗek azəməɗ ɗəfa; ɗəf mizilin dət guluk azəmiɗe.

Maŋgəlva aɗɗak əzaɓ aketi, Maŋgəlva aɓsit na: «Muwə, mənzlərgən kiykum, məknəh dəlvafuŋ, məzəm məlĩ akani. Məzəm məlĩ aket kilfeŋge na pehe, biŋgeɗ na disiŋ, dit zəgeɗ məzəɓlaŋ aka dəlvafuŋ pakə!»

Də wətəŋ na, Maŋgəlva azəməɗək disiŋ də dəlvafuŋ.

Dəlvafuŋ asanək ɗarə, pak dəmani, guzli dəsan aka təki mekeleŋ, heret iŋkile kpukpumɗe məbayaŋ gəgay dəsərətəni; əmpəs na Maŋgəlva dədabbal aket iŋkile

yaŋ Maŋgəlva amna: «əkeɗeɗe dəkekeɓe'i!» əkeɗeɗe akekeɓe'ke.

Maŋgəlva awla an agəɗ pak moggoni sawɓa. Pay atirke, təki addaŋka: pay masləre'eni.

Maŋgəlva awlak na əkeɗeɗe məkekeɓe'in lewi yi. Maŋgəlva agohonək əkeɗeɗe məkekeɓe'in də guzliyo.

Maŋgəlva anah na: «Yaŋ in tat əpsukum kevileɗ məzuɗiyaŋ mahẽyit naka dəlvafuŋ pakə, wəlaŋga muwə uwa nan də wətəni, awaniɓa məs mahanyən addəvən pakə, wasan wəzəm nokum.

Maŋgəlva aya əkeɗeɗe məkekeɓe'in na, «kapaya», guzli na «dəfəɗa». Təki atirke, təki addaŋka: pay maddaabəŋgi yi.

Maŋgəlva anah əmpa na: «Təki keŋreŋge dəsan addekit iŋkile, duɗeket iŋkile!»

Kevile məkdəkan pak nəpsitik zəgeɗ memeyẽɗ naka dəlvafuŋgu, biŋgeɗ na disiŋ dit zəgeɗ məzəɓlaŋ məzəmpəsaŋgə, zəgeɗ mederet pakə, ka zəga nawzəma.» Vas agəɗə.

Maŋgəlva anah na: «Zəgeɗ məzuwiɗeŋ dəssoŋ a təki keŋreŋge na disiŋ, kawɗakan kapay də dəfɗa, dəssoŋgən zəgeɗ narban pay net wəzləreɗi, net əvoŋɗe gəm əzvaɗe

Maŋgəlva amna: «Dələv dəgilgit zəgeɗ məkdəketi: kevile aɗi mahanyən va zeŋvin asani, wəleŋɗe məzuwaŋ duwaŋ va zeŋvit asani!» Agəɗək vaska.

Maŋgəlva aɗɗak təki keŋreŋge naka, awɗeketik iŋkile nafuŋ dit en balsən təki keŋreŋge. Vas agəɗə.

Dəlvafuŋ agilgitik zəgeɗ məkdəketi: kevileɗ məzəɗɗaŋ mahẽyit təstəsə, gəm wəleŋɗe məzuwaŋ məs də mahẽyit addəvit kirtit va zeŋvit asani. Maŋgəlva awlak na, moggoni.

Maŋgəlva aɗɗek məzuwiɗeŋ gugriɗ sula, məzuwiɗ metiŋgini, ammba kawdawgən kapaya, an muzliya, kawdawgən dəfɗa, gəm ŋgərzleɗi.

Maŋgəlva anah na: «Iŋkile nammba disiŋ əŋ dəkkalaŋ a təki taka, təki məklakan dərbangən zəni!» Vas agəɗə. Maŋgəlva aya təki məklakan nak na, dəlvafuŋ; aya əkkal net iŋkile tam na, pehe. Maŋgəlva awla na, moggoni sawɓa.

Maŋgəlva aɗɗak əzaɓ aketi, amna: «muwə, mənzlərə, məknih iŋkile na pehe, biŋgeɗ duwanən kiyit aka dəlvafuŋ!»

Maŋgəlva anah na: «Zəgeɗ mederet duwaŋ aka dələv va zeŋvit asani: zəgeɗ memeyẽɗ neŋgili, dit en memeɗeŋɗe, vẽvẽɗe va zeŋvit asani!» Agəɗək vaska.

Maŋgəlva anah na: «Zəgeɗ memeyẽɗ mederet duwaŋ hõslõ' hõslõ' aret iŋkile, biŋgeɗ dəveŋgeŋ a təki keŋreŋge na disiŋ aka dəlvafuŋ.»

Maŋgəlva aɗɗek zəgeɗ nawra va zeŋvit asan, zəgeɗ memeyẽɗ neŋgil va zeŋvit asani, dit vẽvẽɗe temtem naka dələv va zeŋvit asani. Maŋgəlva awlak na, moggoni.